اب کے برس تم ایسا کرنا۔۔۔۔۔

[engr58]

​

اب کے برس کچھ ایسا کرنا

اپنے پچھلے بارہ ماہ کے​

​

دکھ سکھ کا اندازہ کرنا​

بکھری یادیں تازہ کرنا​

سادہ سا اک کاغذ لے کر​

بھولے، بسرے پل لکھ لینا​

اپنے سارے کل لکھ لینا​

سارے دوست اکٹھے کرنا​

ساری صبحیں حاضر کرنا​

ساری شامیں پاس بلانا​

اور علاوہ ان کے دیکھو​

سارے موسم دھیان میں رکھنا​

اک اک یاد گمان میں رکھنا​

پھر محتاط اندازہ کرنا​

گر تو خوشیاں بڑھ جاتی ہیں​

پھر تو تم کو میری طرف سے​

آنے والا سال مبارک​

اور اگر غم بڑھ جائیں تو​

مت بیکار تکلف کرنا​

دیکھو پھر تم ایسا کرنا​

میری خوشیاں تم لے لینا​

مجھ کو اپنے غم دے دینا​

اب کے برس تم ایسا کرنا۔۔۔۔۔​

​

​

 

[Zee Leo]

nice sharing

 

[Qawareer]

میری خوشیاں تم لے لینا

مجھ کو اپنے غم دے دینا

اب کے برس تم ایسا کرنا۔۔۔۔۔


boht khoob........