گمنام فضاؤں میں ترا نام لکھا ہے

[@sif @li]

​

[h=2]منام فضائوں میں[/h]

گمنام فضاؤں میں ترا نام لکھا ہے
خوشبو میں ہواؤں میں ترا نام لکھا ہے​

صحرا میں خلاؤں میں ترا نام لکھا ہے
ہر شہر میں گاؤں میں ترا نام لکھا ہے​

موسوم تجھ ہی سے ہیں یہ موسم یہ نظارے
گھنگھور گھٹاؤں میں ترا نام لکھا ہے​

ہیں تجھ ہی سے منسوب رتیں ساری چمن کی
ہر دھوپ میں چھاؤں میں ترا نام لکھا ہے​

نالوں میں ترے اسم کی دی ہم نے دہائی
خاموش دعاؤں میں ترا نام لکھا ہے​

دنیا کے توسط سے ملی ہے ہمیں دنیا
لیکن ان عطاؤں میں ترا نام لکھا ہے​

تجھ سے ہی عبارت ہے مرے غم کی کہانی
زخموں کی رداؤں میں ترا نام لکھا ہے​

پیاروں کے ترے ناز اٹھاتے ہیں کہ ان کے
نازوں میں اداؤں میں ترا نام لکھا ہے​

جیتا ہے ترے واسطے مرتا ہے تجھی پر
تائبؔ کی وفاؤں میں ترا نام لکھا ہے​

 

[Ghazal_Ka_Chiragh]

Bohot khoob brother likhte rahiye