aaiinaa hairaa'n hai aur aasmaa'N rone ko hai
is tamaasha gaah main ab aur kyaa hone ko hai
kashtagaan-e-dard ko jaa'N kii amaa'N kaise miley
zindagii kii har duaa apanaa asar khone ko hai
niind ke maare kisii sapane kii Khvaahish kyaa karei'n
har gharhii mahasuus hotaa hai sahar hone ko hai
kis ke naqsh-e-paa ko samajhe'n apanii manzil kaa nishaa'N
jhaag urhaatii mauj aa kar har nishaa'N dhone ko hai
kaash ye ko_ii sitaaraa yaa ko_ii juganuu kahey
har andheraa kah rahaa hai roshanii hone ko hai
ai havaa-e-be-yaqiinii gul na kar ghar ke charaaG
chUnd lamho'n ko Tthahar jaa kuchh na kuchh hone ko hai
is tamaasha gaah main ab aur kyaa hone ko hai
kashtagaan-e-dard ko jaa'N kii amaa'N kaise miley
zindagii kii har duaa apanaa asar khone ko hai
niind ke maare kisii sapane kii Khvaahish kyaa karei'n
har gharhii mahasuus hotaa hai sahar hone ko hai
kis ke naqsh-e-paa ko samajhe'n apanii manzil kaa nishaa'N
jhaag urhaatii mauj aa kar har nishaa'N dhone ko hai
kaash ye ko_ii sitaaraa yaa ko_ii juganuu kahey
har andheraa kah rahaa hai roshanii hone ko hai
ai havaa-e-be-yaqiinii gul na kar ghar ke charaaG
chUnd lamho'n ko Tthahar jaa kuchh na kuchh hone ko hai
