کہتے ہیں کہ ایک بزرگ دریا کے اندر پانی میں رہ کر کئی سال تک تلاوتِ کلامِ پاک کرتے رہےـ آخر ایک دن سرشار ہو کر باہر نکلے اور اپنے چاہنے والوں کے پاس جا کر اعلان کیا کہ "اگر مجھے معلوم ہوتا کہ الله کی پہچان اتنی آسان بات ہے تو ہم پانی میں اتنے سال کیوں کھڑے رہتے"ـ
ایک بیباک طالب نے بڑھ کر کہا "یا شیخ ٠٠٠٠٠ آپ کی ہر بات صحيح، آپ کی ہر بات برحق، اب آپ کم از کم ہمیں تو وہ راز بتا دیں تاکہ ہم پانی میں کھڑے رہنے کی صعوبت سے بچ سکیں"ـ
وہ شیخ مسکرائے اور کہا "میں اتنے سال کی عبادت کا حاصل تمھیں ایک سیکنڈ میں کیسے دے دوں"ـ
اب نتیجہ صاف ہے کہ جو کچھ حاصل ہوا وہ ریاضت کے نتیجے سے ہوا اور اگر ریاضت کے نتیجے سے ہوا تو یہ کیوں کہا گیا کہ اگر مجھے معلوم ہوتا کہ الله یہ ہے تو اتنے سال ضائع کرنے کی کیا ضرورت تھی ـ
بس یہی راز ہےـ
جو ملتا ہے وہ بہت آسان بات ہےـ مگر یہ آسان بات بڑی مشکل سے حاصل ہوتی ہےـ
واصف علی واصفؒ
حرف حرف حقیقت
