"Aik Ajnabi"

[Dark]

bheeR maeN ik ajnabi kaa saamna achaa lagaa
sab say chup kar wuh kisi kaa daekhna achaa lagaa



surmai AaNkhooN kay neechay phool say khilnay lagay
kehtay kehtay kuch kisi kaa sochnaa achaa lagaa



baat to kuch bhi naheeN thi, laiken uss kaa aek damm
haath ko hoNtooN peh rakh kar roknaa achaa lagaa



chaa-ae maeN cheeni milaana uss ghaRi bhaayaa bahut
zer-e lab woh muskarata "shukriyaa" achaa lagaa




dil maeN kitnay ehd baaNdhay thay bhulaanay kay usay
woh milaa to sab iraaday toRnaa achaa lagaa



bay-iraada lams ki woh sansani piyaari lagi
kam tawajjuh AaNkh kaa woh daekhna achaa lagaa



neem shab ki khaamushi maeN, bheegati saRkooN peh kal
taeri yaadooN kay jalo maeN ghoomnaa achaa lagaa




uss udu-ay jaaN ko ~AMJAD~ maiN buraa kaisay kahooN
jab bhi Aayaa samnay woh bay-wafaa achaa lagaa​

 

[goodfrndz]

bohat bohat zbrdast

~~~shukriya~~~

hamarey saath share krney k liye. . . . .


umeed krtey hain k aap aisay hi hamrey saath share krte rahain gey . . .. . InshaAllah

{Nice post Tm}{(pillow fight)}{(pillow fight)}{(pillow fight)}{Nice post Tm}

{Nice post Tm}{(pillow fight)}{(pillow fight)}{(pillow fight)}{Nice post Tm}

{Nice post Tm}{(pillow fight)}{(pillow fight)}{(pillow fight)}{Nice post Tm}​

 

[nrbhayo]

nice.....

 

[Dark]

Thanx