Mohsin Naqvi's Shayari

[Afrasham_afi]

Bharakain meri pias ko aksar teri aankhen​

Sehra mera chehra samandar teri aankhen​

​

Phir bhala kon unhen daad-e-tabassum de ga​

Royen gi bahut mujh se bichar ker teri aankhen​

​

Bojhal nazar aati hain bazahir mujhe laken​

Khilti hain bahut dil mein utar ker teri aankhen​

​

Ab tak meri yaadon se mitaye nahi mit-ta​

Bheegi hoi ek shaam ka manzar teri aankhen​

​

Mumkin ho tu ek taza ghazal aur bhi keh lon​

Phir oorh na lein khawab ki chadar teri aankhen​

​

Yoon dekhte rehna usey acha nahi Mohsin​

wo kanch ka paikar hai tu pathat teri aankhen ​

 

[Afrasham_afi]

Firaq-e-Yaar ki Barish ,Malaal ka Mousam

Hamare Sheher mai Utra Kamaal ka Mousam​

​

Wo ik Dua Meri Jo Namuraad Loat Ayi Meri​

Zaban Se Rooth Gaya Phir Sawaal Ka Mosam​

​

Bohat Dinon Se mere Zehen Key Darichon Mai​

Theher gaya Hai Tmhare Khayal ka Mousam​

​

Jo be-Yaqeen ho Baharein ujar Bhi Sakti Hain​

tu Aa k Dekh ley mere Zawaal ka Mousam​

​

Mohabtein Bhi teri Dhoop Chaon Jesi Hain​

Kabi yeh Hijar Kabi yeh Wasaal ka mosam​

​

Koi Mila He NAi jis ko Soonpte Mohsin​

Hum Apne Khawab ki khushbooKhyaal ka Mosam​

​

​

​

 

[Afrasham_afi]

Us ne jab jab bhi mujhe dil se pukara Mohsin​

Main ne tab tab ye bataya ke tumhara Mohsin​

Log sadiyon ki khataon pe bhi khush baste hain​

Hum ko lamhon ki wafaon ne ujara Mohsin​

Jab aa gaya ho ye yaqin ab woh nahi aaye ga​

Gham aur anso ne dia sahara Mohsin​

Woh tha jab pas to jeney ko bhi dil karta tha​

Ab to pal bhar bhi nahi hota guzara Mohsin​

Us ko pana to muqadar ki lakeron mein nahi​

Us ka khona bhi karen kesey gawara Mohsin..​

 

[Afrasham_afi]

Wo dilawar jo siah shab k shikari nikle​

Wo b charhte hue sooraj k poojari nikle​

​

Sab K hontoon pe mere baad hain batein meri​

Mere dushman mere lafzon k bhikari nikle​

​

Ik janaza utha maqtal se ajab shaan k sath​

Jese saj kar kisi fateh ki sawari nikle​

​

Behte ashkon se shuaoon ki sabelein photen​

Chubhte zakhmon se fan-e-naqsh nigari nikle​

​

Hum ko har doar ki gardish ne salami di hai​

Hum wo pathar hain jo har doar main bhari nikle​

​

Aks koi ho khad-o-khaal tumhare dekhon​

Bazm koi ho magar baat tumhari nikle​

​

Apne Dushman se main be-waja khafa tha mohsin​

Mere qatil to mere apne hawari nikle​

 

[Afrasham_afi]

Chehra koi b Aankh mein thehra na phir kabhi...​

Dil ne kisi b shakhs ko chaha na phir kabhi..​

​

Rootha zra si baat pe uth kr chala gaya..​

Aysa gaya k laut k Aaya na phir kabhi..​

​

Kuch youn mila Tpaak se bus ishq ho gaya..​

Woh ajnabi tha kon tha' socha na phir kabhi..​

​

Us ne Btaur tohfa diya tha Libas-e-hijr !!!​

Pehna jo 1 baar' utaara na phir kabhi...​

​

Mohsin !.. Guzr chuka tha had-e-aitdaal se​

Jany kahan gaya' usay dekha na phir kabhi. ​

 

[Afrasham_afi]

Hum se tas'kher muqadar k sitare na hue​

Zindagi ap the or Ap hamaray na hue​

​

Phir btao k bhala kis pe sitam dhao ge?​

Shehr-e-Ulfat main agar dard k maray na hue​

​

Sach to ye hai k bina us k guzara jeewan​

Ye b such hai k bina us k guzare na hue​

​

Is liye apna milan ho b nahi sakta tha​

Ik darya k kabhi dono kinare na hue​

​

Toot jate hain sabhi pyaar k rishte "Mohsin"​

Kache dhage to kisi k bhi sahare na hue​

 

[Afrasham_afi]

Mohabbat ka Bharam Hota to Phir kuch Soch kr Jatay,​

Warna Zindagi Ban k Mere Hamdam Guzar Jatay,​

​

Thakay Haaray Prindon Ko Jo Dekha to Khayal Aaya,​

Koi Jo Muntazir Hota To Hum Bhi Apny Ghar Jatay,​

​

Main Kha K Dard ki Thokar abhi tak Hosla Mand hoon,​

Ye Thokar Jo Tumhen Lagti To Tum khud Bhi Bikhar Jatay,​

​

Is Tanhai Ka Hum Pe Bara Ehsan Hai "Mohsin"​

Na Deti Saath Ye Apna To Janay Hum Kidhar Jatay..​

 

[Afrasham_afi]

==*==Zikr-e-Shab-e-Firaq Se Wehshat usey Bhi Thi==*==​

​

Zikr-e-Shab-e-Firaq Se Wehshat usey Bhi Thi,​

Meri Tarha Kisi Se Muhabbat usey Bhi Thi.​

​

Mujh Ko Bhi Shoq Tha Naye Chehron Ki Deed Ka,​

Rasta Badal Ke Chalne Ki Aadat usey Bhi Thi.​

​

us Raat Dair Tak Wo Raha Mahw-e-Guftagu,​

Masroof Main Bhi Kam Tha Fursat usey Bhi Thi.​

​

Sunta Tha Wo Bhi Sab Se Purani Kahaniyan,​

Taaza Rifaqton Ki Zarorat usey Bhi Thi.​

​

Mujhse Bichar Ke Shehar Main Ghul Mill Gaya Wo Shakhs,​

Halan Ke Shehar Bhar Se adawat usey Bhi Thi.​

​

Wo Mujhse Bhar Ke Zabt Ka Aadee Tha Jii Gaya,​

Warna Her Ek Saans Qiyamat usey Bhi Thi.​

​

Mohsin Main Us Se Keh Na Saka Youn Bhi Haal-e-Dil,​

Darpeesh Aik Taza Musibat Usey Bhi Thi.

----------**********----------
​