A Unique Poet And Writer Of Urdu Language !

  • Work-from-home

vamp545

Ì míśš ůř šťůpîđ fâćë
TM Star
Nov 29, 2012
2,278
722
413
Searching.....

afsos Khud ko Khud peh numaayaaN nah kar sake
ham zindagee ko SaaHeb-e-eemaaN nah kar sake!

raah-e-t^alab meN kaar-e-numaayaaN nah kar sake
ashk-e-junooN ko aa,eenah-saamaaN nah kar sake!

woh i'shq kyaa jo dard kaa darmaaN nah kar sake?
woh dard kyaa jo i'shq ko aasaaN nah kar sake?

har lamHah-e-Hayaat Hisaab apnaa le gayaa
:ham zindagee meN phir koyee armaaN nah kar sake:

daamaan-e-aarzoo kee daraazee to dekhiYe
Khud se bhee Zikr-e-taNgee-e-daamaaN nah kar sake

yooN mubtilaa-e-kufr-e-tamannaa rahe keh ham
chaahaa hazaar, dil ko musalmaaN nah kar sake!

kyoN mujh se laag hai tujhe ai shoorish-e-Hayaat?
woh kaam kar jo gardish-e-dauraaN nah kar sake!

itnee to ho majaal keh Khud ko sameT leN
kyaa Gham jo ham talaafee-e-hijraaN nah kar sake?

is darjah fikr-e-shehr-e-nigaaraaN meN gum rahe
ham Khud hee apnee Zaat kaa i'rfaaN nah kar sake

:"Sarwar" chalo hai mai-kadah-e-i'shq saamne
muddat huyee ziyaarat-e-insaaN nah kar sake:
 

vamp545

Ì míśš ůř šťůpîđ fâćë
TM Star
Nov 29, 2012
2,278
722
413
Searching.....
jab jab voh sar.e.toor.e.tamanaa nazar aayaa
maiN kaise kahooN voh mujhe kyaa kyaa nazar aayaa!

hastee ke dar.o.bast kaa maaraa nazar aayaa
her shaKhs tamaasha hee tamaashaa nazar aayaa!

kyaa yeh bhee muHabbat ke taqaazoN meiN hai shaamil?
daryaa meiN nazar aayaa to sehraa nazar aayaa!

dekhaa jo zamaane ko kabhee aChhee nazar se
jo bhee nazar aayaa hameN aChhaa nazar aayaa!

Ka'be meiN jo dekhaa vohee but.Khaane meiN paayaa
jaisaa voh mire dil meiN thaa, vaisaa nazar aayaa!

auroN pe baRhe saNg.e.malaamat jo liye ham
her chehre meiN kyoN apnaa hee chehraa nazar aayaa?

DhooNDaa hee naheeN ham ne tumhaaraa ko'ee ham.sar
haaN! tum kaho, tum ko ko'ee ham saa nazar aayaa?

yooN aur bohat aib haiN "Sarwar" mein va.lekin
kambaKht! muHabbat meiN to yaktaa nazar aayaa!
 
Top