Yaseen Shahi

[amj22224]

Kai badnamia'n hoti , kai ilzam sar jatey
Magar ae kash ham dono'n hamee'n dono pe mar jatey

Agar tum khab hotey to tumhe aankho'n mai rakkh letey
Na goya neend se phir jagtey hatta k marr jatey

Agar hum roshni hotey to phir ahsas ki lau se
Zamee'n ko chhorh detey mill k dono'n chand par jatey

Agar tum phool hotey to tumhari khushboo mein rehtey
Samandar ki tarah hotey to ham tum mai bikhar jatey

Hamarey khal-o-khadd kaise hain ye ab tak nahi dekha
Agar tum aaina hotey to hamm kitney sanwar jatey

Agar sooraj hi hotey to phir apni dhoop ki surat
Wajood-e-yaar ki dharti pe SHAHI hum bikhar jatey.
Poet:Yaseen Shahi

 

[Nelly]

nice
keep sharing wid us ​

 

[amj22224]

Apney jazbaat ankh mein rakh lo
Bus yehi baat ankh mein rakh lo

Zindagi to safar hai sehra ka
Thori barsaat ankh mein rakh lo

Din se jana’n kabhi chhupa k mujhey
Sirf ik raat ankh mein rakh lo

Main hu’n mehwar tumhari chahat ka
Tum meri zaat ankh mein rakh lo

Jin se khwabo’n mein rang bhar jae’n
Aisey lamhaat ankh mein rakh lo

Shahi hum se wafa parasto’n ki
Koi to baat ankh mein rakh lo.​