2 lines ashaar

[Fanii]

Tere hijraan se taluq ko nibhaney ke liye,
Mene iss saal bhi jeeney ki kasam khayi hai..

 

[Fanii]

Pait bhara nahin sultaan ka sab samait kar,
Qalandar donon hathon se luta kar raqss karta hai..

 

[Fanii]

Kitaab, qalam, soch, sabhi mere hain takreeban,
Jo likhe hain mene, woh khayaal tere hain..

 

[Fanii]

Zaahir kisi pe na apne halaat ki jiye,
Jese bhi ho sake, bassar aukaat ki jiye..

 

[Fanii]

Yoon lag raha hai jese abhi laut aaye ga,
Jaatey huye chiraagh bhujaa kar nahin geya..

 

[Fanii]

Mushkil hua hai rehna humain is deyaar mein,
Barson yahan rahe hain, yeh apna nahin hua..

 

[Fanii]

Bhool jaaon to jee nahin sakta,
Yaad aao to dam nikalta hai..

 

[Fanii]

Jab se mere yaar ne badli hai hakoomat,
Mere dil ki mayishat* ka bura haal hua hai..

 

[Fanii]

Pat’jharr* sa lage ga mujhe tanhaai ka mausam,
Ab ke bhi guzar jaaye ga ruswaayi ka mausam..

 

[Fanii]

Wohi main hoon, wohi hai tere gham ki kar’farmaayi*,
Kabhi tanhaai mein mehfil, kabhi mehfil mein tanhaayi..

 

[Fanii]

Jahan dekha kisi ke sath dekha,
Kahin hum ne tujhe tanhaa na paya..

 

[Fanii]

Tanhaayiyon se khud ko bachaana parra mujhe,
Yaadon ka aik sheher basaana parra mujhe..

 

[Fanii]

Mohabbat ko laazim hai awaargi bhi,
Nahin ishq karta assar bethey bethey..

 

[Fanii]

Tamaam umar ki awaargi pe bhaari hai,
Woh ik shab jo teri yaad mein guzaari hai..

 

[Fanii]

Tabeer se mehroom mere khawb bohat they,
Saada si kahani, magar baab bohat they..

 

[Fanii]

Yakeen us ko aata nahin, Wazaahat mein nahin karta,
Guzar jaye gi umar shayed, imtehaanon mein..

 

[Fanii]

Mujhsa koi duniya mein nadaan bhi na ho,
Karke jo ishq kehta hai nuqsaan bhi na ho..

 

[Fanii]

Mein kisi kaam ka nahin warna,
Woh kisi kaam se hi aa jata..

 

[Fanii]

Har roz ke nit naye bahaney,
Ab maan bhi jao, badal gaye tum..

 

[Fanii]

Uljhi nigaahon ne musalsal mujhe dekhta raha,
Aayiney mein kharra shakhss pareshan bohat tha..