Ajeeb Hijar Parasti Thi Uski Fitrat Main

[Azeyy]

​

​

عجیب ہجر پرستی تھی اُسکی فطرت میں​

​

شجر کے ٹوٹے پتّے تلاش کرتا تھا​

قیام کرتا تھا وہ مجھ میں صوفیوں کی طرح​

اُداس رہنے کے گوشے تلاش کرتا تھا​

تمام رات وہ زخم دے کر اپنے پیروں کو​

میرے وجود کے ریزے تلاش کرتا تھا​

دُعائیںکرتا تھا اُجڑے ہوئے مزاروںپر​

بڑے عجیب سہارے تلاش کرتا تھا​

بُھلائے کون اذیّت پسندیاں اُسکی​

خوشی کے ڈھیر میں صدمے تلاش کرتا تھا​

تمام رات وہ پردے ہٹا کرچاند کے ساتھ​

جو کھو گئے وہ لمحے تلاش کرتا تھا​

مجھے تو آج بتایا ہے بادلوں نے وصیؔ​

وہ لوٹ آنے کے رستے تلاش کرتا تھا​

​

​