Mohsin Naqvi Poetry Collection

[AnadiL]

یاد ماضی میں جو آنکھوں کو سزا دی جائے​

اس سے بہتر ہے کہ ہر بات بھلا دی جائے​

جس سے تھوڑی سی بھی امید زیادہ ہو کھبی
​

ایسی ہر شمع سر شام بجھا دی جائے​

میں نے اپنوں کے رویوں سے یہ محسوس کیا​

دل کے آنگن میں بھی دیوار اٹھا دی جائے​

​

میں نے یاروں کے بچھڑنے سے یہ سیکھا محسن​

اپنے دشمن کو بھی جینے کی دعا دی جائے​

​

 

[AnadiL]

Ab aay mere ehsaas-e-Junoon, kya mujhe dena
Darya usay bakhsha hai to sehra mujhe dena

Tum apna makaan jab karo taqseem to yaaron
Girti hui deewar ka saaya mujhe dena

Jab waqt ki murjhaai hui shaakh sambhaalo
Us shaakh se toota hua lamha mujhe dena

Tum mera badan odh ke phirte raho Lekin
Mumkin ho to ek din mera chehra mujhe dena

Chuu jaye hawa jise to khushboo teri aaye
Jate hue ek zakham to aisa mujhe dena

Ek dard ka mela hai, laga hai dil-o-Jaan me
Ek rooh ki awaaz, ke rasta mujhe dena

Ek taaza ghazal izn-e-Sukhan maang rahi hai
Tum apna mehekta hua lehja mujhe dena

Wo mujh se kahin barh ke musibat me tha Mohsin
Reh reh ke magar uska dilasa mujhe dena

 

[AnadiL]

Merey bus main ho to kabhi kaheen
koi aisa shehr basa'on main
jahan sach ko sach say ho waasta
jahan jugnu'oon ko hawa dikhati ho raasta
jahan chand maand na ho kabhi
jahan khushbo'on say badalti rutt ko hasad na ho
jahan khuwaab aankhoon main jagmaga'een to
jism o jaan k sabhi dareechoon main tairgi ka guzr na ho
koi raat aisi basar na ho
k bashr ko apni khabr na ho
jahan daagh daagh sahar na ho
jahan kashtiyaan hoon rawaan dawaan to
samandroon main bhanwr na hoon
jahan berg o baar say ajnabi, koi shaakh koi shajr na ho
merey bus main ho kabhi kaheen
koi aisa shehr basa'oon main....

Mohsin Naqvi

 

[AnadiL]

کوئی نئی چوٹ پِھر سے کھاؤ! اُداس لوگو
کہا تھا کِس نے، کہ مسکراؤ! اُداس لوگو

گُزر رہی ہیں گلی سے، پھر ماتمی ہوائیں
کِواڑ کھولو ، دئیے بُجھاؤ! اُداس لوگو

جو رات مقتل میں بال کھولے اُتر رہی تھی
وہ رات کیسی رہی ، سناؤ! اُداس لوگو

کہاں تلک، بام و در چراغاں کیے رکھو گے
بِچھڑنے والوں کو، بھول جاؤ! اُداس لوگو

اُجاڑ جنگل ، ڈری فضا، ہانپتی ہوائیں
یہیں کہیں بستیاں بساؤ! اُداس لوگو

یہ کِس نے سہمی ہوئی فضا میں ہمیں پکارا
یہ کِس نے آواز دی، کہ آؤ! اُداس لوگو

یہ جاں گنوانے کی رُت یونہی رائیگاں نہ جائے
سرِ سناں، کوئی سر سجاؤ! اُداس لوگو

اُسی کی باتوں سے ہی طبیعت سنبھل سکے گی
کہیں سے محسن کو ڈھونڈ لاؤ! اُداس لوگو

 

[AnadiL]

مرے سوا سرِ مقتل مقام کس کا ہے
کہو کہ اب لبِ قاتل پہ نام کس کا ہے

یہ تخت و تاج و قبا سب انہیں مبارک ہو
مگر یہ نوکِ سناں احترام کس کا ہے

ہماری لاش پہ ڈھونڈو نہ اُنگلیوں کے نشاں
ہمیں خبر ہے عزیزو! یہ کام کس کا ہے

فنا کے ہانپتے جھونکے ہوا سے پوچھتے ہیں
جبینِ وقت پہ نقشِ دوام کس کا ہے

تمھاری بات تو حرفِ غلط تھی مِٹ بھی گئی
اُتر گیا جو دِلوں میں کلام کس کا ہے

وہ مطمئن تھے بہت قتل کر کے محسن کا
مگر یہ ذکرِ وفا صبح و شام کس کا ہے

 

[AnadiL]

کب تلک شب کے اندھیرے میں سحر کو ترسے
وہ مسافر جو بھرے شہر میں گھر کو ترسے

آنکھ ٹھہرے ہوُئے پانی سے بھی کتراتی ہے
دل وہ رہرو کہ سمندر کے سفر کو ترسے

مجھ کو اُس قحط کے موسم سے بچا ربِّ سخن
جب کوئی اہلِ ہُنر عرضِ ہُنر کو ترسے

اب کے اِس طور مسلّط ہو اندھیرا ہر سُو
ہجر کی رات میرے دیدئہ تر کو ترسے

عمر اتنی تو عطا کر میرے فن کو خالق
میرا دشمن میرے مرنے کی خبر کو ترسے

اُس کو پا کر بھی اُسے ڈھونڈ رہی ہیں آنکھیں
جیسے پانی میں کوئی سیپ گہر کو ترسے

ناشناسائی کے موسم کا اثر تو دیکھو
آئینہ خال و خدِ آئینہ گر کو ترسے

ایک دنیا ہے کہ بستی ہے تیری آنکھوں میں
وہ تو ہم تھی جو تیری ایک نظر کو ترسے

شورِ صر صر میں جو سَر سبز رہی ہے محسنؔ
موسمِ گل میں وہی شاخ ثمر کو ترسے

 

[AnadiL]

فضا کا حبس شگوفوں کو باس کیا دے گا؟
بدن دریدہ کسی کو لباس کیا دے گا؟

یہ دل کی قحطِ اَنا سے غریب ٹھہرا ہے
میری زباں کو زرِ التماس کیا دے گا؟

جو دے سکا نہ پہاڑوں کو برف کی چادر
وہ میری بانجھ زمیں کو کپاس کیا دے گا؟

یہ شہر یوُں بھی تو دہشت بھرا نگر ہے یہاں
دلوں کا شور ہَوا کو ہراس کیا دے گا؟

وہ زخم دے کے مجھے حوصلہ بھی دیتا ہے
اب اس سے بڑھ کے طبیعت شناس کیا دے گا؟

جو اپنی ذات سے باہر نہ آسکا اب تک
وہ پتھروں کو متاعِ حواس کیا دے گا؟

وہ میرے اشک بجھائے گا کس طرح محسنؔ
سمندروں کو وہ صحرا کی پیاس کیا دے گا؟

 

[AnadiL]

آج تنہائی نے تھوڑا سا دلاسہ جو دیا

آج تنہائی نے تھوڑا سا دلاسہ جو دیا
کتنے رُوٹھے ہوئے ساتھی مجھے یاد آئے ہیں
موسمِ وصل کی کرنوں کا وہ انبوہ رواں
جس کے ہمراہ کسی زُہرہ جبیں کی ڈولی
ایسے اُتری تھی کہ جیسے کوئی آیت اُترے
ہجر کی شام کے بِکھرے ہوئے کاجل کی لکیر
جس نے آنکھوں کے گلابوں پہ شفق چھڑکی تھی
جیسے خوشبو کسی جنگل میں برہنہ ٹھہرے
خلقتِ شہر کی جانب سے ملامت کا عذاب
جس نے اکثر مجھے ’’ ہونے ‘‘ کا یقیں بخشا تھا
دستِ اعدأ میں وہ کھنچتی ہوئی تہمت کی کماں
بارشِ سنگ میں کُھلتی ہوئی تیروں کی دُکاں
مہرباں دوست رفاقت کا بھرم رکھتے ہوئے
اجنبی لوگ دل و جاں میں قدم رکھتے ہوئے
آج تنہائی نے تھوڑا سا دلاسہ جو دیا
کتنے رُوٹھے ہوئے ساتھی مجھے یاد آئے ہیں
اب نہ پندارِ وفا ہے نہ محبت کی جزا
دستِ اعدأ کی کشش ہے نہ رفیقوں کی سزا
تختئہ دار نہ منصب نہ عدالت کی خلشِ
اب تو اک چیخ سی ہونٹوں میں دبی رہتی ہے
راس آئے گا کسے دشتِ بلا میرے بعد؟
کون مانگے گا اُجڑنے کی دعا میرے بعد؟
آج تنہائی نے تھوڑا سا دلاسہ جو دیا

 

[AnadiL]

یہ کہہ گئے ہیں مسافر لُٹے گھروں والے
ڈریں ہَوا سے پرندے کُھلے پروں والے

یہ میرے دل کی ہوس دشتِ بیکراں جیسی
وہ تیری آنکھ کے تیور سمندروں والے

ہَوا کے ہاتھ میں کاسے ہیں زرد پتّوں کے
کہاں گئے وہ سخی سبز چادروں والے؟

کہاں ملیں گے وہ اگلے دنوں کے شہزادے؟
پہن کے تن پہ لبادے گداگروں والے

پہاڑیوں میں گھرے یہ بُجھے بُجھے رستے
کبھی ادھر سے گزرتے تھے لشکروں والے

اُنہی پہ ہو کبھی نازِل عذاب، آگ، اجل
وہی نگر کبھی ٹھہریں پیمبروں والے

تیرے سپرد کروں آئینے مقدّر کے
اِدھر تو آ میرے خوش رنگ پتّھروں والے

کسی کو دیکھ کے چُپ چُپ سے کیوں ہوئے محسنؔ
کہاں گئے وہ اِرادے سخنوروں والے؟

 

[AnadiL]

وہ جِس کا نام لے لیا، پہیلیوں کی اوٹ میں
نظر پڑی تو چُھپ گئی، سہیلیوں کی اوٹ میں

رُکے گی شرم سے کہاں، یہ خال و خد کی روشنی
چُھپے گا آفتاب کیا، ہتھیلیوں کی اوٹ میں

تِرے مِرے مِلاپ پر، وہ دشمنوں کی سازشیں
وہ سانپ رینگتے ہوئے، چمبیلیوں کی اوٹ میں

وہ تیرے اِشتیاق کی، ہزار حِیلہ سازیاں
وہ میرا اِضطراب، یار، بیلیوں کی اوٹ میں

چلو کہ ہم بُجھے بُجھے سے گھر کا مرثیہ کہیں
وہ چاند تو اُتر گیا، حویلیوں کی اوٹ میں

محسن نقوی

 

[AnadiL]

اب یہ سوچوں تو بھنور ذہن میں پڑ جاتے ہیں
کیسے چہرے ہیں جو ملتے ہی بچھڑ جاتے ہیں

کیوں تیرے درد کو دیں تہمتِ ویرانئیِ دل
زلزلوں میں تو بھرے شہر اُجڑ جاتے ہیں

موسمِ زرد میں ایک دل کو بچاؤں کیسے؟
ایسی رُت میں تو گھنے پیڑ بھی جھڑ جاتے ہیں

اب کوئی کیا میرے قدموں کے نِشاں ڈھونڈھے گا
تیز آندھی میں تو خیمے بھی اُکھڑ جاتے ہیں

شغلِ اربابِ ہنر پوچھتے کیا ہو، کہ یہ لوگ
پتھروں میں بھی، کبھی آئینے جڑ جاتے ہیں

سوچ کا آئینہ دُھندلا ہو تو پھر وقت کے ساتھ
چاند چہروں کے خد و خال بگڑ جاتے ہیں

شِدّتِ غم میں بھی زندہ ہوں تو حیرت کیسی
کچھ دیے تُند ہواؤں سے بھی لڑ جاتے ہیں

وہ بھی کیا لوگ ہیں محسن جو وفا کی خاطر
خود تراشیدہ اُصولوں پہ بھی اَڑ جاتے ہیں

محسن نقوی

 

[AnadiL]

بجُز ہوا، کوئی جانے نہ سلسلے تیرے
میں اجنبی ہوں، کروں کس سے تذکرے تیرے؟

یہ کیسا قرب کا موسم ہے اے نگارِ چمن
ہوامیں رنگ نہ خوشبو میں ذائقے تیرے

میں ٹھیک سے تیری چاہت تجھے جتا نہ سکا
کہ میری راہ میں حائل تھے مسئلے تیرے

کہاں سے لاؤں میں ترا عکس آنکھوں میں
یہ لوگ دیکھنے آتے ہیں آئینے تیرے

گلوں کو زخم، ستاروں کو اپنے اشک کہوں
سناؤں خود کو ترے بعد تبصرے تیرے

یہ درد کم تو نہیں ہے کہ تو ہمیں نہ ملا
یہ اور بات کہ ہم بھی نہ ہو سکے تیرے

جدائیوں کا تصور رُلا گیا تجھ کو
چراغ شام سے پہلے ہی بُجھ گئے تیرے

ہزار نیند جلاؤں ترے بغیر مگر
میں خواب میں بھی نہ دیکھوں وہ رتجگے تیرے

ہوائے موسمِ گُل کی ہیں لوریاں ، جیسے
بکھر گئے ہوں فضاؤں میں قہقہے تیرے

کسے خبر کہ ہمیں اب بھی یاد ہیں محسن
وہ کروٹیں شبِ غم کی وہ حوصلے تیرے