ﺁﺝ ﻣﻌﺮﻭﻑ ﺷﺎﻋﺮ ﺟﻮﻥؔ ﺍﯾﻠﯿﺎ ﮐﺎ ﯾﻮﻡِ ﻭﻓﺎﺕ ﮨﮯ ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﻧﺎﻡ ﺳﯿﺪ ﺟﻮﻥ ﺍﺻﻐﺮ ﺍﻭﺭ ﺗﺨﻠﺺ ﺟﻮﻥ ﺗﮭﺎ۔۱۴؍ﺩﺳﻤﺒﺮ ۱۹۳۱ﺀ ﮐﻮ ﺍﯾﮏ ﻋﻠﻤﯽ ﻭﺍﺩﺑﯽ ﺧﺎﻧﺪﺍﻥ ﺑﮭﺎﺭﺕ ﮐﮯ ﺷﮩﺮ ﺍﻣﺮﻭﮨﮧ ﻣﯿﮟ ﭘﯿﺪﺍ ﮨﻮﺋﮯ۔ ﺭﺋﯿﺲ ﺍﻣﺮﻭﮨﻮﯼ ﺍﻭﺭ ﺳﯿﺪ ﻣﺤﻤﺪ ﺗﻘﯽ ﺍ ﻥ ﮐﮯ ﺑﮍﮮ ﺑﮭﺎﺋﯽ ﺗﮭﮯ۔ ﺍﺑﺘﺪﺍﺋﯽ ﺗﻌﻠﯿﻢ ﺍﭘﻨﮯ ﻭﺍﻟﺪ ﺷﻔﯿﻖ ﺣﺴﻦ ﺍﯾﻠﯿﺎ ﮐﯽ ﺳﺮﭘﺮﺳﺘﯽ ﻣﯿﮟ ﺣﺎﺻﻞ ﮐﯽ۔ﺍﺩﯾﺐ ﮐﺎﻣﻞ( ﺍﺭﺩﻭ ) ، ﮐﺎﻣﻞ ( ﻓﺎﺭﺳﯽ ) ، ﻓﺎﺿﻞ ( ﻋﺮﺑﯽ ) ﮐﮯ ﺍﻣﺘﺤﺎﻧﺎﺕ ﭘﺎﺱ ﮐﯿﮯ۔ﺍﺭﺩﻭ ، ﻓﺎﺭﺳﯽ ﺍﻭﺭ ﻋﺮﺑﯽ ﺯﺑﺎﻧﻮﮞ ﭘﺮ ﺟﻮﻥ ﺍﯾﻠﯿﺎ ﮐﻮ ﯾﮑﺴﺎﮞ ﻋﺒﻮﺭ ﺣﺎﺻﻞ ﺗﮭﺎ۔ ۱۹۵۷ﺀ ﻣﯿﮟ ﺑﮭﺎﺭﺕ ﺳﮯ ﮨﺠﺮﺕ ﮐﺮﻧﮯ ﮐﮯ ﺑﻌﺪ ﮐﺮﺍﭼﯽ ﻣﯿﮟ ﺳﮑﻮﻧﺖ ﺍﺧﺘﯿﺎﺭ ﮐﯽ۔۱۹۶۳ﺀ ﺳﮯ ۱۹۶۸ﺀ ﺗﮏ ﺍﺳﻤﺎﻋﯿﻠﯿﮧ ﺍﯾﺴﻮﺳﯽ ﺍﯾﺸﻦ ﭘﺎﮐﺴﺘﺎﻥ ﮐﮯ ﺷﻌﺒﮧ ﺗﺎﻟﯿﻒ ﮐﮯ ﻧﮕﺮﺍﮞ ﺭﮨﮯ۔ ۱۹۶۸ﺀ ﻣﯿﮟ ﺍﺭﺩﻭ ﮈﮐﺸﻨﺮﯼ ﺑﻮﺭﮈ ﺳﮯ ﻭﺍﺑﺴﺘﮧ ﮨﻮﺋﮯ۔ ۱۹۷۰ﺀ ﻣﯿﮟ ﺍﻧﮭﻮﮞ ﻧﮯ ﺯﺍﮨﺪﮦ ﺣﻨﺎ ﺳﮯ ﺷﺎﺩﯼ ﮐﯽ۔ ﺩﻭﻧﻮﮞ ﻣﻞ ﮐﺮ ﺍﯾﮏ ﻋﺮﺻﮧ ﺗﮏ ’’ ﻋﺎﻟﻤﯽ ﮈﺍﺋﺠﺴﭧ ‘‘ ﻧﮑﺎﻟﺘﮯ ﺭﮨﮯ۔ ﺑﻌﺪ ﻣﯿﮟ ﺩﻭﻧﻮﮞ ﻣﯿﮟ ﻋﻠﯿﺤﺪﮔﯽ ﮨﻮﮔﺌﯽ۔۸؍ﻧﻮﻣﺒﺮ ۲۰۰۲ﺀ ﮐﻮ ﮐﺮﺍﭼﯽ ﻣﯿﮟ ﺍﺱ ﺟﮩﺎﻥ ﻓﺎﻧﯽ ﺳﮯ ﺭﺧﺼﺖ ﮨﻮﮔﺌﮯ۔ ﺗﺎﺭﯾﺦ ، ﻓﻠﺴﻔﮧ ﺍﻭﺭ ﻣﺬﮨﺐ ﺍﻥ ﮐﮯ ﭘﺴﻨﺪﯾﺪﮦ ﻣﻮﺿﻮﻋﺎﺕ ﺗﮭﮯ۔ ﺍ ﻥ ﮐﯽ ﺗﺼﺎﻧﯿﻒ ﮐﮯ ﻧﺎﻡ ﯾﮧ ﮨﯿﮟ ’: ﺷﺎﯾﺪ )‘ ﺷﻌﺮﯼ ﻣﺠﻤﻮﻋﮧ ) ، ﺍﻥ ﮐﯽ ﺯﻧﺪﮔﯽ ﻣﯿﮟ ﭼﮭﭗ ﮔﯿﺎ ﺗﮭﺎ۔ ﺍﻥ ﮐﮯ ﺍﻧﺘﻘﺎﻝ ﮐﮯ ﺑﻌﺪ ﺍﻥ ﮐﮯ ﺗﯿﻦ ﻣﺠﻤﻮﻋﮯ ’ ﯾﻌﻨﯽ ‘ ، ’ ﮔﻤﺎﻥ ‘ ، ﺍﻭﺭ ’ ﻟﯿﮑﻦ ‘ ﺷﺎﺋﻊ ﮨﻮﺋﮯ ﮨﯿﮟ۔ ﻭﻓﺎﺕ ﺳﮯ ﻗﺒﻞ ﺯﺍﮨﺪﮦ ﺣﻨﺎ ﮐﮯ ﻧﺎﻡ ﻟﮑﮭﮯ ﮨﻮﺋﮯ ﺧﻄﻮﻁ ﮐﺎ ﻣﺠﻤﻮﻋﮧ ’’ ﺗﻤﮩﺎﺭﮮ ﻧﺎﻡ ‘‘ ﮐﻤﭙﻮﺯ ﮨﻮﺍ ﺭﮐﮭﺎ ﺗﮭﺎ۔ ﺍﻧﮭﻮﮞ ﻧﮯ ’ ﺟﻮﮨﺮ ﺻﻘﻠﯽ ‘ ، ’ ﮐﺘﺎﺏ ﺍﻟﻄﻮﺍﺳﯿﻦ )‘ ﺍﺯﻣﻨﺺﻭﺭﺣﻼﺝ ) ﮐﮯ ﺗﺮﺟﻤﮯ ﮐﯿﮯ ﮨﯿﮟ، ﻣﮕﺮ ﺍﻥ ﮐﮯ ﭼﮭﭙﻨﮯ ﮐﯽ ﻧﻮﺑﺖ ﻧﮩﯿﮟ ﺁﺋﯽ۔ ﭘﺎﮐﺴﺘﺎﻥ ﮔﻮﺭﻧﻤﻨﭧ ﻧﮯ ﺍﻧﮭﯿﮟ ﺣﺴﻦ ﮐﺎﺭﮐﺮﺩﮔﯽ ﮐﮯ ﺗﻤﻐﮯ ﺳﮯ ﻧﻮﺍﺯﺍ۔
۔۔۔۔۔۔۔۔۔۔۔۔۔۔۔۔
ﺟﻮﻥ ﺍﯾﻠﯿﺎ ﮐﯽ ﺯﺑﺎﻧﯽ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ﻣﯿﮟ ﺩﻭ ﺁﺑﮧﺀ ﮔﻨﮓ ﻭ ﺟﻤﻦ ﮐﮯ ﺣﻼﺕ ﺧﯿﺰ، ﺭﻣﺰﯾﺖ ﺁﻣﯿﺰ ﺍﻭﺭ ﺩﻝ ﺍﻧﮕﯿﺰ ﺷﮩﺮ ﺍﻣﺮﻭﮨﮧ ﻣﯿﮟ ﭘﯿﺪﺍ ﮨﻮﺍ ۔ﺍﻣﺮﻭﮨﮯ ﻣﯿﮟ ﻧﮧ ﺟﺎﻧﮯ ﮐﺐ ﺳﮯ ﺍﯾﮏ ﮐﮩﺎﻭﺕ ﻣﺸﮩﻮﺭ ﭼﻠﯽ ﺁ ﺭﮨﯽ ﮨﮯ ﮐﮧ،ﺍﻣﺮﻭﮨﮧ ﺷﮩﺮ ﺗﺨﺖ ﮨﮯ، ﮔﺰﺭﺍﻥ ﯾﺎﮞ ﮐﯽ ﺳﺨﺖ ﮨﮯ ، ﺟﻮ ﭼﮭﻮﮌﮮ ﻭﮦ ﮐﻢ ﺑﺨﺖ ﮨﮯ،۔۔۔ ﻣﺠﮭﮯ ﻧﮩﯿﮟ ﻣﻌﻠﻮﻡ ﮐﮧ ﺷﻤﺎﻟﯽ ﮨﻨﺪ ﮐﮯ ﭘﮩﻠﮯ ﻣﺜﻨﻮﯼ ﻧﮕﺎﺭ ﺳﯿﺪ ﺍﺳﻤٰﻌﯿﻞ ﺍﻣﺮﻭﮨﻮﯼ، ﺷﯿﺦ ﻏﻼﻡ ﮨﻤﺪﺍﻧﯽ ﺻﺪﯾﻘﯽ ، ﻧﺴﯿﻢ ﺍﻣﺮﻭﮨﻮﯼ ، ﺭﺋﯿﺲ ﺍﻣﺮﻭﮨﻮﯼ ،ﺳﯿﺪ ﻣﺤﻤﺪ ﺗﻘﯽ ،ﺳﯿﺪ ﺻﺎﺩﻗﯿﻦ ﺍﺣﻤﺪ ، ﻣﺤﻤﺪ ﻋﻠﯽ ﺻﺪﯾﻘﯽ ﺍﻭﺭ ﺍﻗﺒﺎﻝ ﺻﺪﯾﻘﯽ ﻧﮯ ﺍﻣﺮﻭﮨﮧ ﭼﮭﻮﮌ ﮐﺮ ﺍﭘﻨﮯ ﺁﭖ ﮐﻮ ﮐﻢ ﺑﺨﺖ ﻣﺤﺴﻮﺱ ﮐﯿﺎ ﺗﮭﺎ ﯾﺎ ﻧﮩﯿﮟ ﻣﮕﺮ ﻣﯿﮟ ﻧﮯ ۔۔۔۔۔۔۔۔۔۔۔۔۔۔۔۔ ﺑﮩﺮﺣﺎﻝ
ﻭﮦ ﺍﯾﮏ ﻣﺸﺮﻕ ﺭﻭﯾﮧ ﻣﮑﺎﻥ ﺗﮭﺎ ۔ﺍﺱ ﮐﺎ ﻃﺮﮦ ﺩﺍﻻﻥ ﺁﺧﺮِ ﺷﺐ ﺳﮯ ﺁﻓﺘﺎﺏ ﮐﺎ ﻣﺮﺍﻗﺒﮧ ﮐﯿﺎ ﮐﺮﺗﺎ ﺗﮭﺎ۔ ﺍُﺱ ﻣﮑﺎﻥ ﻣﯿﮟ ﺭﺍﺕ ﺩﻥ ﺭﻭﺷﻨﯽ ﻃﺒﻊ ﺍﻭﺭ ﺭﻭﺷﻨﺎﺋﯽ ﮐﯽ ﺭﻭﺷﻨﯽ ﭘﮭﯿﻠﯽ ﺭﮨﺘﯽ ﺗﮭﯽ۔ ﺷﻌﺮ ﻭ ﺍﺩﺏ ﮐﺎ ﺳﻠﺴﻠﮧ ﮨﻤﺎﺭﮮ ﯾﮩﺎﮞ ﮐﺌﯽ ﭘﺸﺘﻮﮞ ﺳﮯ ﭼﻼ ﺁ ﺭﮨﺎ ﮨﮯ ۔ﮨﻤﺎﺭﮮ ﺑﺎﺑﺎ ﻋﻼﻣﮧ ﺳﯿﺪ ﺷﻔﯿﻖ ﺣﺴﻦ ﺍﯾﻠﯿﺎ ﭼﺎﺭ ﺑﮭﺎﺋﯽ ﺗﮭﮯ ﺍﻭﺭ ﭼﺎﺭﻭﮞ ﮐﮯ ﭼﺎﺭﻭﮞ ﺷﺎﻋﺮ ﺗﮭﮯ ۔ ﺳﯿﺪ ﻧﻔﯿﺲ ﺣﺴﻦ ﻭﺳﯿﻢؔ ، ﺳﯿﺪ ﺍﻧﯿﺲ ﺣﺴﻦ ﺑﻼﻝؔ ( ﺑﮭﺎﺋﯽ ﮐﻤﺎﻝ ﺍﻣﺮﻭﮨﯽ ﮐﮯ ﻭﺍﻟﺪ ) ﺳﯿﺪ ﻭﺣﯿﺪ ﺣﺴﻦ ﺭﻣﺰؔ ﺍﻭﺭ ﺑﺎﺑﺎ ۔ ﺑﺎﺑﺎ ﮐﮯ ﻭﺍﻟﺪ ﺳﯿﺪ ﻧﺼﯿﺮ ﺣﺴﻦ ﻧﺼﯿﺮؔ ﺑﮭﯽ ﺷﺎﻋﺮ ﺗﮭﮯ ۔ ﻭﮦ ﺻﺮﻑ ﻣﺴﻤﻂ ﮐﮩﺘﮯ ﺗﮭﮯ۔ ﺑﺎﺑﺎ ﮐﮯ ﺩﺍﺩﺍ ﺳﯿﺪ ﺍﻣﯿﺮ ﺣﺴﻦ ﺍﻣﯿﺮؔ ﺍﺭﺩﻭ ﺍﻭﺭ ﻓﺎﺭﺳﯽ ﺩﻭﻧﻮﮞ ﻣﯿﮟ ﺷﻌﺮ ﮐﮩﺘﮯ ﺗﮭﮯ۔ ﺍﺱ ﮐﮯ ﻋﻼﻭﮦ ﻭﮦ ﺍﯾﮏ ﺻﺎﺣﺐ ﻃﺮﺯ ﻧﺜﺮ ﻧﮕﺎﺭ ﺑﮭﯽ ﺗﮭﮯ ۔ ﺳﯿﺪ ﺍﻣﯿﺮ ﺣﺴﻦ ﮐﮯ ﺩﺍﺩﺍ ﺳﯿﺪ ﺳﻠﻄﺎﻥ ﺍﺣﻤﺪ ۔ ﻣﯿﺮ ﺗﻘﯽ ﺗﻤﺎﻡ ﻣﯿﺮؔ ﮐﮯ ﺍﺭﺷﺪِ ﺗﻼﻣﺬﮦ ﺳﯿﺪ ﻋﺒﺪﺍﻟﺮﺳﻮﻝ ﻧﺜﺎﺭؔ ﺍﮐﺒﺮ ﺁﺑﺎﺩﯼ ﮐﮯ ﺷﺎﮔﺮﺩ ﺗﮭﮯ۔ ﮨﻤﺎﺭﮮ ﻣﺤﻠﮯ ﮐﮯ ﺟﺪِ ﺍﻋﻠٰﯽ ﺳﯿﺪ ﺍﺑﺪﺍﻝ ﻣﺤﻤﺪ ﺍﻧﮩﯿﮟ ﺩﻟﯽ ﺳﮯ ﺍﭘﻨﮯ ﺳﺎﺗﮫ ﺍﻣﺮﻭﮨﮧ ﻟﮯ ﺁﮰ ﺗﮭﮯ ۔ ﺍﻧﮩﻮﮞ ﻧﮯ ﺍﭘﻨﯽ ﺑﺎﻗﯽ ﺯﻧﺪﮔﯽ ﮨﻤﺎﺭﮮ ﻗﺪﯾﻢ ﺩﯾﻮﺍﻥ ﺧﺎﻧﮯ ﻣﯿﮟ ﮔﺰﺍﺭﯼ ﺍﻭﺭ ﮨﻤﺎﺭﮮ ﺟﺪِ ﺍﻋﻠٰﯽ ﻣﻘﺒﺮﮮ ﮐﮯ ﻣﻐﺮﺑﯽ ﺟﺎﻧﺐ ﺩﻓﻦ ﮨﻮﮰ۔
ﻣﺼﺤﻔﯽ ﮨﻔﺘﮯ ﻋﺸﺮﮮ ﺑﻌﺪ ﺍﻥ ﺳﮯ ﻣﻠﻨﮯ ﺁﯾﺎ ﮐﺮﺗﮯ ﺗﮭﮯ۔
ﺟﺐ ﻣﯿﮟ ﻧﮯ ﮨﻮﺵ ﮐﯽ ﺁﻧﮑﮭﯿﮟ ﮐﮭﻮﻟﯿﮟ ﺗﻮ ﺍﭘﻨﮯ ﮔﮭﺮ ﻣﯿﮟ ﺻﺒﺢ ﺳﮯ ﺷﺎﻡ ﺗﮏ ﺷﺎﻋﺮﯼ ، ﺗﺎﺭﯾﺦ ، ﻣﺬﺍﮨﺐ ﻋﺎﻟﻢ ، ﻋﻠﻢِ ﮨﺌﯿﺖ ﺍﻭﺭ ﻓﻠﺴﻔﮯ ﮐﺎ ﺩﻓﺘﺮ ﮐﮭﻼ ﺩﯾﮑﮭﺎ ﺍﻭﺭ ﺑﺤﺚ ﻣﺒﺎﺣﺜﮯ ﮐﺎ ﮨﻨﮕﺎﻣﮧ ﮔﺮﻡ ﭘﺎﯾﺎ ۔ ﺍﺱ ﺗﻤﺎﻡ ﺳﺮﮔﺮﻣﯽ ﮐﺎ ﻣﺮﮐﺰ ﮨﻤﺎﺭﮮ ﺑﺎﺑﺎ ﻋﻼﻣﮧ ﺳﯿﺪ ﺷﻔﯿﻖ ﺍﯾﻠﯿﺎ ﺗﮭﮯ۔ ﻭﮦ ﮐﺌﯽ ﻋﻠﻮﻡ ﮐﮯ ﺟﺎﻣﻊ ﺗﮭﮯ ﺍﻭﺭ ﮐﺌﯽ ﺯﺑﺎﻧﯿﮟ ﺟﺎﻧﺘﮯ ﺗﮭﮯ ﯾﻌﻨﯽ ﻋﺮﺑﯽ ، ﺍﻧﮕﺮﯾﺰﯼ ، ﻓﺎﺭﺳﯽ ، ﻋﺒﺮﺍﻧﯽ ﺍﻭﺭ ﺳﻨﺴﮑﺮﺕ ۔ ﻭﮦ ﺻﺒﺢ ﺳﮯ ﺷﺎﻡ ﺗﮏ ﻟﮑﮭﺘﮯ ﺭﮨﺘﮯ ﺗﮭﮯ ﺍﻭﺭ ﺗﻘﺮﯾﺒﺎۤ ﺍﺱ ﯾﻘﯿﻦ ﮐﮯ ﺳﺎﺗﮫ ﮐﮧ ﺍﻥ ﮐﺎ ﻟﮑﮭﺎ ﭼﮭﭙﮯ ﮔﺎ ﻧﮩﯿﮟ ۔ ﻋﻠﻢ ﮨﺌﯿﺖ ﺳﮯ ﺍﻧﮩﯿﮟ ﺧﺎﺹ ﺷﻐﻒ ﺗﮭﺎ ۔ ﮨﺌﯿﺖ ﮐﮯ ﻣﺴﺎﺋﻞ ﺳﮯ ﻣﺘﻌﻠﻖ ﺭﺻﺪ ﮔﺎﮦِ ﮔﺮﯾﻨﭻ ﺍﻧﮕﻠﺴﺘﺎﻥ ﮐﮯ ﻋﻼﻡﺀ ﺍﻭﺭ ﻣﺎﮨﺮﯾﻦ ، ﺑﭩﺮﯾﻨﮉﺭﺳﻞ ﺍﻭﺭ ﺟﻨﻮﺑﯽ ﺍﯾﺸﯿﺎ ﮐﯽ ﺍﯾﮏ ﺭﺻﺪ ﮔﺎﮦ ﮐﮯ ﮈﺍﺋﺮﯾﮑﭩﺮ ﻧﺮﺳﯿﺎﻥ ﺳﮯ ﺍﻥ ﮐﯽ ﺧﻂ ﻭ ﮐﺘﺎﺑﺖ ﮨﻮﺗﯽ ﺭﮨﺘﯽ ﺗﮭﯽ ۔ ﻭﮦ ﺗﺼﻨﯿﻒ ﻭ ﺗﺎﻟﯿﻒ ﮐﮯ ﺩﻟﺴﭽﭗ ﻣﺸﻘﺖ ﺳﮯ 54 ، 55 ﺑﺮﺱ ﺗﮏ ﻣﺤﻈﻮﻅ ﮨﻮﺗﮯ ﺭﮨﮯ۔
ﻭﮦ ﻗﻠﻢ ﮨﯽ ﮐﮯ ﻧﮩﯿﮟ، ﻣﻮﻗﻠﻢ ﮐﮯ ﺑﮭﯽ ﺁﺩﻣﯽ ﺗﮭﮯ ۔ ﮨﺌﯿﺖ ﮐﮯ ﻧﻘﺸﻮﮞ ﮐﮯ ﻋﻼﻭﮦ ﺍﻧﯿﻮﮞ ﻧﮯ ﺍﻣﺎﻡ ﺣﺴﯿﻦؑ ﮐﮯ ﺳﻔﺮ ﮐﺮﺑﻼ ﮐﯽ ﻣﻨﺰﻟﻮﮞ ﺍﻭﺭ ﮐﺮﺑﻼ ﮐﮯ ﻣﯿﺪﺍﻥِ ﻭﺍﻗﻌﮧ ﮐﮯ ﻧﻘﺸﮯ ﺑﮭﯽ ﺑﻨﺎﮰ ﺗﮭﮯ ۔ ﺍﻥ ﻧﻘﺸﻮﮞ ﻣﯿﮟ ﺗﺎﺭﯾﺦ ﺍﻭﺭ ﻣﻘﺎﺗﻞ ﮐﮯ ﺳﯿﮑﮍﻭﮞ ﺣﻮﺍﻟﮯ ﭘﯿﺶ ﮐﯿﮯ ﮔﮱ ﮨﯿﮟ ۔ ﻣﺸﮩﻮﺭ ﻣﺼﻮﺭ ﺍﻗﺒﺎﻝ ﻣﮩﺪﯼ ﺟﻮ ﻣﯿﺮﺍ ﺑﮭﺘﯿﺠﺎ ﮨﻮﺗﺎ ﮨﮯ، ﻣﻮﻗﻠﻢ ﮐﮯ ﻓﻦ ﻣﯿﮟ ﺑﺎﺑﺎ ﮐﺎ ﻭﺍﺣﺪ ﻭﺍﺭﺙ ﮨﮯ ۔ ﺑﺎﺑﺎ ﻧﮯ ﺍﭘﻨﯽ ﺯﻧﺪﮔﯽ ﮐﮯ ﺁﺧﺮﯼ ﺩﻧﻮﮞ ﻣﯿﮟ ﺍﭘﻨﮯ ﻣﻮﻗﻠﻢ ﺍﻭﺭ ﺩﻭﺳﺮﯼ ﭼﯿﺰﯾﮟ ﻟﻠﻦ ( ﺍﻗﺒﺎﻝ ﻣﮩﺪﯼ ) ﮨﯽ ﮐﻮ ﺩﯼ ﺗﮭﯿﮟ ۔ﺩﺍﻧﺘﮯ ﮐﮯ ﺑﻌﺪ ﺑﺎﺑﺎ ﺷﺎﯾﺪ ﻭﮦ ﭘﮩﻠﮯ ﺁﺩﻣﯽ ﺗﮭﮯ ﺟﻨﮩﻮﮞ ﻧﮯ ﮐﺎﺋﻨﺎﺕ ﮐﯽ ﻧﻮﺍﺣﯽ ﺍﻭﺭ ﺿﻮﺍﺣﯽ ﺳﮯ ﻣﻌﺎﻣﻠﺖ ﺭﮐﮭﻨﮯ ﮐﺎ ﻓﻨﯽ ﺛﺒﻮﺕ ﻓﺮﺍﮨﻢ ﮐﯿﺎ ﺗﮭﺎ۔ ﺍﻧﮩﻮﮞ ﻧﮯ ﺟﻨﺖ ﺍﻭﺭ ﺟﮩﻨﻢ ﮐﺎ ﺍﯾﮏ ﻧﻘﺸﮧ ﺑﻨﺎﯾﺎ ﺗﮭﺎ۔ﺍﺱ ﻧﻘﺸﮯ ﻣﯿﮟ ﺍﻧﮩﻮﮞ ﻧﮯ ﺍﭘﻨﮯ ﻭﺟﻮﺩ ﮐﮯ ﺑﺎﻃﻦِ ﺑﺎﻃﻦ ﺍﻭﺭ ﮐﺎﻣﻦِ ﮐﺎﻣﻦ ﮐﮯ ﺟﻤﺎﻝ ﻭ ﺟﻼﻝ ﮐﻮ ﮐﻤﺎﻝ ﺍﺣﺴﺎﺱ ﺁﮔﯿﻨﯽ ﮐﮯ ﺳﺎﺗﮫ ﭘﯿﺶ ﮐﯿﺎ ﺗﮭﺎ ۔ ﺍﻧﮩﻮﮞ ﻧﮯ ﺟﻨﺖ ﻣﯿﮟ ﺍﭘﻨﯽ ﺫﺍﺕ ﺫﺍﺕ ﺍﻭﺭ ﺻﻔﺎﺕِ ﺻﻔﺎﺕ ﮐﮯ ﺗﻤﺎﻡ ﺭﺅﻑ ﺍﻭﺭ ﻋﻄﻮﻑ ﺭﻧﮓ ﮐﮭﭙﺎ ﺩﯾﮱ ﮨﯿﮟ ۔ ﺍﺏ ﺭﮨﺎ ﺟﮩﻨﻢ ، ﺗﻮ ﺟﮩﻨﻢ ﻣﯿﮟ ﺍﻧﮩﻮﮞ ﻧﮯ ﺑﮯ ﺣﺪ ﺟﺎﺭﺣﺎﻧﮧ ، ﺳﻔﺎﮐﺎﻧﮧ ﺍﻭﺭ ﺑﯿﻨﺎﺋﯽ ﺳﻮﺯ ﺭﻧﮓ ﺍﺳﺘﻌﻤﺎﻝ ﮐﯿﮯ ﮨﯿﮟ ﺍﻭﺭ ﺍﻥ ﮐﯽ ﺗﺪﺭﯾﺠﺎﺕ ﺍﻭﺭ ﺍﻥ ﺗﺪﺭﯾﺠﺎﺕ ﮐﯽ ﻃﻮﻟﯽ ﻭ ﻋﺮﺿﯽ ﺍﺿﺎﻓﺘﻮﮞ ﮐﮯ ﺫﺭﯾﻌﮯ ﻧﻘﺸﮯ ﻣﯿﮟ ﺍﯾﮏ ﻋﺠﺐ ﺷﺪﯾﺪﯾﺖ ﭘﯿﺪﺍ ﮐﺮ ﺩﯼ ﮨﮯ۔ﺍﻥ ﮐﮯ ﺗﻤﺎﻡ ﺟﺎﻧﻨﮯ ﻭﺍﻟﮯ ﺟﺎﻧﺘﮯ ﮨﯿﮟ ﮐﮧ ﺍﻧﮩﻮﮞ ﻧﮯ ﺯﻧﺪﮔﯽ ﻣﯿﮟ ﮐﺒﮭﯽ ﺍﯾﮏ ﺑﺎﺭ ﺑﮭﯽ ﻏﺼﮧ ﻧﮩﯿﮟ ﮐﯿﺎ ۔ ﻣﮕﺮ ﻣﯿﺮﺍ ﺧﯿﺎﻝ ﮨﮯ ﮐﮧ ﺍﻧﮩﻮﮞ ﻧﮯ ﺯﻧﺪﮔﯽ ﻣﯿﮟ ﺍﯾﮏ ﺑﺎﺭ ﺿﺮﻭﺭ ﻏﺼﮧ ﮐﯿﺎ ﺗﮭﺎ ﺍﻭﺭ ﻭﮦ ﺟﮩﻨﻢ ﮐﺎ ﻏﺼﮧ ﺗﮭﺎ۔ﯾﮧ ﺩﻭ ﺑﻌﺪﯼ ﺟﮩﻨﻢ ﺍُﻥ ﮐﮯ ﺍﺭﺗﯿﺎﺗﯽ ۔ ﻻ ﺍﺩﺭﯼ ﺍﻭﺭ ﺯﻧﺪﯾﻖ ﺑﯿﭩﮯ ﺟﻮﻥ ﺍﯾﻠﯿﺎ ﮐﮯ ﺣﻖ ﻣﯿﮟ ﺳﮧ ﺑﻌﺪﯼ ﮨﻮ ﮔﯿﺎ ﮨﮯ ﺍﻭﺭ ﻭﮦ ﺍﺱ ﺟﮩﻨﻢ ﮐﮯ ﺩﺭﮎِ ﺍﺳﻔﻞ ﻣﯿﮟ ﺟﻞ ﺭﮨﺎ ﮨﮯ ۔ ﺑﮭﮍﮎ ﺭﮨﺎ ﮨﮯ ۔ ﺩﮨﮏ ﺭﮨﺎ ﮨﮯ ﻣﮕﺮ ﺭﺍﮐﮫ ﻧﮩﯿﮟ ﮨﻮ ﭘﺎﺗﺎ۔
ﺑﺎﺑﺎ ﺍﻣﺮﻭﮨﮯ ﮐﯽ ﻣﺴﻠﻤﺎﻥ ﺍﺷﺮﺍﻓﯿﮧ ﮐﮯ ﺍﻓﺮﺍﺩ ﮐﯽ ﺍﮐﺜﺮﯾﺖ ﮐﮯ ﺑﺮﻋﮑﺲ ﻧﺴﻠﯽ ﺑﺮﺗﺮﯼ ﺍﻭﺭ ﻃﺒﻘﺎﺗﯽ ﺗﻔﺮﯾﻖ ﮐﮯ ﺳﺨﺖ ﻣﺨﺎﻟﻒ ﺗﮭﮯ ۔ ﺍﯾﮏ ﺧﺎﺹ ﺑﺎﺕ ﯾﮧ ﮨﮯ ﮐﮧ ﺍﻥ ﮐﮯ ﯾﮩﺎﮞ ﺫﺍﺗﯽ ﻣﻠﮑﯿﺖ ﮐﺎ ﮐﻮﺋﯽ ﺗﺼﻮﺭ ﻧﮩﯿﮟ ﭘﺎﯾﺎ ﺟﺎﺗﺎ ﺗﮭﺎ ۔ ﻭﮦ ﺍﭘﻨﮯ ﺍﺳﺘﻌﻤﺎﻝ ﮐﯽ ﺑﻨﯿﺎﺩﯼ ﺍﻭﺭ ﻧﺎﮔﺰﯾﺮ ﺍﺷﯿﺎﺀ ﮐﻮ ﺑﮭﯽ ﺫﺍﺗﯽ ﻣﻠﮑﯿﺖ ﻣﯿﮟ ﺷﻤﺎﺭ ﻧﮩﯿﮟ ﮐﺮﺗﮯ ﺗﮭﮯ ، " ﻣﯿﺮﺍ ﺑﺴﺘﺮ ، ﻣﯿﺮﯼ ﭼﺎﺩﺭ، ﻣﯿﺮﺍ ﺗﮑﯿﮧ ، ﻣﯿﺮﺍ ﺑﮑﺲ ، ﻣﯿﺮﯼ ﺍﻟﻤﺎﺭﯼ " ﺍﺱ ﻧﻮﻉ ﮐﮯ ﻣﻔﺎﮨﯿﻢ ﺫﮨﻦ ﻣﯿﮟ ﺭﮐﮭﻨﺎ ﺍﻭﺭ ﺍﻧﮩﯿﮟ ﺯﺑﺎﻥ ﭘﺮ ﻻﻧﺎ ﻭﮦ ﺳﺨﺖ ﻏﯿﺮ ﻣﮩﺬﺏ ﺍﻭﺭ ﻏﯿﺮ ﺷﺮﯾﻒ ﮨﻮﻧﮯ ﮐﯽ ﻋﻼﻣﺖ ﺳﻤﺠﮭﺘﮯ ﺗﮭﮯ ۔ﻣﺬﮐﻮﺭﮦ ﺍﻟﻔﺎﻅ ﮐﮯ ﺑﺮﻋﮑﺲ ﺟﻮ ﺍﻟﻔﺎﻅ ﺍﻧﮑﯽ ﺯﺑﺎﻥ ﺳﮯ ﺗﻘﺮﯾﺒﺎۤ ﺭﻭﺯﺍﻧﮧ ﺳﻨﮯ ﺟﺎﺗﮯ ﺗﮭﮯ ﻭﮦ ﺗﮭﮯ ۔ ﮨﻤﺎﺭﯼ ﺯﻣﯿﻦ، ﮨﻤﺎﺭﺍ ﺷﻤﺴﯽ ﻧﻈﺎﻡ ﺍﻭﺭ ﮨﻤﺎﺭﯼ ﮐﮩﮑﺸﺎﮞ ۔ﻭﮦ ﺳﯿﺎﺳﯽ ﺁﺩﻣﯽ ﻧﮩﯿﮟ ﺗﮭﮯ ، ﺍﯾﮏ ﻋﺎﻟﻢ ﺍﻭﺭ ﺷﺎﻋﺮ ﺗﮭﮯ ۔ ﺍﮔﺮ ﻭﮦ ﺳﯿﺎﺳﯽ ﺁﺩﻣﯽ ﮨﻮﺗﮯ ﺗﻮ ﮐﯿﻤﻮﻧﺴﭧ ﮨﻮﺗﮯ۔
ﻋﻄﺎﺭﺩ ، ﻣﺮﯾﺦ ، ﺯﮨﺮﮦ ﺍﻭﺭ ﻣﺸﺘﺮﯼ ﻭﻏﯿﺮﮦ ﮐﺎ ﮨﻤﺎﺭﮮ ﮔﮭﺮ ﻣﯿﮟ ﺍﺗﻨﺎ ﺫﮐﺮ ﮨﻮﺗﺎ ﺗﮭﺎ ﺟﯿﺴﮯ ﯾﮧ ﺳﯿﺎﺭﮮ ﮨﻤﺎﺭﮮ ﺍﻓﺮﺍﺩِ ﺧﺎﻧﮧ ﻣﯿﮟ ﺷﺎﻣﻞ ﮨﻮﮞ ۔ " ﯾﻮﺭﯼ ﻧﺲ " ﺍﺱ ﺯﻣﺎﻧﮯ ﻣﯿﮟ ﻧﯿﺎ ﻧﯿﺎ ﺩﺭﯾﺎﻓﺖ ﮨﻮﺍ ﺗﮭﺎ ۔ ﺑﺎﺑﺎ ﺍﺱ ﻋﺰﯾﺰ ﺍﻟﻘﺪﺭ ﮐﮯ ﺑﺎﺭﮮ ﻣﯿﮟ ﺍﺗﻨﯽ ﺑﺎﺗﯿﮟ ﮐﺮﺗﮯ ﺗﮭﮯ ﮐﮧ ﺍﻣﺎﮞ ﮐﻮ ﺍﺱ ﺳﮯ ﭼﮍ ﮨﻮ ﮔﺌﯽ ﺗﮭﯽ ۔ ﺑﺎﺑﺎ ﮐﻮ ﺯﻣﯿﻦ ﮐﯽ ﺣﺮﮐﺖ ﮐﮯ ﻣﺴﺌﻠﮯ ﮐﮯ ﺳﻮﺍ ﺯﻣﯿﻦ ﮐﮯ ﮐﺴﯽ ﺑﮭﯽ ﻣﺴﺌﻠﮯ ﺍﻭﺭ ﻣﻌﺎﻣﻠﮯ ﺳﮯ ﮐﻮﺋﯽ ﺳﺮﻭﮐﺎﺭ ﻧﮩﯿﮟ ﺗﮭﺎ۔ ﻣﯿﮟ ﺑﭽﭙﻦ ﻣﯿﮟ ﺑﮯ ﺁﺭﺍﻣﯽ ﮐﮯ ﺳﺎﺗﮫ ﺍﮐﺜﺮ ﯾﮧ ﺳﻮﭼﺎ ﮐﺮﺗﺎ ﺗﮭﺎ ﮐﮧ ﺯﻧﺪﮔﯽ ﮐﮯ ﺑﺎﺭﮮ ﻣﯿﮟ ﺑﺎﺑﺎ ﮐﺎ ﯾﮧ ﺭﻭﯾﮧ ﮨﻤﺎﺭﮮ ﮔﮭﺮ ﮐﻮ ﺗﺒﺎﮦ ﻭ ﺑﺮﺑﺎﺩ ﺗﻮ ﻧﮩﯿﮟ ﮐﺮ ﺩﮮ ﮔﺎ ۔ ﻣﯿﮟ ﺍﻧﺪﺭ ﮨﯽ ﺍﻧﺪﺭ ﭘﯿﭻ ﻭ ﺗﺎﺏ ﮐﮭﺎﺗﺎ ﺭﮨﺘﺎ ﺗﮭﺎ ۔ ﻣﯿﮟ ﻧﮯ ﺳﻠﮩﺎ ﺳﺎﻝ ﺑﻌﺪ ﺍﺳﯽ ﮐﯿﻔﯿﺖ ﻣﯿﮟ ﺑﺎﺑﺎ ﮐﯽ ﺍﯾﮏ ﮨﺠﻮ ﮐﮩﯽ ۔ ﺍﺱ ﮐﺎ ﭘﮩﻼ ﺑﻨﺪ ﻣﺠﮭﮯ ﯾﺎﺩ ﺭﮦ ﮔﯿﺎ؎
ﺯﺑﺎﻥ ﻭ ﺫﮨﻦ ﮐﺎ ﺑﺨﯿﮧ ، ﺯﺩﮦ ﺯﺩﮦ ﺟﺎﻣﮧ
ﭘﮭﭩﯽ ﮨﻮﺋﯽ ﮨﮯ ﺩُﻻﺋﯽ ﺑﻨﮯ ﮨﯿﮟ ﻋﻼﻣﮧ
ﻭﮦ ﻣﺴﺌﻠﮯ ﮨﯿﮟ ﮐﮧ ﻣﻔﮩﻮﻡِ ﺯﻧﺪﮔﯽ ﮔﻢ ﮨﮯ
ﮨﮯ ﮐﺲ ﮐﻮ ﻓﮩﻢ ﮐﺎ ﯾﺎﺭﺍ ﺟﻨﺎﺏِ ﻓﮩﺎﻣﮧ
۔۔۔۔۔۔۔۔۔۔۔۔
ﻣﻮﺳﻢِ ﮔﺮﻣﺎ ﮐﯽ ﺍﯾﮏ ﺳﮧ ﭘﮩﺮ ﺗﮭﯽ، ﻣﯿﺮﮮ ﻟﮍﮐﭙﻦ ﮐﺎ ﺯﻣﺎﻧﮧ ﺗﮭﺎ ۔ ﺑﺎﺑﺎ ﻣﺠﮭﮯ ﺷﻤﺎﻟﯽ ﮐﻤﺮﮮ ﻣﯿﮟ ﻟﮯ ﮔﮱ ۔ ﻧﮧ ﺟﺎﻧﮯ ﮐﯿﻮﮞ ﻭﮦ ﺑﮩﺖ ﺍﺩﺍﺱ ﺗﮭﮯ۔ ﻣﯿﮟ ﺑﮭﯽ ﺍﺩﺍﺱ ﮨﻮ ﮔﯿﺎ ۔ ﻭﮦ ﻣﻐﺮﺑﯽ ﮐﮭﮍﮐﯽ ﮐﮯ ﺑﺮﺍﺑﺮ ﮐﮭﮍﮮ ﮨﻮ ﮐﺮ ﻣﺠﮫ ﺳﮯ ﮐﮩﻨﮯ ﻟﮕﮯ ﮐﮧ ﺗﻢ ﻣﺠﮫ ﺳﮯ ﺍﯾﮏ ﻭﻋﺪﮦ ﮐﺮﻭ۔ ﻣﯿﮟ ﻧﮯ ﭘﻮﭼﮭﺎ ۔ ﺑﺘﺎﯾﮱ ﺑﺎﺑﺎ ! ﮐﯿﺎ ﻭﻋﺪﮦ؟؟
ﺍﻧﮩﻮﮞ ﻧﮯ ﮐﮩﺎ " ﯾﮧ ﮐﮧ ﺗﻢ ﺑﮍﮮ ﮨﻮ ﮐﺮ ﻣﯿﺮﯼ ﮐﺘﺎﺑﯿﮟ ﺿﺮﻭﺭ ﭼﮭﭙﻮﺍﺅ ﮔﮯ "
ﻣﯿﮟ ﻧﮯ ﮐﮩﺎ ﺑﺎﺑﺎ ﻣﯿﮟ ﻭﻋﺪﮦ ﮐﺮﺗﺎ ﮨﻮﮞ ﮐﮧ ﺟﺐ ﺑﮍﺍ ﮨﻮ ﺟﺎﺅﮞ ﺗﻮ ﺁﭖ ﮐﯽ ﮐﺘﺎﺑﯿﮟ ﺿﺮﻭﺭ ﺿﺮﻭﺭ ﭼﮭﭙﻮﺍﺅﮞ ﮔﺎ۔
ﻣﮕﺮ ﻣﯿﮟ ﺑﺎﺑﺎ ﺳﮯ ﮐﯿﺎ ﮨﻮﺍ ﯾﮧ ﻭﻋﺪﮦ ﭘﻮﺭﺍ ﻧﮩﯿﮟ ﮐﺮ ﺳﮑﺎ ۔ ﺍﻭﺭ ﻣﯿﺮﮮ ﺑﺎﺑﺎ ﮐﯽ ﺗﻘﺮﯾﺒﺎۤ ﺗﺼﻨﯿﻔﺎﺕ ﺿﺎﺋﻊ ﮨﻮ ﮔﺌﯿﮟ ۔ ﺑﺲ ﭼﻨﺪ ﻣﺘﻔﺮﻕ ﻣﺴﻮﺩﮮ ﺭﮦ ﮔﮱ ﮨﯿﮟ ۔ ﯾﮩﯽ ﻣﯿﺮﺍ ﻭﮦ ﺍﺣﺴﺎﺱِ ﺟﺮﻡ ﮨﮯ ﺟﺲ ﮐﮯ ﺳﺒﺐ ﻣﯿﮟ ﺍﭘﻨﮯ ﮐﻼﻡ ﮐﯽ ﺍﺷﺎﻋﺖ ﺳﮯ ﮔﺮﯾﺰﺍﮞ ﮨﯽ ﻧﮩﯿﮟ ﻣﺘﻨﻔﺮ ﺭﮨﺎ ﮨﻮﮞ۔
۔۔۔۔۔۔۔
ﺟﺲ ﻃﺮﺡ ﺑﺎﺑﺎ ﭼﺎﺭ ﺑﮭﺎﺋﯽ ﺗﮭﮯ ، ﺍﺳﯽ ﻃﺮﺡ ﮨﻢ ﺑﮭﯽ ﭼﺎﺭ ﺑﮭﺎﺋﯽ ﺗﮭﮯ ۔ ﺭﺋﯿﺲ ﺍﻣﺮﻭﮨﻮﯼ ، ﺳﯿﺪ ﻣﺤﻤﺪ ﺗﻘﯽ ، ﺳﯿﺪ ﻣﺤﻤﺪ ﻋﺒﺎﺱ ﺍﻭﺭ ﻣﯿﮟ ﺑﮍﮮ ﺑﮭﺎﺋﯽ ﮨﻤﺎﺭﮮ ﺑﺎﺑﺎ ﺍﻭﺭ ﺍﻣﺎﮞ ﮐﯽ ﭘﮭﻠﻮﺍﺭﯼ ﮐﺎ ﺳﺐ ﺳﮯ ﺑﮍﺍ ﺍﻭﺭ ﺳﺐ ﺳﮯ ﺧﻮﺵ ﺭﻧﮓ ﭘﮭﻮﻝ ﺗﮭﮯ ۔ ﻭﮦ ﭘﮭﻮﻝ ﮔﻮﻟﯽ ﮐﺎ ﻧﺸﺎﻧﮧ ﺑﻨﺎ ﺩﯾﺎ ﮔﯿﺎ۔ ﻗﺎﺗﻞ ﺷﺎﯾﺪ ﺍﻥ ﮐﺎ ﻣﺮﺗﺒﮧ ﺷﻨﺎﺱ ﺗﮭﺎ ﺍﺳﯽ ﻟﯿﮯ ﺍُﺱ ﻧﮯ ﺍﻥ ﮐﮯ ﺩﻣﺎﻍ ﮐﺎ ﺍﭘﻨﺎ ﮨﺪﻑ ﻗﺮﺍﺭ ﺩﯾﺎ ۔ ﺑﮭﺎﺋﯽ ﺩﻣﺎﻍ ﮨﯽ ﺗﻮ ﺗﮭﮯ ﺍﻭﺭ ﮐﯿﺎ ﺗﮭﮯ۔
ﻣﯿﺮﮮ ﺑﭽﭙﻦ ﺍﻭﺭ ﻟﮍﮐﭙﻦ ﮐﮯ ﺯﻣﺎﻧﮯ ﻣﯿﮟ ﺑﮭﺎﺋﯽ ﮐﯽ ﺷﺎﻋﺮﯼ ﻋﺮﻭﺝ ﭘﺮ ﺗﮭﯽ ۔ ﻭﮦ ﺭﻭﺣﺎﻧﯽ ﺍﻭﺭ ﺍﻧﻘﻼﺑﯽ ﻧﻈﻤﯿﮟ ﮐﮩﺎ ﮐﺮﺗﮯ ﺗﮭﮯ۔ ﻭﮦ ﺷﺎﻋﺮﯼ ﮐﺎ ﺍﯾﮏ ﭨﮭﺎﭨﮭﯿﮟ ﻣﺎﺭﺗﺎ ﮨﻮﺍ ﺳﻤﻨﺪﺭ ﺗﮭﮯ ۔ ﺍﻧﮩﯿﮟ ﻏﯿﺮ ﻣﻌﻤﻮﻟﯽ ﺫﮨﯿﻦ ﺍﻭﺭ ﺣﺴﯿﻦ ﮐﮩﮧ ﮐﺮ ﮐﭽﮫ ﺍﯾﺴﺎ ﻣﺤﺴﻮﺱ ﮨﻮﺗﺎ ﺗﮭﺎ ﺟﯿﺴﮯ ﺍﻥ ﮐﮯ ﺑﺎﺭﮮ ﻣﯿﮟ ﮐﭽﮫ ﻧﮧ ﮐﮩﺎ ﮔﯿﺎ ﮨﻮ ۔ ﺟﺐ ﻭﮦ ﻋﺮﻓﯽؔ ﮐﮯ ﺣﺴﻦ ﺍﻭﺭ ﺍﺱ ﮐﯽ ﻗﺎﺩﺭ ﺍﻟﮑﻼﻣﯽ ﮐﺎ ﺫﮐﺮ ﮐﺮﺗﮯ ﺗﮭﮯ ﺗﻮ ﻣﺠﮭﮯ ﺍﯾﺴﺎ ﻣﺤﺴﻮﺱ ﮨﻮﺗﺎ ﺟﯿﺴﮯ ﺧﻮﺩ ﻋﺮﻓﯽؔ ﺍﭘﻨﺎ ﺫﮐﺮ ﮐﺮ ﺭﮨﺎ ﮨﻮ۔
ﻣﻨﺠﮭﻠﮯ ﺑﮭﺎﯾﺊ ﺳﯿﺪ ﻣﺤﻤﺪ ﺗﻘﯽ ﺑﮭﯽ ﺍُﺳﯽ ﺯﻣﺎﻧﮯ ﻣﯿﮟ ﺷﺎﻋﺮﯼ ﮐﺮﺗﮯ ﺗﮭﮯ ﻟﯿﮑﻦ ﺍﻥ ﮐﺎ ﺍﺻﻞ ﻣﯿﺪﺍﻥ ﻓﻠﺴﻔﮧ ﺗﮭﺎ ۔ ﻣﯿﮟ ﻧﮯ ﺍﻥ ﺳﮯ ﺯﯾﺎﺩﮦ ﻣﻄﺎﻟﻌﮧ ﮐﺮﻧﮯ ﻭﺍﻻ ﺁﺩﻣﯽ ﺁﺝ ﺗﮏ ﻧﮩﯿﮟ ﺩﯾﮑﮭﺎ ۔ ﻭﮦ ﺍﯾﮏ ﻣﺘﺠﺮ ﻋﺎﻟﻢ ﮨﯿﮟ ۔ ﻣﯿﺮﮮ ﯾﮧ ﺩﻭﻧﻮﮞ ﺑﮭﺎﺋﯽ ﺍﺱ ﺯﻣﺎﻧﮯ ﻣﯿﮟ ﻭﻃﻦ ﭘﺮﺳﺖ ﮐﯿﻤﻮﻧﺴﭧ ﺗﮭﮯ ﺍﻭﺭ ﮐﮭﺪﺭ ﮐﮯ ﮐﭙﮍﮮ ﭘﮩﻨﺘﮯ ﺗﮭﮯ ۔ ﺍﮔﺮ ﻣﯿﮟ ﺑﮭﯽ ﺍﺱ ﻭﻗﺖ ﺳﻦِ ﺑﻠﻮﻍ ﮐﻮ ﭘﮩﻨﭻ ﮔﯿﺎ ﮨﻮﺗﺎ ﺗﻮ ﻭﻃﻦ ﭘﺮﺳﺖ ﮐﯿﻤﻮﻧﺴﭧ ﮨﻮﺗﺎ ۔ ﻣﯿﺮﮮ ﺳﻨﺠﮭﻠﮯ ﺑﮭﺎﺋﯽ ﺳﯿﺪ ﻣﺤﻤﺪ ﻋﺒﺎﺱ ﺑﻢ ﺑﻨﺎﻧﮯ ﮐﯽ ﺗﺮﮐﯿﺐ ﺳﯿﮑﮭﻨﮯ ﮐﮯ ﻟﯽ ﺑﮯ ﺗﺎﺏ ﺭﮨﺎ ﮐﺮﺗﮯ ﺗﮭﮯ ﺗﺎ ﮐﮧ ﺳﺮﮐﺎﺭﯼ ﻋﻤﺎﺭﺗﯿﮟ ﺑﻢ ﺳﮯ ﺍﮌﺍ ﺳﮑﯿﮟ۔ﻭﮦ ﻣﺠﮭﮯ ﮨﻨﺪﻭﺳﺘﺎﻧﯽ ﺍﻧﻘﻼﺑﯿﻮﮞ ﮐﮯ ﻗﺼﮯ ﺳﻨﯿﺎﯾﺎ ﮐﺮﺗﮯ ﺗﮭﮯ ۔ ﻣﺠﮭﮯ ﺍﻧﮕﺮﯾﺰ ﺳﺎﻣﺮﺍﺝ ﺳﮯ ﻧﻔﺮﺕ ﺩﻻﻧﮯ ﻣﯿﮟ ﺳﺐ ﺳﮯ ﺍﮨﻢ ﮐﺮﺩﺍﺭ ﺍﻧﮩﻮﮞ ﻧﮯ ﮨﯽ ﺍﺩﺍ ﮐﯿﺎ ۔ ﻣﯿﮟ ﻧﮯ ﺍﭘﻨﮯ ﺑﮭﺎﺋﯿﻮﮞ ﺳﮯ ﺟﺘﻨﺎ ﺳﯿﮑﮭﺎ ﮨﮯ ، ﺍﺱ ﮐﺎ ﺷﺎﯾﺪ ﮨﯽ ﮐﺴﯽ ﮐﻮ ﺍﻧﺪﺍﺯﮦ ﮨﻮ۔
ﻣﯿﺮﯼ ﻋﻤﺮ ﮐﺎ ﺁﭨﮭﻮﺍﮞ ﺳﺎﻝ ﻣﯿﺮﯼ ﺯﻧﺪﮔﯽ ﮐﺎ ﺳﺐ ﺳﮯ ﺯﯾﺎﺩﮦ ﺍﮨﻢ ﺍﻭﺭ ﻣﺎﺟﺮﺍ ﭘﺮﻭﺭ ﺳﺎﻝ ﺗﮭﺎ ۔ ﺍﺱ ﺳﺎﻝ ﻣﯿﺮﯼ ﺯﻧﺪﮔﯽ ﮐﮯ ﺩﻭ ﺳﺐ ﺳﮯ ﺍﮨﻢ ﺣﺎﺩﺛﮯ ﭘﯿﺶ ﺁﮰ ۔ ﭘﮩﻼ ﺣﺎﺩﺛﮧ ﯾﮧ ﺗﮭﺎ ﮐﮧ ﻣﯿﮟ ﺍﭘﻨﯽ ﻧﺮﮔﺴﯽ ﺍﻧﺎ ﮐﯽ ﭘﮩﻠﯽ ﺷﮑﺴﺖ ﺳﮯ ﺩﻭ ﭼﺎﺭ ﮨﻮﺍ ، ﯾﻌﻨﯽ ﺍﯾﮏ ﻗﺘﺎﻟﮧ ﻟﮍﮐﯽ ﮐﯽ ﻣﺤﺒﺖ ﻣﯿﮟ ﮔﺮﻓﺘﺎﺭ ﮨﻮﺍ ۔ ﺩﻭﺳﺮﺍ ﺣﺎﺩﺛﮧ ﯾﮧ ﺗﮭﺎ ﮐﮧ ﻣﯿﮟ ﻧﮯ ﭘﮩﻼ ﺷﻌﺮ ﮐﮩﺎ؎
ﭼﺎﮦ ﻣﯿﮟ ﺍﺱ ﮐﯽ ﻃﻤﺎﻧﭽﮯ ﮐﮭﺎﮰ ﮨﯿﮟ
ﺩﯾﮑﮫ ﻟﻮ ﺳُﺮﺧﯽ ﻣﺮﮮ ﺭﺧﺴﺎﺭ ﮐﯽ
ﺟﺲ ﺩﻥ ﭘﮩﻼ ﺣﺎﺩﺛﮧ ﭘﯿﺶ ﺁﯾﺎ ﺗﮭﺎ ، ﻭﮦ ﺩﻥ ﻧﮧ ﮨﻔﺘﮯ ﮐﮯ ﺩﻧﻮﮞ ﻣﯿﮟ ﺳﮯ ﮐﻮﺋﯽ ﺍﯾﮏ ﺩﻥ ﺗﮭﺎ ﺍﻭﺭ ﻧﮧ ﻣﮩﯿﻨﻮﮞ ﮐﮯ ﺩﻧﻮﮞ ﻣﯿﮟ ﺳﮯ ﮐﻮﺋﯽ ﺍﯾﮏ ﺩﻥ ۔ ﻭﮦ ﺩﻥ ﺗﻮ ﺳﺎﻝ ﮐﮯ ﺗﯿﺲ ﺳﻮ ﭘﯿﻨﺴﭩﮫ ﺩﻧﻮﮞ ﮐﮯ ﻋﻼﻭﮦ ﮨﯽ ﮐﻮﺋﯽ ﺩﻥ ﺗﮭﺎ۔۔ﻭﮦ ﺗﺎﺭﯾﺦ ﺍﻭﺭ ﺗﻘﻮﯾﻢ ﮐﺎ ﮐﻮﺋﯽ ﺩﻥ ﻧﮩﯿﮟ ﺗﮭﺎ ۔ ﺑﻠﮑﮧ ﺯﻣﺎﻥِ ﻣﻄﻠﻖ ﯾﺎ ﺩﮨﺮ ﮐﺎ ﮐﻮﺋﯽ ﺩﻥ ﺗﮭﺎ۔۔۔۔۔۔۔
ﺍﮔﺮ ﺯﻣﺎﻥِ ﻣﻄﻠﻖ ﯾﺎ ﺩﮨﺮ ﮐﺎ ﮐﻮﯾﺊ ﺩﻥ ﻓﺮﺽ ﮐﯿﺎ ﺟﺎ ﺳﮑﺘﺎ ﮨﻮ ﺗﻮ ۔۔۔۔۔ ﻣﯿﮟ ﻧﮯ ﺍﻇﮩﺎﺭِ ﻣﺤﺒﺖ ﮐﺎ ﺟﻮ ﻃﺮﯾﻘﮧ ﺗﮭﺎ ﻭﮦ ﺍﻧﺘﮩﺎﺋﯽ ﻋﺠﯿﺐ ﻭ ﻏﺮﯾﺐ ﺗﮭﺎ ۔ ﻭﮦ ﻃﺮﯾﻘﮧ ﯾﮧ ﺗﮭﺎ ﮐﮧ ﺍﮔﺮ ﻭﮦ ﺳﺎﻣﻨﮯ ﺳﮯ ﺁ ﺭﮨﯽ ﮨﻮﺗﯽ ﺗﻮ ﻣﯿﮟ ﺍﺱ ﮐﯽ ﻃﺮﻑ ﻣﻨﮧ ﭘﮭﯿﺮ ﻟﯿﺘﺎ ۔ ﺍﺱ ﮐﺎ ﻣﻄﻠﺐ ﯾﮧ ﺗﮭﺎ ﮐﮧ ﺍﮮ ﻟﮍﮐﯽ، ﻣﯿﮟ ﺗﻢ ﺳﮯ ﻣﺤﺒﺖ ﮐﺮﺗﺎ ﮨﻮﮞ، ﺍﺻﻞ ﺑﺎﺕ ﯾﮧ ﮨﮯ ﮐﮧ ﻣﯿﮟ ﺍﻇﮩﺎﺭِ ﻣﺤﺒﺖ ﮐﻮ ﺍﻧﺘﮩﺎﺋﯽ ﺫﻟﯿﻞ ﮐﺎﻡ ﺳﻤﺠﮭﺘﺎ ﺗﮭﺎ ﺍﻭﺭ ﺍﭘﻨﮯ ﺍﭼﮭﮯ ﺩﻧﻮﮞ ﻣﯿﮟ ، ﻣﯿﮟ ﻧﮯ ﯾﮧ ﺫﻟﯿﻞ ﮐﺎﻡ ﮐﺒﮭﯽ ﻧﮩﯿﮟ ﮐﯿﺎ ۔
ﭘﻠﻮﭨﯿﻨﺲ ﻧﮯ ﺍﯾﮏ ﺟﮕﮧ ﻟﮑﮭﺎ ﮨﮯ : ﻣﺠﮭﮯ ﺍﺱ ﺑﺎﺕ ﭘﺮ ﺑﮩﺖ ﻧﺪﺍﻣﺖ ﮨﮯ ﮐﮧ ﻣﯿﮟ ﺟﺴﻢ ﻣﯿﮟ ﮨﻮ ﮐﺮ ﭘﺎﯾﺎ ﺟﺎﺗﺎ ﮨﻮﮞ ۔۔ ﻣﯿﮟ ﺑﮭﯽ ﺍُﺱ ﺯﻣﺎﻧﮯ ﻣﯿﮟ ﺍﺳﯽ ﺍﺣﻤﻘﺎﻧﮧ ﺍﻧﺪﺍﺯ ﻣﯿﮟ ﺳﻮﭼﺎ ﮐﺮﺗﺎ ﺗﮭﺎ ۔ ﻣﯿﮟ ﻧﮯ ﺍﭘﻨﯽ ﺍﻓﻼﻃﻮﻧﯽ ﻣﺤﺒﺖ ﮐﯽ ﺟﻮ ﮨﯿﮑﻞ ﺗﻌﻤﯿﺮ ﮐﯽ ﺗﮭﯽ، ﺍﺱ ﻣﯿﮟ ﮨﺮ ﻃﺮﻑ ﻟﻮﺑﺎﻥ ﺍﻭﺭ ﺩﻭﺳﺮﮮ ﺑﺨﻮﺭﺍﺕ ﮐﯽ ﺧﻮﺷﺒﻮ ﻣﮩﮑﺘﯽ ﺭﮨﺘﯽ ﺗﮭﯽ ۔
ﺍﯾﮏ ﺩﻥ ﮐﺎ ﺫﮐﺮ ﮨﮯ ﻭﮦ ﻟﮍﮐﯽ ﮨﻤﺎﺭﮮ ﮔﮭﺮ ﺁﺋﯽ ۔ ﻣﯿﮟ ﺍُﺱ ﻭﻗﺖ ﮐﮭﺎﻧﺎ ﮐﮭﺎ ﺭﮨﺎ ﺗﮭﺎ ۔ ﻣﯿﮟ ﻧﮯ ﺍﺳﮯ ﺩﯾﮑﮭﺘﮯ ﮨﯽ ﻓﻮﺭﺍۤ ﻧﮕﻞ ﻟﯿﺎ ، ﻣﺤﺒﻮﺑﮧ ﮐﮯ ﺳﺎﻣﻨﮯ ﻟﻘﻤﮧ ﭼﺒﺎﻧﮯ ﮐﺎ ﻋﻤﻞ ﻣﺠﮭﮯ ﺍﻧﺘﮩﺎﺋﯽ ﻧﺎﺷﺎﺋﺴﺘﮧ ، ﻏﯿﺮ ﺟﻤﺎﻟﯿﺎﺗﯽ ﺍﻭﺭ ﺑﯿﮩﻮﺩﮦ ﻣﺤﺴﻮﺱ ﮨﻮﺍ ﺗﮭﺎ ۔ ﻣﯿﮟ ﺍﮐﺜﺮ ﯾﮧ ﺳﻮﭺ ﮐﺮ ﺷﺮﻣﻨﺪﮦ ﮨﻮ ﺟﺎﯾﺎ ﮐﺮﺗﺎ ﺗﮭﺎ ﮐﮧ ﻭﮦ ﻣﺠﮭﮯ ﺩﯾﮑﮫ ﮐﺮ ﮐﺒﮭﯽ ﮐﺒﮭﯽ ﺳﻮﭼﺘﯽ ﮨﻮ ﮔﯽ ﮐﮧ ﻣﯿﺮﮮ ﺟﺴﻢ ﻣﯿﮟ، ﻣﺠﮫ ﺍﯾﺴﮯ ﻟﻄﯿﻒ ﻟﮍﮐﮯ ﮐﮯ ﺟﺴﻢ ﻣﯿﮟ ﺑﮭﯽ ﻣﻌﺪﮮ ﺟﯿﺴﯽ ﮐﺜﯿﻒ ﺍﻭﺭ ﻏﯿﺮ ﺭﻭﻣﺎﻧﯽ ﭼﯿﺰ ﭘﺎﺋﯽ ﺟﺎﺗﯽ ﮨﮯ۔ ﺍﮔﺮﺁﭖ ﺗﺎﺭﯾﺦ ﮐﮯ ﮐﺴﯽ ﮨﯿﺮﻭ ﮐﺎ ﯾﺎ ﮐﺴﯽ ﺩﯾﻮﯼ ﮐﺎ ﻣﺠﺴﻤﮧ ﺩﯾﮑﮫ ﮐﺮ ﯾﮧ ﺳﻮﭼﯿﮟ ﮐﮧ ﺯﻧﺪﮔﯽ ﻣﯿﮟ ﺍﺱ ﺷﺨﺼﯿﺖ ﮐﮯ ﺟﺴﻢ ﻣﯿﮟ ﻣﻌﺪﮦ ﺑﮭﯽ ﮨﻮ ﮔﺎ ﺍﻭﺭ ﺍﻧﺘﮍﯾﺎﮞ ﺑﮭﯽ ﺗﻮ ﺁﭖ ﮐﮯ ﺫﮨﻦ ﮐﻮ ﺩﮬﭽﮑﺎ ﻟﮕﮯ ﮔﺎ ﮐﮧ ﻧﮩﯿﮟ ؟
ﻣﯿﮟ ﻧﮯ ﺍﺱ ﺯﻣﺎﻧﮯ ﻣﯿﮟ ﺍﭘﻨﮯ ﮔﮭﺮ ﻣﯿﮟ ﻧﮧ ﺟﺎﻧﮯ ﮐﺲ ﺳﮯ ﮐﭽﮫ ﺍﺷﻌﺎﺭ ﺳﻨﮯ ﺗﮭﮯ ۔ ﺍﻥ ﺍﺷﻌﺎﺭ ﻧﮯ ﻣﯿﺮﮮ ﭘﻮﺭﮮ ﻋﮩﺪ ﻧﻮﺟﻮﺍﻧﯽ ﻣﯿﮟ ﺍﯾﮏ ﻣﻮﺛﺮ ﻣﮕﺮ ﺳﺨﺖ ﻣﻨﻔﯽ ﮐﺮﺩﺍﺭ ﺍﺩﺍ ﮐﯿﺎ ﺍﻭﺭ ﻣﺠﮯ ﮐﺌﯽ ﺑﺮﺱ ﺗﮏ ﮐﮯ ﻟﯿﮯ ﺭﺍﮦ ﺳﮯ ﺑﮯ ﺭﺍﮦ ﺭﮐﮭﺎ ، ﻭﮦ ﺍﺷﻌﺎﺭ ﯾﮧ ﺗﮭﮯ :
ﻣﯿﺮﺍ ﻣﺮﻧﺎ ﺍﻥ ﮐﮯ ﮔﮭﺮ ﺷﺎﺩﯼ ﮨﻮﺋﯽ
ﺧﻮﻥ ﮐﮯ ﭼﮭﺎﭘﮯ ﻟﮕﮯ ﺩﯾﻮﺍﺭ ﭘﺮ
ﻣﺮﺗﮯ ﺩﻡ ﺗﮏ ﺭﺳﺎؔ ﺭﮨﺎ ﺧﺎﻣﻮﺵ
ﺟﺎﮞ ﮔﺌﯽ ﺭﺍﺯ ﺩﺍﺭﯾﺎﮞ ﻧﮧ ﮔﺌﯿﮟ
ﮨﻢ ﺍﻥ ﺳﮯ ﻧﺰﻉ ﻣﯿﮟ ﮐﭽﮫ ﻣﻨﻔﻌﻞ ﮨﯿﮟ
ﭘﺴﯿﻨﮧ ﻣﻮﺕ ﮐﺎ ﮐﯿﺴﺎ ﺟﺒﯿﮟ ﭘﺮ
ﺗﮭﻮﮐﺘﺎ ﮨﻮﮞ ﺟﻮ ﻟﮩﻮ ، ﭘﻮﮮ ﺣﻨﺎ ﺁﺗﯽ ﮨﮯ
ﺟﺲ ﭘﮧ ﻣﮩﻨﺪﯼ ﺗﺮﯼ ﭘﺴﺘﯽ ﺗﮭﯽ ﻭﮨﯽ ﺳﻞ ﮨﮯ ﻣﺠﮭﮯ
ﺍﻥ ﺍﺷﻌﺎﺭ ﻣﯿﮟ ﻋﺎﺷﻖ ﺍﯾﮏ ﺍﯾﺴﺎ ﻧﻮﺟﻮﺍﻥ ﻧﻈﺮ ﺁﺗﺎ ﮨﮯ ﺟﺲ ﻧﮯ ﺗﭗ ﺩﻕ ﻣﯿﮟ ﺧﻮﻧﻦ ﺗﮭﻮﮎ ﮐﺮ ﺟﺎﻥ ﺩﯼ ﮨﻮ۔ ﻣﺠﮭﮯ ﺗﭗ ﺩﻕ ﮐﯽ ﺑﯿﻤﺎﺭﯼ ﺑﮩﺖ ﺟﻤﺎﻟﯿﺎﺗﯽ، ﺷﺎﻋﺮﺍﻧﮧ ، ﮨﯿﺮﻭﺍﻧﮧ ﺍﻭﺭ ﺍﻧﻘﻼﺑﯽ ﻣﺤﺴﻮﺱ ﮨﻮﺗﯽ ﺗﮭﯽ ۔ ﻋﺎﻡ ﻃﻮﺭ ﭘﺮ ﺫﮨﯿﻦ ﺍﻭﺭ ﻣﻔﮑﺮ ﻗﺴﻢ ﮐﮯ ﺍﻧﻘﻼﺑﯽ ﻧﻮﺟﻮﺍﻥ ﺍﭘﻨﯽ ﺷﺪﺕِ ﺍﺣﺴﺎﺱ ﺍﻭﺭ ﺑﮯ ﺑﻨﺪ ﺑﺎﺭ ﺯﻧﺪﮔﯽ ﮐﮯ ﻧﺘﯿﺠﮯ ﻣﯿﮟ ﺍﭘﻨﯽ ﺻﺤﺖ ﮨﺎﺭ ﺟﺎﺗﮯ ﺗﮭﮯ ﺍﻭﺭ ﺗﭗ ﺩﻕ ﻣﯿﮟ ﻣﺒﺘﻼ ﮨﻮ ﺟﺎﺗﮯ ﺗﮭﮯ ۔ ﻭﮦ ﺯﻣﺎﻧﮧ ﺗﺼﻮﺭﯾﺖ ﭘﺴﻨﺪﯼ ﮐﺎ ﺯﻣﺎﻧﮧ ﺗﮭﺎ ، ﺟﺲ ﮐﮯ ﺳﺤﺮ ﻣﯿﮟ ﺫﮨﯿﻦ ﻧﻮﺟﻮﺍﻥ ﮨﯽ ﻧﮩﯿﮟ ﻣﻦ ﭼﻠﯽ ﻟﮍﮐﯿﺎﮞ ﺑﮭﯽ ﻣﺒﺘﻼ ﺭﮨﺘﯽ ﺗﮭﯿﮟ ۔ ﺍﺱ ﺯﻣﺎﻧﮯ ﻣﯿﮟ ﺑﺎﻏﯽ ﺍﻭﺭ ﺍﻧﻘﻼﺑﯽ ﻧﻮﺟﻮﺍﻥ ﻟﮍﮐﯿﻮﮞ ﮐﮯ ﮨﯿﺮﻭ ﮨﻮﺗﮯ ﺗﮭﮯ ، ﯾﮧ ﻧﻮﺟﻮﺍﻥ ﮐﮭﺪﺭ ﮐﺎ ﭘﺎﺟﺎﻣﮧ ، ﮐﮭﺪﺭ ﮐﺎ ﮐﺮﺗﺎ ﺍﻭﺭ ﭼﭙﻞ ﭘﮩﻨﺘﮯ ﺗﮭﮯ۔ﺍﻥ ﮐﮯ ﺑﺎﻝ ﺑﮍﮮ ﺑﮍﮮ ﺍﻭﺭ ﺍﻟﺠﮭﮯ ﮨﻮﮰ ﮨﻮﺗﮯ ﺗﮭﮯ۔
ﺗﭗ ﺩﻕ ﮐﯽ " ﺍﻧﻘﻼﺑﯽ ﺑﯿﻤﺎﺭﯼ " ﺟﻮﺍﮞ ﻣﺮﮔﯽ ﮐﯽ ﺍﯾﮏ ﺟﺎﮞ ﭘﺮﻭﺭ ﺿﻤﺎﻧﺖ ﺗﮭﯽ ۔ ﻣﯿﺮﺍ ﺧﯿﺎﻝ ﯾﮧ ﺗﮭﺎ ﮐﮧ ﺻﺮﻑ ﺩﺍﺋﯿﮟ ﺑﺎﺯﻭ ﮐﮯ ﮐﻨﮕﺮﯾﺴﯽ ، ﻣﺴﻠﻢ ﻟﯿﮕﯽ ، ﺍﺣﺮﺍﺭﯼ ﺍﻭﺭ ﺧﺎﮐﺴﺎﺭ ﻧﻮﺟﻮﺍﻥ ﮨﯽ ﻃﺒﻌﯽ ﻋﻤﺮ ﮐﻮ ﭘﮩﻨﭻ ﮐﺮ ﻭﻓﺎﺕ ﭘﺎﻧﮯ ﮐﯽ ﺫﻟﺖ ﺑﺮﺩﺍﺷﺖ ﮐﺮ ﺳﮑﺘﮯ ﮨﯿﮟ ۔ ﮐﻮﺋﯽ ﺍﻧﻘﻼﺑﯽ ﻧﻮﺟﻮﺍﻥ ﯾﮧ ﺫﻟﺖ ﺑﺮﺩﺍﺷﺖ ﻧﮩﯿﮟ ﮐﺮ ﺳﮑﺘﺎ ۔ ﻣﺠﮫ ﺟﻮﺍﮞ ﻣﺮﮔﯽ ﻣﯿﮟ ﺍﯾﮏ ﻋﺠﺐ ﻣﺮﻣﻮﺯ ﺍﻭﺭ ﻣﺤﺰﻭﮞ ﺣﺴﻦ ﻣﺤﺴﻮﺱ ﮨﻮﺗﺎ ﺗﮭﺎ ۔ ﺑﺎﺕ ﯾﮧ ﮨﮯ ﮐﮧ ﮨﻤﺎﺭﮮ ﯾﮩﺎﮞ ﻋﺮﻓﯽؔ ﮐﮯ ﺣﺴﻦ ﺍﺱ ﮐﯽ ﻗﺎﺩﺭ ﺍﻟﮑﻼﻣﯽ ﺍﻭﺭ ﺟﻮﺍﮞ ﻣﺮﮔﯽ ﮐﺎ ﺑﮩﺖ ﺫﮐﺮ ﮨﻮﺍ ﮐﺮﺗﺎ ﺗﮭﺎ ۔ ﺍﻥ ﺗﯿﻨﻮﮞ ﭼﯿﺰﻭﮞ ﻧﮯ ﻣﻞ ﮐﺮ ﻣﯿﺮﯼ ﻧﻈﺮ ﻣﯿﮟ ﻋﺮﻓﯽ ﮐﻮ ﺟﻤﺎﻝ ﻭ ﮐﻤﺎﻝ ﮐﺎ ﺍﯾﮏ ﺑﮯ ﻣﺜﺎﺍﻝ ﻣﻈﮩﺮ ﺑﻨﺎ ﺩﯾﺎ ﺗﮭﺎ ۔ ﻣﯿﮟ ﺑﮭﯽ ﺍُﺱ ﺯﻣﺎﻧﮯ ﻣﯿﮟ ﺟﻮﺍﮞ ﻣﺮﮔﯽ ﮐﯽ ﺷﺪﯾﺪ ﺁﺭﺯﻭ ﺭﮐﮭﺘﺎ ﺗﮭﺎ ۔ ﻣﯿﺮﯼ ﯾﮧ ﺁﺭﺯﻭ ﺗﻮ ﭘﻮﺭﯼ ﻧﮩﯿﮟ ﮨﻮ ﺳﮑﯽ ﻣﮕﺮ ﺣﺴﻦِ ﺍﺗﻔﺎﻕ ﺳﮯ ﭘﺎﮐﺴﺘﺎﻥ ﺁﻧﮯ ﮐﮯ ﺑﻌﺪ ﻣﺠﮭﮯ ﺗﭗ ﺩﻕ ﻣﯿﮟ ﻣﺒﺘﻼ ﮨﻮﻧﮯ ﮐﯽ ﻟﺬﺕ ﻧﺼﯿﺐ ﮨﻮﺋﯽ۔
1943
ﺀ ﻣﯿﮟ ﻣﯿﺮﯼ ﻋﻤﺮ ﺑﺎﺭﮦ ﺑﺮﺱ ﺗﮭﯽ ۔ ﻣﯿﮟ ﺍﺱ ﺯﻣﺎﻧﮯ ﻣﯿﮟ ﮐﺒﮭﯽ ﺷﻌﺮ ﮐﮩﺘﺎ ﺗﮭﺎ ، ﮐﺒﮭﯽ ﺟﺒﺮﺍﻥ ﺧﻠﯿﻞ ﮐﮯ ﻧﺎﺑﺎﻟﻎ ﺭﺯِ ﺍﺣﺴﺎﺳﻮ ﺧﯿﺎﻝ ﻣﯿﮟ ﺍﭘﻨﯽ ﺍﯾﮏ ﺧﯿﺎﻟﮧ ﻣﺤﺒﻮﺑﮧ ﺻﻮﻓﯿﮧ ﮐﮯ ﻧﺎﻡ ﺧﻂ ﻟﮑﮭﺎ ﮐﺮﺗﺎ ﺗﮭﺎ ، ﻭﮦ ﺧﻂ ﻣﯿﺮﯼ ﺑﯿﺎﺽ ﻣﯿﮟ ﻣﺤﻔﻮﻅ ﮨﻮﺗﮯ ﺭﮨﺘﮯ ﺗﮭﮯ ، ﻣﯿﮟ ﺍﻥ ﺧﻄﻮﮞ ﻣﯿﮟ ﺍﭘﻨﯽ ﺍﻓﻼﻃﻮﻧﯽ ﻣﮕﺮ ﻧﺮﮔﺴﯽ ﻣﺤﺒﺖ ﮐﮯ ﺍﻇﮩﺎﺭ ﮐﮯ ﺳﺎﺗﮫ ﺧﺎﺹ ﻃﻮﺭ ﭘﺮ ﺟﻮ ﺑﺎﺕ ﺑﺎﺭ ﺑﺎﺭ ﻟﮑﮭﺘﺎ ﺗﮭﺎ ، ﻭﮦ ﯾﮧ ﺗﮭﯽ ﮐﮧ ﮨﻤﯿﮟ ﺍﻧﮕﺮﯾﺰﻭﮞ ﮐﻮ ﮨﻨﺪﻭﺳﺘﺎﻥ ﺳﮯ ﻧﮑﺎﻟﻨﮯ ﮐﮯ ﻟﯿﮯ ﮐﭽﮫ ﮐﺮﻧﺎ ﭼﺎﮨﯿﮱ ۔ ﻣﯿﺮﺍ ﺧﯿﺎﻝ ﺗﮭﺎ ﮐﮧ ﻣﯿﺮﮮ ﮨﺮ ﻭﻗﺖ ﮐﮯ ﺍﺷﺘﻌﺎﻝ ، ﻣﯿﺮﯼ ﺗﻠﺦ ﻣﺰﺍﺟﯽ ، ﺑﮯ ﺁﺭﺍﻣﯽ ، ﺑﯿﺰﺍﺭﯼ ﺍﻭﺭ ﺩﻝ ﺑﺮﺩﺍﺷﺘﮕﯽ ﮐﺎ ﺍﯾﮏ ﺍﮨﻢ ﺳﺒﺐ ﺍﻧﮕﺮﯾﺰ ﺳﺎﻣﺮﺍﺝ ﮐﯽ ﻏﻼﻣﯽ ﮨﮯ۔
ﻣﺠﮭﮯ ﺍﻥ ﺧﻄﻮﮞ ﻣﯿﮟ ﺳﮯ ﺍﯾﮏ ﺧﻂ ﮐﺎ ﺩﮬﻨﺪﻻ ﺳﺎ ﻣﻔﮩﻮﻡ ﺍﺏ ﺑﮭﯽ ﯾﺎﺩ ﮨﮯ ۔ ﯾﮩﺎؐ ﻣﯿﮟ ﺍﺱ ﺧﻂ ﮐﯽ ﻋﺒﺎﺭﺕ ﺍﻭﺭ ﻣﻔﮩﻮﻡ ﮐﻮ ﺍﺱ ﮐﯽ ﺍﺻﻞ ﻋﺒﺎﺗﮯ ﺍﻭﺭ ﺍﺱ ﮐﮯ ﺍﺻﻞ ﻣﻔﮩﻮﻡ ﮐﯽ ﺑﮭﻮﻟﯽ ﺑﺴﺮﯼ ﮨﺌﯿﺖ ﺍﻭﺭ ﻣﻌﻨﻮﯾﺖ ﮐﮯ ﺳﺎﺗﮫ ﭘﯿﺶ ﮐﺮﻧﯽ ﮐﯽ ﮐﻮﺷﺶ ﮐﺮﻭﮞ ﮔﺎ ۔
ﻧﺎﻇﻮﺭﮦﺀ ﻣﻌﻨﯽ ! ﺗﻤﮭﺎﺭﯼ ﭘﯿﺸﺎﻧﯽ ، ﺍﺑﺮﻭﺅﮞ ﺍﻭﺭ ﭘﭙﻮﭨﻮﮞ ﮐﻮ ﮨﺰﺍﺭﻭﮞ ﺷﺒﻨﻤﯽ ﭘﯿﺎﺭ ۔ ﻣﯿﮟ ﻧﮯ ﺍﺱ ﺳﮯ ﭘﮩﻼ ﺧﻂ ﺗﻤﮭﯿﮟ ﺍﺳﮑﻨﺪﺭﯾﮧ ﮐﮯ ﭘﺘﮯ ﭘﺮ ﺍﺭﺳﺎﻝ ﮐﯿﺎ ﺗﮭﺎ ﻟﯿﮑﻦ ﺳﯿﺪﯼ ﺍﯾﻠﯿﺎ ﺍﺑﻮ ﻣﺎﺿﯽ ﻧﮯ ﻣﺠﮭﮯ ﻗﺎﮨﺮﮦ ﺳﮯ ﻟﮑﮭﺎ ﮨﮯ ﮐﮧ ﺗﻤﮭﺎﺭﺍ ﺧﺎﻧﺪﺍﻥ ﻗﺎﮨﺮﮦ ﻣﻨﺘﻘﻞ ﮨﻮ ﮔﯿﺎ ﮨﮯ ۔ ﺍﺏ ﻣﯿﮟ ﯾﮧ ﺧﻂ ﻗﺎﮨﺮﮦ ﮐﮯ ﭘﺘﮯ ﭘﺮ ﻟﮑﮫ ﺭﮨﺎ ﮨﻮﮞ ۔
ﮨﻢ ﮨﻨﺪﯼ ﺍﯾﮏ ﺳﺠﻦ ﻣﯿﮟ ﺯﻧﺪﮔﯽ ﮔﺰﺍﺭ ﺭﮨﮯ ﮨﯿﮟ ۔ ﺍﻓﺮﻧﺠﯽ ﮨﻤﯿﮟ ﮐﺒﮭﯽ ﺁﺯﺍﺩ ﻧﮩﯿﮟ ﮐﺮﯾﮟ ﮔﮯ ۔ ﮨﻢ ﮐﺮﯾﮟ ﺗﻮ ﮐﯿﺎ ﮐﺮﯾﮟ؟ ﺍﻥ ﮐﮯ ﭘﺎﺱ ﻃﯿﺎﺭﮮ ﮨﯿﮟ ، ﺗﻮﭘﯿﮟ ﮨﯿﮟ ، ﭨﯿﻨﮏ ﮨﯿﮟ ۔ ﺳﻤﺠﮫ ﻣﯿﮟ ﻧﮩﯿﮟ ﺁﺗﺎ ﮐﮧ ﮨﻢ ﺍﻧﮩﯿﮟ ﮨﻨﺪﻭﺳﺘﺎﻥ ﺳﮯ ﮐﺲ ﻃﺮﺡ ﻧﮑﺎﻝ ﺑﺎﮨﺮ ﮐﺮ ﺳﮑﯿﮟ ﮔﮯ !
ﻣﯿﮟ ﺩﻭ ﻣﺴﺮﺗﯿﮟ ﺍﯾﮏ ﺳﺎﺗﮫ ﺣﺎﺻﻞ ﮐﺮﻧﺎ ﭼﺎﮨﺘﺎ ﮨﻮﮞ ۔ ﺗﻤﮭﺎﺭﺍ ﺩﯾﺪﺍﺭ ﺍﻭﺭ ﺍﻓﺮﻧﺠﯿﻮﮞ ﮐﺎ ﺍﺩﺑﺎﺭ ۔ ﺗﻢ ﻣﺸﮩﺪِ ﺭﺍﺱ ﺍﺣﺴﯿﻦؑ ﻣﯿﻦ ﺣﺎﺿﺮ ﮨﻮ ﮐﺮ ﺩﻋﺎ ﻣﺎﻧﮕﻮ ﮐﮧ ﮨﻢ ﺍﻭﺭ ﺗﻢ ﺯﻧﺪﮔﯽ ﮐﯽ ﺳﻌﺎﺩﺕ ﻋﻠﯿﺎ ﺣﺎﺻﻞ ﮐﺮ ﺳﮑﯿﮟ ۔ ﺷﺎﯾﺪ ﺗﻤﮭﯿﮟ ﺍﺱ ﺑﺎﺕ ﮐﺎ ﺍﻧﺪﺍﺯﮦ ﮨﻮ ﮔﺎ ﮐﮧ ﻣﯿﮟ ﺗﻤﮭﯿﮟ ﮐﺘﻨﺎ ﯾﺎﺩ ﮐﺮﺗﺎ ﮨﻮﮞ ۔ ﻋﺎﻃﻔﺘﮧ ﺍﻟﺨﻮﺭﯼ ﮐﻮ ﻣﯿﺮﯼ ﺩﻋﺎﺋﯿﮟ ﭘﮩﻨﭽﺎﻧﺎ ﺍﻭﺭ ﺍﭘﻨﮯ ﺑﺎﻟﻮﮞ ﮐﯽ ﮐﻮﺋﯽ ﻟﭧ ﻣﯿﺮﯼ ﻃﺮﻑ ﺳﮯ ﭼﻮﻡ ﻟﯿﻨﺎ ۔
ﺻﻮﻓﯿﮧ ، ﻣﯿﺮﯼ ﺻﻮﻓﯿﮧ ! ﺧﺪﺍ ﺣﺎﻓﻆ
ﺗﻤﮭﺎﺭﺍ ﺟﻮﻥ ﻓﻮﺿﻮﯼ
۔۔۔۔۔۔۔۔۔۔۔۔۔۔۔۔۔۔۔۔
ﺟﻮﻥ ﺍﯾﻠﯿﺎ ﮐﯽ ﮐﺘﺎﺏ ﺗﻼﺵ ﺳﮯ ﺍﻗﺘﺒﺎﺱ
