Raat aa_ii hai balaao.n se rihaa_ii degii-Anwar Masood

[melancholy girl]

Raat aa_ii hai balaao.n se rihaa_ii degii
ab na diivaar na zanjiir dikhaa_ii degii


vaqt guzaraa hai pa mausam nahii.n badalaa yaaro
aisii gardish hai zamii.n Khud bhii duhaa_ii degii



ye dhundalakaa saa jo hai us ko Ganiimat jaano
dekhanaa phir ko_ii suurat na sujhaa_ii degii



dil jo TuuTegaa to ik turfaa tamaashaa hogaa
kitane aa_iino.n me.n ye shaql dikhaa_ii degii



saath ke ghar me.n ba.Daa shor barpaa hai 'Anwar'
ko_ii aayegaa to dastak na sunaa_ii degii​

 

[melancholy girl]

jis tarah kii hai.n ye diivaare.n ye dar jaisaa bhii hai
sar chhipaane ko mayassar to hai ghar jaisaa bhii hai

[mayassar = available]

us ko mujh se mujh ko us se nisbate.n hai.n beshumaar
merii chaahat kaa hai mahavar ye nagar jaisaa bhii hai

[nisbat = relations/expectations; beshumaar = countless]
[mahavar = centre/focus]

chal pa.Daa huu.N shauq-e-beparvaah ko murshad maan kar
raastaa pur_pech hai yaa pur_Khatar jaisaa bhii hai

[murshad = guide; pur_pech = winding/full of turns]
[pur_Khatar = dangerous]

sab gavaaraa hai thakan saarii dukhan saarii chubhan
ek Khushbuu ke liye hai ye safar jaisaa bhii hai

vo to hai maKhsuus ik terii mohabbat ke liye
teraa 'Anwar' baa_hunar yaa be_hunar jaisaa bhii hai

 

[Dark]

wa niceee

 

[**King**]

superb lyrics

 

[aimen]

nice..........

 

[goodfrndz]

[MARQ]bohat bohat zbrdast [/MARQ]
[MARQ]

~~~shukriya~~~

hamarey saath share krney k liye. . . . .​

umeed krtey hain k aap
aisay hi hamrey saath share

krte rahain gey . . .. . InshaAllah​

[/MARQ]
​

 

[**King**]

nice collection

 

[pakrulz]

bht umda janab

 

[nrbhayo]

nice sharing jee.