Aey jazbaa-e-dil gar mai'n cha'hoo'n her cheez muqaabil aa jaaey..
Manzil k liyay do gaam chaloo'n aur samanay manzil aa jaaey..
Aey dil ki khalish chal yoo'n hi sahi, chalata to hoo'n unki mehafil mai'n..
Us waqt mujhay chau'nka daina jab rang may mehafil aa jaaey..
Aey rehabar-e-kaamil chalanay ko tayyaar to hoo'n per yaad rahay..
Us waqt mujhay bhataka daina jab saamanay manzil aa jaaey..
Haa'n yaad mujhay tum kar laina aawaaz mujhay tum day laina..
Is raah-e-mohabbat mai'n koi darapaish jo mushkil aa jaaeye..
Ab kyun dhoondoo'n woh chashm-e-karam honay day sitam baalaa-e-sitam..
Mai'n cha'hata hoo'n aey jazba-e-ghum mushkil pas-e-mushkil aa jaaey..
Is jazb-e-dil k baaray mai'n ik mashvarah tum say laita hoo'n..
Us waqt mujhay kya laazim hay jab tujh pay maira dil aa jaaey..
Aey barq-e-tajalli kya tu nay mujh ko bhi moosa samajha hay..
Mai'n toor nahee'n jo jal jaoo'n jo cha'hay muqaabil aa jaaey..!
Manzil k liyay do gaam chaloo'n aur samanay manzil aa jaaey..
Aey dil ki khalish chal yoo'n hi sahi, chalata to hoo'n unki mehafil mai'n..
Us waqt mujhay chau'nka daina jab rang may mehafil aa jaaey..
Aey rehabar-e-kaamil chalanay ko tayyaar to hoo'n per yaad rahay..
Us waqt mujhay bhataka daina jab saamanay manzil aa jaaey..
Haa'n yaad mujhay tum kar laina aawaaz mujhay tum day laina..
Is raah-e-mohabbat mai'n koi darapaish jo mushkil aa jaaeye..
Ab kyun dhoondoo'n woh chashm-e-karam honay day sitam baalaa-e-sitam..
Mai'n cha'hata hoo'n aey jazba-e-ghum mushkil pas-e-mushkil aa jaaey..
Is jazb-e-dil k baaray mai'n ik mashvarah tum say laita hoo'n..
Us waqt mujhay kya laazim hay jab tujh pay maira dil aa jaaey..
Aey barq-e-tajalli kya tu nay mujh ko bhi moosa samajha hay..
Mai'n toor nahee'n jo jal jaoo'n jo cha'hay muqaabil aa jaaey..!