اب زمانہ ہے بچ بچا کر بات کرنے کا- سانپ مر جائے اور لاٹھی بھی نا ٹوٹے- اب تو لفظ شرمناک استعمال کرتے ہوئے سوچنا پڑتا ہے کہ یہ پارلیمانی ہے یا غیر پارلیمانی- ایک خطرناک دور ہے آپ ہمدردی میں دو بول بھی نہیں بول سکتے ہیں کہ توہین نا ہو جائے- کیا جائز ہے کیا ناجائز کچھ سمجھ نہیں آتی ہے- کوئی ایسا کام ہو جہاں جائز اور ناجائز کا چکر ہی نہ ہو- ہم اسی اڈھیڑ و بن میں تھے کہ ایک محاورہ پر نظر پڑٰی کہ جنگ و محبت میں سب جائز ہوتا ہے-
لو جی ہماری لاٹری کھل گئی کہ ہماری تلاش مکمل ہو گئی اس کام میں ناجائز کا الزام لگنے کا کوئی خدشہ نہیں ہے-
جہاں تک جنگ کا تعلق ہے تو ہم میں جوش و جذبے کی کمی نہیں ہے- جس سے ناراض ہو جائیں دل چاہتا ہے اس کے ٹوٹے ٹوٹے کر دیں- پر رقیب روسیاہ کی قسمت اچھی ہے، ہاں ذرا جان کی کمی ہے- ورنہ تو میدان جنگ میں اترنے ہمیں کوئی نہیں روک سکتا تھا-
میدان محبت میں ٹرائی کر سکتے تھے- دیوان میر و غالب تو بچپن میں ہی یاد کر لیا تھا- جدید تقاضوں کو مد نظر رکھتے ہوئے فراز کے سو اشعار جو انہوں نے نہیں کہے تھے اپنے سیل پر ڈاؤن لوڈ کر لئے-
اب ہم نے مس کال دینی شروع کردیں قسمت مہربان تھی ایک جگہ بات بن گئ- جب اس نے مون کہا تو ہمارا دل بلّیوں اچھل گیا تھا- مگر دوستوں اب ہمارا چین و سکون لٹ گیا ہے- جلدی جلدی ہمارا بیلنس ختم ہونے لگا ہے- اور تو اور اس کا بیلنس بھی اپنے پلّے سے ڈلوانا پڑتا ہے- بعض دفعہ تو ہمیں اپنا پیٹ کاٹ کر بیلنس ڈلوانا پڑتا ہے- ایک دفعہ ہم نے ڈرتے ڈرتے پوچھ لیا کہ تمہارا بیلنس اتنی جلدی کیوں ختم ہو جاتا ہے- جبکہ تم مجھے مس کال ہی تو مارتی ہو- تو کہنے لگی کہ تم سے اچھے تو حامد اور راشد ہیں- کبھی سوال نہیں کرتے ہیں اور فوراٌ بیلنس ڈلوا دیتے ہیں-
اس بات پر ہمیں بہت غصہ آیا یہ سراسر نا جائز ہے- مگر قصور ہمارا ہی تھا- ہم ہی اس تلاش میں تھے جہاں جائز اور ناجائز کا چکر نہ ہو- ہماری سوچ نے ہمیں ماموں بنادیا- جی ہاں سچی مچی کا ماموں جب اس نے بتایا کہ آج کل اس کے بیٹے کی طبیعت ٹھیک نہیں ہے
لو جی ہماری لاٹری کھل گئی کہ ہماری تلاش مکمل ہو گئی اس کام میں ناجائز کا الزام لگنے کا کوئی خدشہ نہیں ہے-
جہاں تک جنگ کا تعلق ہے تو ہم میں جوش و جذبے کی کمی نہیں ہے- جس سے ناراض ہو جائیں دل چاہتا ہے اس کے ٹوٹے ٹوٹے کر دیں- پر رقیب روسیاہ کی قسمت اچھی ہے، ہاں ذرا جان کی کمی ہے- ورنہ تو میدان جنگ میں اترنے ہمیں کوئی نہیں روک سکتا تھا-
میدان محبت میں ٹرائی کر سکتے تھے- دیوان میر و غالب تو بچپن میں ہی یاد کر لیا تھا- جدید تقاضوں کو مد نظر رکھتے ہوئے فراز کے سو اشعار جو انہوں نے نہیں کہے تھے اپنے سیل پر ڈاؤن لوڈ کر لئے-
اب ہم نے مس کال دینی شروع کردیں قسمت مہربان تھی ایک جگہ بات بن گئ- جب اس نے مون کہا تو ہمارا دل بلّیوں اچھل گیا تھا- مگر دوستوں اب ہمارا چین و سکون لٹ گیا ہے- جلدی جلدی ہمارا بیلنس ختم ہونے لگا ہے- اور تو اور اس کا بیلنس بھی اپنے پلّے سے ڈلوانا پڑتا ہے- بعض دفعہ تو ہمیں اپنا پیٹ کاٹ کر بیلنس ڈلوانا پڑتا ہے- ایک دفعہ ہم نے ڈرتے ڈرتے پوچھ لیا کہ تمہارا بیلنس اتنی جلدی کیوں ختم ہو جاتا ہے- جبکہ تم مجھے مس کال ہی تو مارتی ہو- تو کہنے لگی کہ تم سے اچھے تو حامد اور راشد ہیں- کبھی سوال نہیں کرتے ہیں اور فوراٌ بیلنس ڈلوا دیتے ہیں-
اس بات پر ہمیں بہت غصہ آیا یہ سراسر نا جائز ہے- مگر قصور ہمارا ہی تھا- ہم ہی اس تلاش میں تھے جہاں جائز اور ناجائز کا چکر نہ ہو- ہماری سوچ نے ہمیں ماموں بنادیا- جی ہاں سچی مچی کا ماموں جب اس نے بتایا کہ آج کل اس کے بیٹے کی طبیعت ٹھیک نہیں ہے
