laho na ho to kalaam tarjumaaN nahi hotaa
hamaare daur men aaNsuu zubaaN nahi hotaa
jahaN rahegaa wahin roshni luTayegaa
kisii charaaG kaa apanaa makaN nahi hotaa
ye kis maqaam pe laii hai merii tanhaai
ke mujh se aaj koi bad gumaaN nahi hotaa
main us ko bhul gayaa huN ye kaun maney ga
kisi charaaG ke bas men dhuaN nahi hotaa
'Wasim' sadiyon kii aaNkhon se dekhiye mujh ko
vo lafz huN jo kabhi daastan nahi hota
hamaare daur men aaNsuu zubaaN nahi hotaa
jahaN rahegaa wahin roshni luTayegaa
kisii charaaG kaa apanaa makaN nahi hotaa
ye kis maqaam pe laii hai merii tanhaai
ke mujh se aaj koi bad gumaaN nahi hotaa
main us ko bhul gayaa huN ye kaun maney ga
kisi charaaG ke bas men dhuaN nahi hotaa
'Wasim' sadiyon kii aaNkhon se dekhiye mujh ko
vo lafz huN jo kabhi daastan nahi hota