A Collection of Jigar Moradabadi Poetries

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
Jigar Moradabadi (Urdu: جگر مراد آبادی) was the nom de plume of Ali Sikandar (1890–1960), one of the most famous Urdu poets of the 20th century and a celebrated Urdu ghazal writer.[1] He received the Sahitya Akademi Award in 1958 for his highly acclaimed poetry collection "Atish-i-Gul"
Jigar Moradabadi was born on April 6, 1890 in Moradabad, Uttar Pradesh, India. He lost his father at an early age and did not have an easy childhood. At school (madrassah) he was taught both Arabic and Persian. His poetry teacher (ustad ) in the early days was Rasa Rampuri

Still in his teens, Jigar, as he came to be known universally, moved to Gonda, near Lucknow. This proved to be a turning point in his life. Here, he befriended Asghar Gondvi, who later also emerged as a notable Urdu poet. Gondvi was only six years older than Jigar, who became his protégé. Gondvi's influence over Jigar, and the significant role he played in his life, should not be underestimated. He was his mentor, a father figure, an older brother, a teacher, a friend and a fellow poet, all rolled into one. Jigar even married a sister of Gondvi's wife. He made Gonda his permanent home and Gonda acquired one of the most famous literary figures to have ever lived there.

Jigar died on September 9, 1960 in Gonda. A small residential colony in Gonda city called Jigar Ganj is named after him. It is close to his original residence. An intermediate school in the city is also named after him - the Jigar Memorial Inter College. Mazar-e-Jigar Moradabadi is in Topkhana, Gonda.

Jigar Moradabadi belonged to the classical school of ghazal writing and was a mentor to Majrooh Sultanpuri, who became a prominent lyricist in the Indian film industry and penned many popular songs in Urdu and Hindi.
Jigar was extremely popular with the masses, who regarded him as the People's Poet. The American singer Eartha Kitt, who was a contemporary of Jigar Moradabadi, sang "Monotonous", written by June Carroll and Arthur Siegel, in 1952, which became an international hit.
 

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
aadamii aadamii se milataa hai
dil magar kam kisii se milataa hai

bhuul jaataa huu.N mai.n sitam us ke
vo kuchh is saadagii se milataa hai

aaj kyaa baat hai ke phuulo.n kaa
rang terii ha.Nsii se milataa hai

mil ke bhii jo kabhii nahii.n milataa
TuuT kar dil usii se milataa hai

kaar-o-baar-e-jahaa.N sa.Nvarate hai.n
hosh jab beKhudii se milataa hai
 
  • Like
Reactions: S_ChiragH

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
aa.Nkho.n me.n bas ke dil me.n samaa kar chale gaye
Khvaabidaa zindagii thii jagaa kar chale gaye

chehare tak aastiin vo laakar chale gaye
kyaa raaz thaa ki jis ko chhipaakar chale gaye

rag rag me.n is tarah vo samaa kar chale gaye
jaise mujh hii ko mujhase churaakar chale gaye

aaye the dil kii pyaas bujhaane ke vaaste
ik aag sii vo aur lagaa kar chale gaye

lab thar-tharaa ke rah gaye lekin vo ai "Jigar"
jaate huye nigaah milaakar chale gaye
 
  • Like
Reactions: S_ChiragH

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
agar na zoharaa jabiino.n ke daramiyaa.N guzare
to phir ye kaise kaTe zindagii kahaa.N guzare

jo tere aariz-o-gesuu ke daramiyaa.N guzare
kabhii kabhii to vo lamhe.n balaa-e-jaa.N guzare

mujhe ye vaham rahaa muddato.n ke jurrat-e-shauq
kahii.n naa Khaatir-e-maasuum par giraa.N guzare

har ik muqaam-e-mohabbat bahut hii dil-kash thaa
magar ham ahal-e-mohabbat kashaa.N-kashaa.N guzare

junuu.N ke saKht maraahil bhii terii yaad ke saath
hasii.n hasii.n nazar aaye javaa.N javaa.N guzare

merii nazar se terii justajuu ke sadaqe me.n
ye ik jahaa.N hii nahii.n saika.Do.n jahaa.N guzare

hajuum-e-jalvaa me.n paravaaz-e-shauq kyaa kahanaa
ke jaise ruuh sitaaro.n ke daramiyaa.N guzare

Khataa mu'aaf zamaane se badagumaa.N hokar
terii vafaa pe bhii kyaa kyaa hame.n gumaa.N guzare

Khuluus jis me.n ho shaamil vo daur-e-ishq-o-havas
naaraigaa.N kabhii guzaraa na raigaa.N guzare

isii ko kahate hai.n jannat isii ko dozaKh bhii
vo zindagii jo hasiino.n ke daramiyaa.N guzare

bahut hasii.n sahii suhabate.n gulo.n kii magar
vo zindagii hai jo kaa.NTo.n ke daramiyaa.N guzare

mujhe thaa shikvaa-e-hijraa.N ki ye huaa mahasuus
mere qariib se hokar vo naagahaa.N guzare

bahut hasii.n manaazir bhii husn-e-fitarat ke
na jaane aaj tabiiyat pe kyo.n giraa.N guzare

meraa to farz chaman-ba.ndii-e-jahaa.N hai faqat
merii balaa se bahaar aaye yaa Khizaa.N guzare

kahaa.N kaa husn ki Khud ishq ko Khabar na hu_ii
rah-e-talab me.n kuchh aise bhii imtahaa.N guzare

bharii bahaar me.n taaraajii-e-chaman mat puuchh
Khudaa kare na phir aa.Nkho.n se vo samaa.N guzare

ko_ii na dekh sakaa jin ko do dilo.n ke sivaa
mu'aamalaat kuchh aise bhii daramiyaa.N guzare

kabhii kabhii to isii ek musht-e-Khaak ke gird
tavaaf karate huye haft aasmaa.N guzare

bahut aziiz hai mujh ko u.nhii.n kii yaad "Jigar"
vo haadasaat-e-mohabbat jo naagahaa.N guzare
 

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
baraabar se bachakar guzar jaane vaale
ye naale nahii.n be-asar jaane vaale

muhabbat me.n ham to jiye hai.n jiye.nge
vo ho.nge ko_ii aur mar jaane vaale

mere dil kii betaabiyaa.N bhii liye jaa
dabe paao.n muu.Nh pher ke jaane vaale

nahii.n jaanate kuchh ki jaanaa kahaa.N hai
chale jaa rahe hai.n magar jaane vaale

tere ik ishaare pe saakit kha.De hai.n
nahii.n kah ke sab se guzar jaane vaale
 
  • Like
Reactions: S_ChiragH

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
bujhii huii shamaa kaa dhuaa.N huu.N aur apane markaz ko jaa rahaa huu.N
ke dil kii hastii to miT chukii hai ab apanii hastii miTaa rahaa huu.N

muhabbat insaan kii hai fitrat kahaa hai inqaa ne kar ke ulfat
vo aur bhii yaad aa rahaa hai mai.n us ko jitanaa bhulaa rahaa huu.N

ye vaqt hai mujh pe ba.ndagii kaa jise kaho sajdaa kar luu.N varnaa
azal se taa be-afriinat mai.n aap apanaa Khudaa rahaa huu.N

zabaa.N pe labaik har nafas me.n zamii.n pe sajde hai.n har qadam par
chalaa huu.N yuu.N butakade ko naaseh, ke jaise kaabe ko jaa rahaa huu.N
 

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
daastaan-e-Gam-e-dil unako sunaa_ii na ga_ii
baat biga.Dii thii kuchh aisii ki banaa_ii na ga_ii

sab ko ham bhuul ga_e josh-e-junuu.N e.n lekin
ek terii yaad thii aisii ki bhulaa_ii na ga_ii

ishq par kuchh na chalaa diidaa-e-tar kaa jaaduu
usane jo aag lagaa dii vo bujhaa_ii na ga_ii

kyaa uThaayegii sabaa Khaak merii us dar se
ye qayaamat to Khud un se bhii uThaa_ii na ga_ii
 
  • Like
Reactions: S_ChiragH

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
dard ba.Dakar fugaa.N na ho jaaye
ye zamii.n aasamaa.N na ho jaaye

dil me.n Duubaa huaa jo nashtar hai
mere dil kii zubaa.N na ho jaaye

dil ko le liijiye jo lenaa hai
phir ye saudaa giraa.N na ho jaaye

aah kiije magar latiif-tariin
lab tak aa kar dhuaa.N na ho jaaye
 

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
dil ko jab dil se raah hotii hai
aah hotii hai vaah hotii hai

ik nazar dil kii simt dekh to lo
kaise duniyaa tabaah hotii hai

husn-e-jaanaa.N kii manzilo.n ko na puuchh
har nafas ek raah hotii hai

kyaa Khabar thii ki ishq ke haatho.n
aisii haalat tabaah hotii hai

saa.Ns letaa huu.N dam ulajhataa hai
baat karataa huu.N aah hotii hai

jo ulaT detii hai safo.n ke safe
ik shikastaa-sii aah hotii hai
 
  • Like
Reactions: S_ChiragH

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
dil me.n kisii ke raah kiye jaa rahaa huu.N mai.n
kitanaa hasii.n gunaah kiye jaa rahaa huu.N mai.n
duniyaa-e-dil tabaah kiye jaa rahaa huu.N mai.n
sarf-e-nigaah-o-aah kiye jaa rahaa huu.N mai.n
fard-e-amal siyaah kiye jaa rahaa huu.N mai.n
rahamat ko bepanaah kiye jaa rahaa huu.N mai.n
aisii bhii ik nigaah kiye jaa rahaa huu.N mai.n
zarro.n ko mahar-o-maah kiye jaa rahaa huu.N mai.n
mujh se lage hai.n ishq kii azamat ko chaar chaa.Nd
Khud husn ko gavaah kiye jaa rahaa huu.N mai.n
maasuumi-e-jamaal ko bhii jis pe rashk ho
aise bhii kuchh gunaah kiye jaa rahaa huu.N mai.n
aage qadam ba.Dhaaye.n ji.nhe.n suujhataa nahii.n
raushan chiraaG-e-raah kiye jaa rahaa huu.N mai.n
tanaqiid-e-husn maslahat-e-Khaas-e-ishq hai
ye jurm gaah-gaah kiye jaa rahaa huu.N mai.n
gulashan_parast huu.N mujhe gul hii nahii.n aziiz
kaa.NTo.n se hii nibhaah kiye jaa rahaa huu.N mai.n
yuu.N zi.ndagii guzaar rahaa huu.N tere baGair
jaise koii gunaah kiye jaa rahaa huu.N mai.n
mujh se adaa huaa hai 'Jigar' justajuu kaa haq
har zarre ko gavaah kiye jaa rahaa huu.N mai.n
 

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
dil me.n tum ho nazaa kaa ha.ngaam hai
kuchh sahar kaa vaqt hai kuchh shaam hai

dard-o-Gam dil kii tabiyat ban chuke
ab yahaa.N aaraam hii aaraam hai

pii rahaa huu.N aa.Nkho.n aa.Nkho.n me.n sharaab
ab na shiishaa hai na ko_ii jaam hai

ishq hii Khud ishq kaa inaam hai
vaah kyaa aaGaaz kyaa a.njaam hai

piine vaale ek hii do ho.n to ho.n
muft saaraa maikadaa badanaam hai
 

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
duniyaaa ke sitam yaad na apanii hi vafaa yaad
ab mujh ko nahii.n kuchh bhii muhabbat ke sivaa yaad

mai.n shikvaa_ba_lab thaa mujhe ye bhii na rahaa yaad
shaayad ke mere bhuulanevaale ne kiyaa yaad

jab ko_ii hasii.n hotaa hai sargarm-e-navaazish
us vaqt vo kuchh aur bhii aate hai.n sivaa yaad

muddat hu_ii ik haadasaa-e-ishq ko lekin
ab tak hai tere dil ke dha.Dakane kii sadaa yaad

haa.N haa.N tujhe kyaa kaam mere shiddat-e-Gam se
haa.N haa.N nahii.n mujh ko tere daaman kii havaa yaad

mai.n tark-e-rah-o-rasm-e-junuu.N kar hii chukaa thaa
kyuu.N aa ga_ii aise me.n terii lagazish-e-paa yaad

kyaa lutf ki mai.n apanaa pataa aap bataauu.N
kiije ko_ii bhuulii hu_ii Khaas apanii adaa yaad
 
  • Like
Reactions: S_ChiragH

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
haa.N kis ko hai mayassar ye kaam kar guzaranaa
ik baa.Nkpan se jiinaa ik baa.Nkpan se maranaa

dariyaa kii zindagii par sadqe hazaar jaane
mujh ko nahii.n gavaaraa saahil kii maut maranaa

saahil ke lab se puuchho dariyaa ke dil se puuchho
ik mauj-e-tah-nashii.n kaa muddat ke baad ubharanaa

jo ziist ko na samajhe jo maut ko na jaane
jiinaa unhii.n kaa jiinaa maranaa unhii.n kaa maranaa
 
  • Like
Reactions: S_ChiragH

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
hamako miTaa sake ye zamaane me.n dam nahii.n
hamase zamaanaa Khud hai zamaane se ham nahii.n

befaayadaa alam nahii.n, bekaar Gam nahii.n
taufiiq de Khudaa to ye ne'amat bhii kam nahii.n

merii zubaa.N pe shikavaa-e-ahl-e-sitam nahii.n
mujhako jagaa diyaa yahii ehasaan kam nahii.n

yaa rab! hujuum-e-dard ko de aur vus'ate.n
daaman to kyaa abhii merii aa.Nkhe.n bhii nam nahii.n

zaahid kuchh aur ho na ho maiKhaane me.n magar
kyaa kam ye hai ki shikavaa-e-dair-o-haram nahii.n

shikavaa to ek chhe.D hai lekin haqiiqatan
teraa sitam bhii terii inaayat se kam nahii.n

marg-e-Jigar pe kyo.n terii aa.Nkhe.n hai.n ashk-rez
ik saanihaa sahii magar itanii aham nahii.n
 

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
har dam duaaye.N denaa har lamhaa aahe.n bharanaa
in kaa bhii kaam karanaa apanaa bhii kaam karanaa

yaa.N kis ko hai mayyasar ye kaam kar guzaranaa
ek baa.Nkpan pe jiinaa ek baa.Nkpan pe maranaa

jo ziist ko na samajhe jo maut ko na jaane
jiinaa u.nhii.n kaa jiinaa maranaa u.nhii.n kaa maranaa

hariyaalii zindagii pe sadaqe hazaar jaane
mujhako nahii.n gavaaraa saahil kii maut maranaa

rangiiniyaa.N nahii.n to raanaa_iyaa.N bhii kaisii
shabanam sii naazanii.n ko aataa nahii.n sa.Nvarnaa

terii inaayato.n se mujhako bhii aa chalaa hai
terii himaayato.n me.n har-har qadam guzaranaa

kuchh aa chali hai aahaT is paayanaaz kii sii
tujh par Khudaa kii rahamat ai dil zaraa Thaharanaa

Khuun-e-jigar kaa haasil ik sher tak kii suurat
apanaa hii aks jis me.n apanaa hii rang bharanaa
 

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
har suu dikhaa_ii dete hai.n vo jalvaagar mujhe


har suu dikhaa_ii dete hai.n vo jalvaagar mujhe
kyaa-kyaa fareb detii hai merii nazar mujhe

aayaa na raas naalaa-e-dil kaa asar mujhe
ab tum mile to kuchh nahii.n apanii Khabar mujhe

Daalaa hai beKhudii ne ajab raah par mujhe
aa.Nkhe.n hai.n aur kuchh nahii.n aataa nazar mujhe

karanaa hai aaj hazrat-e-naaseh se saamanaa
mil jaaye do gha.Dii ko tumhaarii nazar mujhe

yak_saa.N hai husn-o-ishq kii sarmastiyo.n kaa rang
un kii Khabar unhe.n hai na apanii Khabar mujhe

mai.n duur huu.N to ruuh-e-suKhan mujh se kis liye
tum paas ho to kyo.n nahii.n aate nazar mujhe

dil leke meraa dete ho daaG-e-jigar mujhe
ye baat bhuulane kii nahii.n umr bhar mujhe
 

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
ik lafz-e-mohabbat kaa adanaa saa fasaanaa hai
simaTe to dil-e-aashiq phaile to zamaanaa hai

ye kis kaa tasavvur hai ye kis kaa fasaanaa hai
jo ashk hai aa.Nkho.n me.n tasbiih kaa daanaa hai

ham ishq ke maaro.n kaa itanaa hii fasanaa hai
rone ko nahii.n ko_ii ha.Nsane ko zamaanaa hai

vo aur vafaa-dushman maane.nge na maanaa hai
sab dil kii sharaarat hai aa.Nkho.n kaa bahaanaa hai

kyaa husn ne samajhaa hai kyaa ishq ne jaanaa hai
ham Khaak-nashiino.n kii Thokar me.n zamaanaa hai

vo husn-o-jamaal un kaa ye ishq-o-shabaab apanaa
jiine kii tamannaa hai maranaa kaa zamaanaa hai

yaa vo the Khafaa ham se yaa ham the Khafaa un se
kal un kaa zamaanaa thaa aaj apanaa zamaanaa hai

ashko.n ke tabassum me.n aaho.n ke tarannum me.n
maasuum mohabbat kaa maasuum fasaanaa hai

aa.Nkho.n me.n namii sii hai chup-chup se vo baiThe hai.n
nazuk sii nigaaho.n me.n naazuk saa fasaanaa hai

hai ishq-e-junuu.N-peshaa haa.N ishq-e-junuu.N-peshaa
aaj ek sitamagar ko ha.Ns ha.Ns ke rulaanaa hai

ye ishq nahii.n aasaa.N itanaa to samajh liije
ek aag kaa dariyaa hai aur Duub ke jaanaa hai

aa.Nsuu to bahot se hai.n aa.Nkho.n me.n 'Jigar' lekin
bindh jaaye so motii hai rah jaaye so daanaa hai
 

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
is ishq ke haatho.n se har-giz naamaafar dekhaa
utanii hii ba.Dii hasarat jitanaa hi udhar dekhaa

thaa baa_is-e-rusavaa_ii har cha.nd junuu.N meraa
ki unako bhii na chain aayaa jab tak na idhar dekhaa

yuu.N hii dil ke ta.Dapane kaa kuchh to hai sabab aaKhir
yaa.N dard ne karavaT lii hai yaa.N tumane idhar dekhaa

maathe pe pasiinaa kyo.n aa.Nkho.n me.n namii sii kyo.n
kuchh Khair to hai tumane kyaa haal-e-jigar dekhaa
 

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
ishq laa_mahaduud jab tak rahanumaa hotaa nahii.n
zindagii se zindagii kaa haq adaa hotaa nahii.n

is se ba.Dakar dost ko_ii duusaraa hota nahii.n
sab judaa ho jaaye.N lekin Gam judaa hotaa nahii.n

bekaraa.N hotaa nahii.n be-intehaa hotaa nahii.n
qatara jab tak ba.D ke qul_zam aashnaa hotaa nahii.n

zindagii ik haadasaa hai aur aisaa haadasaa
maut se bhii Khatm jis kaa silasilaa hotaa nahii.n

dard se maamuur hotii jaa rahii hai qaayanaat
ik dil-e-insaa.N magar dard aashnaa hotaa nahii.n

is maqaam-e-qurb tak ab ishq pahu.Nchaa hai jahaa.N
diidaa-o-dil kaa bhii aksar vaastaa hotaa nahii.n

allaah allaah ye kamaal-e-irtabaat-e-husn-o-ishq
faasale ho.n laakh dil se dil judaa hotaa nahii.n

vaqt aataa hai ik aisaa bhii sar-e-bazm-e-jamaal
saamane hote hai.n vo aur saamanaa hotaa nahii.n

kyaa qayaamat hai ke is daur-e-taraqqii me.n "Jigar"
aadamii se aadamii kaa haq adaa hotaa nahii.n [DOUBLEPOST=1341326822][/DOUBLEPOST]ishq fanaa kaa naam hai ishq me.n zindagii na dekh
jalvaaa-e-aaftaab ban zarre me.n roshanii na dekh
shauq ko rah_numaa banaa jo ho chukaa kabhii na dekh
aag dabii hu_ii nikaal aag bujhii hu_ii na dekh
tujh ko Khudaa kaa vaastaa tuu merii zindagii na dekh
jis kii sahar bhii shaam ho us kii siyaah shavii na dekh[DOUBLEPOST=1341327889][/DOUBLEPOST]ishq kii daastaan hai pyaare
apanii apanii zubaan hai pyaare

ham zamaane se i.ntaqaam to le.n
ek hasii.n darmiyaan hai pyaare

tuu nahii.n mai.n huu.n mai.n nahii.n tuu hai
ab juchh aisaa gumaan hai pyaare

rakh qadam phuu.Nk phuu.Nk kar naadaan
zarre zarre me.n jaan hai pyaare
 

Wasif Safi

!!pRaISe D CReAtOr!!
Banned
Oct 1, 2009
14,987
4,810
513
Hyderabad, India
ishq ko be-naqaab honaa thaa
aap apanaa javaab honaa thaa

terii aa.Nkho.n kaa kuchh qusuur nahii.n
haa.N mujhii ko Kharaab honaa thaa

dil ki jis par hai.n naqsh-e-rangaa-rang
us ko saadaa kitaab honaa thaa

hamane naakaamiyo.n ko Dhuu.ND liyaa
aaKhirash kaamayaab honaa thaa



[DOUBLEPOST=1341342293][/DOUBLEPOST]ishq me.n laajavaab hai.n ham log
maahataab aafataab hai.n ham log

garche ahal-e-sharaab hai.n ham log
ye na samajho Kharaab hai.n ham log

shaam se aa gaye jo piine par
subah tak aafataab hai.n ham log

naaz karatii hai Khaanaa-viiraanii
aise Khaanaa-Kharaab hai.n ham log

tuu hamaaraa javaab hai tanahaa
aur teraa javaab hai.n ham log

Khuub ham jaanate hai.n qadr apanii
kitane naakaamayaab hai.n ham log

har haqiiqat se jo guzar jaaye.N
vo sadaaqat-m'aab hai.n ham log

jab milii aa.Nkh hosh kho baiThe
kitane haazir-javaab hai.n ham log

[DOUBLEPOST=1341342374][/DOUBLEPOST]isii chaman me.n hii hamaaraa bhii ik zamaanaa thaa
yahii.n kahii.n ko_ii saadaa saa aashiyaanaa thaa

nasiib ab to nahii.n shaaKh bhii nasheman kii
ladaa huaa kabhii phuulo.n se aashiyaanaa thaa

terii qasam are o jald ruuThanevaale
guruur-e-ishq na thaa naaz-e-aashiqaanaa thaa

tumhii.n guzar gaye daaman bachaakar varnaa yahaa.N
vahii shabab vahii dil vahii zamaanaa thaa

[DOUBLEPOST=1341342411][/DOUBLEPOST]kaam aaKhir jazbaa-e-beiKhtiyaar aa hii gayaa
dil kuchh is suurat se ta.Dapaa un ko pyaar aa hii gayaa

jab nigaahe.n uTh ga_ii.n allaah re meraaj-e-shauq
dekhataa kyaa huu.N vo jaan-e-intazaar aa hii gayaa

haa_e ye husn-e-tasavvur kaa fareb-e-rang-o-buu
mai.n ne samajhaa jaise vo jaan-e-bahaar aa hii gayaa

haa.N sazaa de ai Khudaa-e-ishq ai taufiiq-e-Gam
phir zabaan-e-be-adab par zikr-e-yaar aa hii gayaa

is tarah Khush huu.N kisii ke vaadaa-e-fardaa pe mai.n
dar-haqiiqat jaise mujh ko aitabaar aa hii gayaa

haa_e kaafir dil kii ye kaafir junuu.N-a.ngeziiyaa.N
tum ko pyaar aaye na aaye mujh ko pyaar aa hii gayaa

dard ne karavaT hii badalii thii ki dil kii aa.D se
dafa'tan pardaa uThaa aur pardaadaar aa hii gayaa

jaan hii de dii Jigar ne aaj paa-e-yaar par
umr bhar kii beqaraarii ko qaraar aa hii gayaa

[DOUBLEPOST=1341342471][/DOUBLEPOST]kabhii shaaKh-o-sabz-o-barg par kabhii Gu.Nchaa-o-gul-o-Khaar par
mai.n chaman me.n chaahe jahaa.N rahuu.N meraa haq hai fasal-e-bahaar par

mujhe de na Gaib me.n dhamakiyaa.N gire laakh baar ye bijaliyaa.N
merii sar-tanak yahii aashiyaa.N merii milkiiyat yahii pyaar hai

merii simt se use ai sabaa ye payaam-e-aaKhir-e-Gam sunaa
abhii dekhanaa ho to dekh jaa ke Khizaa.N hai apanii bahaar pe

ye fareb-e-jalvaa-e-sar-basar mujhe Dar hai ye dil-e-beKhabar
kahii.n jam na jaaye terii nazar i.nhii.n cha.nd naqsh-o-nigaar par

ajab i.nqalaab-e-zamaanaa hai meraa muKhtasar saa fasaanaa hai
ye jo aaj baar hai dosh par yahii sar thaa zaano-e-yaar par

mai.n rahiin-e-dard sahii magar mujhe aur kyaa chaahiye "Jigar"
Gam-e-yaar hai meraa shefataa mai.n farefataa Gam-e-yaar par



[DOUBLEPOST=1341342509][/DOUBLEPOST]kahaa.N vo shoKh, mulaaqaat Khud se bhii na hu_ii
bas ek baar hu_ii aur phir kabhii na hu_ii

Thahar Thahar dil-e-betaab pyaar to kar luu.N
ab is ke baad mulaaqaat phir hu_ii na hu_ii

vo kuchh sahii na sahii phir bhii zaahid-e-naadaa.N
ba.De-ba.Do.n se mohabbat me.n kaafirii na hu_ii

idhar se bhii hai sivaa kuchh udhar kii majabuurii
ki ham ne aah to kii un se aah bhii na hu_ii

[DOUBLEPOST=1341342550][/DOUBLEPOST]ko_ii ye kah de gulashan gulashan
laakh balaaye.N ek nasheman

kaamil rah_bar qaatil rah_zan
dil saa dost na dil saa dushman

phuul khile hai.n gulashan gulashan
lekin apanaa apanaa daaman

umre.n biitii.n sadiyaa.N guzarii.n
hai vahii ab tak aql kaa bachapan

ishq hai pyaare khel nahii.n hai
ishq hai kaar-e-shiishaa-o-aahan

Khair mizaaj-e-husn kii yaa rab!
tez bahut hai dil kii dha.Dakan

aaj na jaane raaz ye kyaa hai
hijr kii shab aur itanii raushan

tuu ne sulajh kar gesuu-e-jaanaa.N
aur ba.Daa dii dil kii ulajhan

chalatii phiratii chhaao.n hai pyaare
kis kaa saharaa kaisaa gulashan

aa ki na jaane tujh bin kab se
ruuh hai laashaa jism hai madafan

kaam adhuuraa aur aazaadii
naam ba.De aur tho.De darshan

rahamat hogii Galib-e-isiyaa.N
rashk karegii paakii-e-daaman

kaa.NTo.n kaa bhii haq hai kuchh aaKhir
kaun chhu.Daaye apanaa daaman

[DOUBLEPOST=1341342585][/DOUBLEPOST]kuchh is adaa se aaj vo pahaluu-nashii.n rahe
jab tak hamaare paas rahe ham nahii.n rahe

iimaan-e-kufr aur na duniyaaa va dii.n rahe
ai ishq shaadabaash ki tanahaa hamii.n rahe

yaa rab kisii ke raaz-e-mohabbat kii Khair ho
dast-e-junuu.N rahe na rahe aastii.n rahe

jaa aur ko_ii zabt kii duniyaa talaash kar
ai ishq ham to ab tere qaabil nahii.n rahe

mujh ko nahii.n qubuul do aalam kii vus'ate.n
qismat me.n kuu-e-yaar kii do Gaz zamii.n rahe

dard-e-Gam-e-firaaq ke ye saKht marahale
hairaa.N huu.N mai.n ki phir bhii tum itane hasii.n rahe

is ishq kii talaafii-e-maafaat dekhanaa
rone kii hasarate.n hai.n jab aa.Nsuu nahii.n rahe

[DOUBLEPOST=1341342619][/DOUBLEPOST]muddat me.n vo phir taazaa mulaaqaat kaa aalam
Khaamosh adaao.n me.n vo jazbaat kaa aalam

allaah re vo shiddat-e-jazbaat kaa aalam
kuchh kah ke vo bhuulii hu_ii har baat kaa aalam

aariz se Dhalakate hu_e shabanam ke vo qatare
aa.Nkho.n se jhalakataa huaa barasaat kaa aalam

vo nazaro.n hii nazaro.n me.n savaalaat kii duniyaa
vo aa.Nkho.n hii aa.Nkho.n me.n javaabaat kaa aalam

[DOUBLEPOST=1341342652][/DOUBLEPOST]mujhe de rahe.n hai.n tasalliyaa.N vo har ek taazaa payaam se
kabhii aake manzar-e-aam par kabhii haT ke manzar-e-aam se

na Garaz kisii se na vaastaa, mujhe kaam apane hii kaam se
tere zikr se, terii fikr se, terii yaad se, tere naam se

mere saaqiyaa, mere saaqiyaa, tujhe marahabaa, tujhe marahabaa
tuu pilaaye jaa, tuu pilaaye jaa, isii chashm-e-jaam ba jaam se

terii subh-o-aish hai kyaa balaa, tujhe ae falak jo ho hausalaa
kabhii karale aake muqaabilaa, Gam-e-hijr-e-yaar kii shaam se

[DOUBLEPOST=1341342685][/DOUBLEPOST]niyaaz-o-naaz ke jhaga.De miTaaye jaate hai.n
ham un me.n aur vo ham me.n samaaye jaate hai.n

ye naaz-e-husn to dekho ki dil ko ta.Dapaakar
nazar milaate nahii.n muskuraaye jaate hai.n

mere junuun-e-tamannaa kaa kuchh Khayaal nahii.n
lajaaye jaate hai.n daaman chhu.Daaye jaate hai.n

jo dil se uThate hai.n shole vo a.ng ban ban kar
tamaam ma.nzar-e-fitarat pe chhaye jaate hai.n

mai.n apanii aah ke sadaqe ki merii aah me.n bhii
terii nigaah ke a.ndaaz paaye jaate hai.n

ye apanii tark-e-muhabbat bhii kyaa muhabbat hai
ji.nhe.n bhulaate hai.n vo yaad aaye jaate hai.n

[DOUBLEPOST=1341342725][/DOUBLEPOST]os pade bahaar par aag lage kanaar me.n
tum jo nahii.n kanaar me.n luTf hii kya bahaar me.n

us pe kare Khudaa raham gardish-e-rozagaar me.n
apanii talaash cho.Dakar jo hai talaash-e-yaar me.n

ham kahii.n jaanevaale hai.n daaman-e-ishq cho.Dakar
ziist tere huzuur me.n, maut tere dayaar me.n

[DOUBLEPOST=1341342798][/DOUBLEPOST]saaqii kii har nigaah pe bal khaa ke pii gayaa
laharo.n se khelataa huaa laharaa ke pii gayaa

bekaifiyo.n ke kaif se ghabaraa ke pii gayaa
taubaa ko to.D taa.D ke tharraa ke pii gayaa

zaahid ye merii shoKhii-e-ri.ndaanaa dekhanaa
rahamat ko baato.n baato.n me.n bahalaa ke pii gayaa

sarmastii-e-azal mujhe jab yaad aa ga_ii
duniyaa-e-aitabaar ko Thukaraa ke pii gayaa

aazuurdagii-e-Khaatir-e-saaqii ko dekh kar ai rahamat-e-tamaam merii har Khataa mua'af
mai.n i.ntahaa-e-shauq me.n ghabaraa ke pii gayaa

piitaa beGair izan ye kab thii merii majaal
dar-pardaa chashm-e-yaar kii shah paa ke pii gayaa

us jaan-e-mayakadaa kii qasam baarahaa "Jigar"
kul aalam-e-bisaat pe mai.n chhaa ke pii gayaa

[DOUBLEPOST=1341342846][/DOUBLEPOST]saaqii par ilzaam na aaye
chaahe tujh tak jaam na aaye

tere sivaa jo kii ho muhabbat
merii javaanii kaam na aaye

jin ke liye mar bhii gaye ham
vo chal kar do gaam na aaye

ishq kaa saudaa itanaa garaa.N hai
i.nhe.n ham se kaam na aaye

maiKhaane me.n sab hii to aaye
lekin "Jigar" kaa naam na aaye

 
Top
Forgot your password?