For Wasi Shah Lovers

[kingnomi]

The Most Beautiful Poetry of Wasi Shah
~~~~~~~~~~~~~~~~~~~~~~~~~~~~~~~~~~~~~~~~~~~~~~~~

kash main tere hasin hath ka kangan hota

tu bare pyar se bare chao se bare arman k sath
apni nazuk si kalai mein charhati mujh ko
aur betabi se furqat k khizan lamhon mein
tu kisi soch mein dubi jo ghumati mujh ko
main tere hath ki khushbu se mahak sa jata
jab kabhi mud mein a kar mujhe chuma karti
tere honthon ki shiddat se main dahak sa jata

rat ko jab bhi tu nindon k safar par jati
marmari hath ka ik takya banaya karti
main tere kan se lag kar kai baten karta
teri zulfon ko tere gal ko chuma karta
jab bhi tu band qaba kholne lagti janan
apni ankhon ko tere husn se khera karta
mujh ko betab sa rakhta teri chahat ka nasha
main teri ruh k gulshan mein mahakta rahta
main tere jism k angan mein khanakta rahta
kuch nahin to yahi benam sa bandhan hota

kash main tere hasin hath ka kangan hota

 

[kingnomi]

tum meri ankh k tewar na bhula paoge
ankahi bat ko samjhoge to yad aunga

ham ne khushyon ki tarah dukh bhi ikathe dekhe
safah-e-zist ko paltoge to yad aunga

isi andaz mein hote the mukhatib mujh se
khat kisi aur ko likhoge to yad aunga

sard raton k mahkate hue sannaton mein
jab kisi phul ko chumoge to yad aunga

ab tere ashk main honthon se chura leta hun
hath se khud inhen ponchoge to yad aunga

shal pahnayega ab kaun decembar mein tumhen
barishon mein kabhi bhigo ge to yad aunga

aj tum mahfil-e-yaran pe ho magrur bahut
jab kabhi tut k bikhroge to yad aunga

hadse ayenge jiwan mein to tum ho k nidhal
kisi diwar ko thamoge to yad aunga

is mein shamil hai meri bakht ki tariki bhi
tum siyah rang jo pahnoge to yad aunga

​

 

[kingnomi]

dayar-e-gair mein kaise tujhe sada dete
tu mil bhi jata to tujhe ganwa dete

tumhin ne ham ko sunaya na apna dukh warna
dua wo karte k ham asman hila dete

hamein ye zom raha ab k wo pukarenge
unhen ye zid thi k har bar ham sada dete

wo tera gam tha k tasir mere lahje ki
k jis ko hal sunate use rula dete

tumhen bhulna hi awwal to dastaras mein nahin
jo ikhtiyar bhi hota to kya bhula dete

tumhari yad ne koi jawab hi na diya
mere khayal k ansu rahe sada dete

samton ko main ta-umr kosta Syed
wo kuch na kahte magar honth to hila dete

​

 

[kingnomi]

Sumandar Mein Utarta Hoon Tou Aankhen Bheeg Jaati Hain
Teri Aankhon Ko Parhta Hoon Tou Aankhen Bheeg Jaati Hain

Tumhara Naam Likhne Ki Ijazat Chhin Gayi Jab Se
Koi Bhi Lafz Likhta Hoon Tou Aankhen Bheeg Jaati Hain

Teri Yaadon Ki Khushbu Khirkiyon Mein Raqs Karti hay
Tere Gham Mein Sulagta Hoon Tou Aankhen Bheeg Jaati Hain

Main Hans K Jheel Leta Hoon Judai Ki Sabhi Rasmein
Gale Jab Uss K Lagta Hoon Tou Aankhen Bheeg Jaati Hain

Na Jane Ho Gaya Hoon Iss Qadar Hassas Main Kab Se
Kisi Se Baat Karta Hoon Tou Aankhen Bheeg Jaati Hain

Wo Sub Guzre Hue Lamhat Mujh Ko Yaad Aate Hain
Tumhare Khat Jo Parhta Hoon Tou Aankhen Bheeg Jaati Hain

Main Saara Din Bahot Masroof Rehta Hoon Magar Junhi
Qadam Choukhat Pe Rakhta Hoon Tou aankhen Bheeg Jaati Hain

Her Ek Muflis K Maathe Per Alum Ki Daastanen Hain
Koi Chehra Bhi Parhta Hoon Tou Aankhen Bheeg Jaate Hain

Bare Logon K Oonche Badnuma Aur Sard Mahlon Ko
Ghareeb Aankhon Se Takta Hoon Tou Aankhen Bheeg Jaati Hain

Tere Kooche Se Ab Mera Ta'alluq Wajbi Sa Hay
Magar Jab Bhi Guzarta Hoon Tou Aankhen Bheeg Jaati Hain

Hazaron Mausamon Ki Hukmarani Hay Mere Dil Per
Wasi Main Jab Bhi Hansta Hoon Tou Aankhen Bheeg Jaati Hain

 

[kingnomi]

Tre Gale Mein Jo Banhon Ko Daal Rakhte Hain
Tujhe Manane Ka Kaisa Kamal Rakhte Hain

Tujhe Khabar Hay Tujhe Sochne kI khatir
Bahot Se Kaam Muqaddar Pe Taal Rakhte Hain

Koi Bhi Faisla Hum Soch Kar Nahi Karte
Tumhare Naam Ka Sikka Uchhaal Rakhte Hain

Tumhare Ba'ad Ye Aadat Si Ho Gayi Apni
bikharte Sookhte Patte Sanbhaal Rakhte Hain

Khushi Si Milti Hay Khud ko Aziyyaten De Kar
So Jaan Boojh K Dil Ko Nidhaal Rakhte Hain

Kabhi Kabhi Wo Mujhe Hans K Dekh Lete Hain
Kabhi Kabhi Mera Behad Khayaal Rakhte Hain

Tumhare Hijr Main Ye Haal ho Gaya Apna
Kisi Ka Khat Ho Usse Bhi Sanbhaal Rakhte Hain

Khushi Mile Tou Tere Ba'ad Khush Nahi Hote
Hum Apni Aankh Mein Her Dam Malaal Rakhte Hain

Zamane Bhar Se Chhupa Kar Wo Apne Aanchal Mein
Mere Wujood K Tukre Sanbhaal Rakhte Hain

Kuchh Iss Liye Bhi Tou Behaal ho Gaye Hum Log
Tumhari Yaad Ka Behad Khayaal Rakhte Hain​

 

[kingnomi]

jitni DUAAIN aati thin....
sab maang lii hum nay
jitnay WAZEEFAY yaad thay saaray....
kar baithay hain........
kaaiii TRHAN se JII dekha hai
kaee tarhaan MAR baithay hain
lekin jaannnaaa,,,,,,,,,,, ,,,,
kisi SURAT BHIII
TUM MEREY HO KAR NAHI DETAY​

 

[kingnomi]

Sochta hon k usey neend bhi aati hogi
Ya faqat meri tarah ashk bahaati hogi

Woh meri shakal mera naam bhulane wali
Apni tasveer se kyaa aankh milaati hogi

Sham hote hi wo chaukhat pe chala kar shammaein
Apni palkon pe kaii khwaab sajaati hogi

Us ne silwaa bhi liye honge siyaah rang libaas
Ab Moharram ki tarah Eid manaati hogi

hoti hogi mere bosay ki talab main paagal
Jab bhi zulfon main koi phool sajaati hogi

Dil ki masoom ragein khud hi sulagti hongi
Juhin tasveer ka kona wo jalaati hogi

Roop de kar mujhe is main kisi shehzade ka
Apne bachon ko kahaani woh sunaati hogi​

 

[kingnomi]

Sochta hon k usey neend bhi aati hogi
Ya faqat meri tarah ashk bahaati hogi ​

Woh meri shakal mera naam bhulane wali
Apni tasveer se kyaa aankh milaati hogi ​

Sham hote hi wo chaukhat pe chala kar shammaein
Apni palkon pe kaii khwaab sajaati hogi ​

Us ne silwaa bhi liye honge siyaah rang libaas
Ab Moharram ki tarah Eid manaati hogi ​

hoti hogi mere bosay ki talab main paagal
Jab bhi zulfon main koi phool sajaati hogi ​

Dil ki masoom ragein khud hi sulagti hongi
Juhin tasveer ka kona wo jalaati hogi ​

Roop de kar mujhe is main kisi shehzade ka
Apne bachon ko kahaani woh sunaati hogi​

 

[kingnomi]

Kissi Ki Ankh Se Sapney Chura Ker Kuch Nahi Milta
Mandeiron Se Chiraaghon Ko Bhuja Ker Kuch Nahi Milta

Koi Ik Adha Sapna Ho Tou Ho , Acha Bhi Lagta Hai
Hazaron Khawb Ankhon Mein Saja Ker Kuch Nahi Milta

Sakoon Unko Nahi Milta Kabhi Pardes Bhi Ker
Jinhen Apne Watan Se Dil Laga Ker Kuch Nahi Milta

Issay Kehna Ke Palkon Per Na Tanke Khawbon Ke Jhalar
Samandar Ke Kinare Ghar Bana Ker Kuch Nahi Milta

Yeh Acha Hai Ke Apas Ke Bharam Na Tootne Payen
Kabhi Kabhi Doston Ko Azma Ker Kuch Nahi Milta

Mujhe Aksar Sitaron Se Yehi Awaaz Aati Hai
Kissi Ke Hijr Mein Neendein Ga’nwa Ker Kuch Nahi Milta

Jigar Ho Jayega Chalni Yeh Ankhein Khoon Royengi
Wasi Be Faiz Logon Se Nibha Ker Kuch Nahi Milta

​

 

[kingnomi]

Mein Hoon Tera Khayal Aur chaand raat hai
Dil dard se Nidhaal hai Aur chaand raat hai

Ankhon Mein chub gayi Teri yaad ki kirchiyaan
Kaandhon pe gham kee shaal hai Aur chaand raat hai
dil torr ke khamosh Nazaron kaa kiya Milaa?
shabnam kaa yeh sawal hai Aur chaand raat hai

Campus ki nehr per hai tera haath haath mein
mousam bhi laazawal hai aur chaand raat hai

Her iik kali ne aurh liya Maatmi Libaas
Her Phool per Malaal hai Aur chaand raat hai

Chalka Saa par raha hai "Nomi" weshiton ke ke Rang
Her cheez pe zawal hai Aur chaand raat hai

 

[kingnomi]

dukh dard mein hamesha nikaale tumhare khat
aur mil gayi toh uchaale tumhare khat

sab chooryaan tumhari samandar ko sonp di
aur kerdiye hawa ke hawale tumhare khat

mere lahoo mein goonj raha hai her eik lafz
mein ne ragon ke dasht mein paale tumhare khat

yun toh hain beshumaar wafa ki nishaniyaan
lekin her she se niraale tumhare khat

jaise ho umer bhar ka aasaasa gareeb kaa
kuch iss tarah se mein ne sambhale tumhare khat

ahele hunur ko mujh pe nomi aitraaz hai
mein ne jo apne sher mein dhaale tumhare khat

parwah mujhe nahin hai kisi chaand ki "Nomi"
zulmat ke dasht mein hain ujaale tumhare khat

​

>>>>>>>>>==================>>>>>>>>>>>>>​

 

[kingnomi]

tere gale mein jo baahein daal rakhte hain
tujhe manane kaa kaisa kaamal rakhte hain

tujhe khabar hai tujhe sochne ki khaatir hum
boht se kaam muqadar per daal rakhte hain

koi bhi faisla hum soch samajh ker nahin kerte
tumhare naam kaa sikaa uchaal rakhte hain

tumhare baad yeh aadat si ho gayi apni
bikharte sookhte pate sambhaal rakhte hain

khushi se milti hai khud ko azeeyatein de ker
so jaan bhooj ke dil ko nidhaal rakhte hain

kabhi kabhi woh mujhe hans ke dekh lete hain
kabhi kabhi mera behad khayal rakhte hain

tumhare hijir mein yeh haal ho gaya apna
kisi kaa khat ho usse bhi sambhal rakhte hain

khushi mile toh tere baad khush nahin hote
hum apni aankh mein har dam maalal rakhte hain

zaamane bhar se bacha ker woh apne aanchal mein
mere wujood ke tukre sambhal rakhte hain

kuch iss liye bhi toh behaal hogaye hum log
tumahri yaad kaa behad khayal rakhte hain

​

 

[moo]

Very nice

 

[nrbhayo]

nice sharing..

 

[Tariq Saeed]

bahot khoob jinab

 

[-SAHIL-]

niceeeee