اخلاق کا معنی
اخلاق خُلُق کی جمع ہے جس کے معنی ہیں عادت، طبیعت، مروت {المنجد} اخلاق اچھا بھی ہوتا ہے اور برا بھی، حسن خلق اور بد خلق لیکن عام طور پر اخلاق کا استعمال خلق حسن کے لیے ہوتا ہے، جیسے کہا جاتا ہپے فلاں شخص بڑا با اخلاق یا خوش خلق ہے "یعنی اچھی خصلتوں کا مالک ہے
اخلاق کی تعریف
نفس کی وہ حالت راسخہ جس سے اچھے یا برے افعال صادر ہوں بغیر کسی غور و فکر کے۔ یعنی اچھائئ یا برائئ کی وہ عادت جو آدمی کے اندر راسخ ہو چکی ہو اور قصد و بلا قصد اس کا صدور ہوتا رہتا ہو۔ یا اس کو یوں سمجھیں کہ آدمی کہ طبیعت میں جو بات بیٹھ چکی ہو اور بلا تکلف اس کا صدور ہوتا ہو وہ اخلاق ہے تو جو خوش خلق ہو اس سے خوش خلقی ہی کا صدور ہوگا ایسے ہی جو بد خلق ہو اس سے بد خلقی ہی صادر ہو گی مگر یہ کہ اسے اخلاق حسنہ کے اظہار کے لیے تکلیف اٹھانی پڑے تب اچھی بات کہہ سکے واللہ اعلم
احادیث کی روشنی میں اخلاق حسنہ
قیامت کے دن مومن کی میزان میں سب میں بھاری جو چیز رکھی جائے گی وہ خلق حسنہ ہے اور اللہ تعالی اُس کو دوست نہیں رکھتا جو فحش گو بد زبان ہو {ترمذی
ایمان میں زیادہ کامل وہ ہیں جن کے اخلاق اچھے ہوں {ابو داود
مومن اپنے اچھے اخلاق کی وجہ سے قائم اللیل اور صائم النہار کا درجہ پا جاتا ہے {ابو داود
میں اس لیئے بھیجا گیا کہ اچھے اخلاق کی تکمیل کر دوں {امام مالک و احمد
