آپ نے حدیث کے خلاف محظ اپنے قیاس غیر شرعی یعنی رائے ذاتی سے جو کچھ بیان کیا تھا میں نے اس کی تردید کی ہے آپ کی یہ بات کہ "سوال تو یہ ہے کہ آخر حضرت ابن عباس رضی اللہ عنہ سے سوال ہی کیوں کیا تھا؟؟" اس مفاد کے لیے تھی کہ اہل مدینہ حضرت ابن عباس رضی اللہ عنہ کے پاس تحقیق کرنے گئے تھے، اور ثابت کیا کہ غیر مقلدین حدیث کا غلط مطلب نکال کر لوگوں کو گمراہ کرتے ہیں کیونکہ حدیث میں اہل مدینہ کا ابن عباس رضی اللہ عنہ سے پاس جانے کے بعد حضرت زید رضی اللہ عنہ کے قول کو ترجیح دینا ثابت ہے اور حضرت زید رضی اللہ عنہ کی بالقول یا بالعمل کسی طرح بھی مخالفت ثابت نہیں جس سے ظاہر ہوا کہ اہل مدینہ کا ابن عباس رضی اللہ عنہ سے پاس جانے کا مقصد حضرت زید رضی اللہ عنہ کے قول کی تحقیق کرنا نہیں تھا کہ آیا حضرت زید رضی اللہ عنہ نے صحیح فتوی دیا ہے یا غلط بلکہ برائے تفصیل تھا
اصحاب رسول رضی اللہ عنہم پر تہمت لگانے کا الزام آپ پر ہے کیونکہ میں نے سوال کیا تھا "کیا آپ کہ سکتی ہو کہ دونوں اصحاب رسول رضی اللہ عنھما نے پہلے بلا دلیل شرعی فتوٰی صادر فرمایا تھا اوران کے لیے ایسا کرنا جائز تھا ? تو گول مول جواب آپ نے دیا کہ
sabit yehi hota hai is se k hazrat zaid ne ijtehad ki bunyad pr fatwa dia
اجتھاد تو مجتھد کرتا ہے اور مجتھد کے قول کو ماننا آپ کے نزدیک بدعت ہے حالانکہ اہل مدینہ کا حضرت زید رضی اللہ عنہ کے قول کو ترجیح دینا ثابت ہے اور حضرت زید رضی اللہ عنہ کی مخالفت کسی طرح ثابت نہیں نہ قول سے نہ عمل سے، بالفرض آپ کہو کہ اہل مدینہ نے حضرت ام سلیم نے حضرت صفیہ کی حدیث پرعمل کیا تو درست ہوگا مگر حضرت زید رضی اللہ عنہ نے جب رجوع کی تو ان کی اتباع میں، اگر نہیں تو آپ اپنے قیاس غیر شرعی سے ایک بار پھر حضرت زید رضی اللہ عنہ کی مخالفت ثابت کرنے کی جسارت کریں ہم نص حدیث سے بیان کرتے ہیں کہ اہل مدینہ کا حضرت زید رضی اللہ عنہ کے قول کو ترجیح دینا ثابت ہے آپ کو حدیث پر عمل کا دعوی ہے تو قیاس غیر شرعی یعنی محظ ذاتی رائے کو چھوڑتے ہوئے نص حدیث سے اہل مدینہ کی حضرت زید رضی اللہ عنہ سے مخالفت ثابت کریں. ورنہ تقلید کو مانتے ہوئے حدیث کی مخالفت چھوڑ دیں
یہ تو تھا اک التزامی جواب اب آئیے اجتھاد کی طرف، الحمد اللہ مقلدین ان آئمہ کی تقلید کرتے ہیں جنہوں نے ان مسائل میں اجتھاد کیا جو نص قران و حدیث میں بیان نہ پائے(ایسا ہی اصحابہ رضوان اللہ علیھم سے ثابت ہے) اور نصوصات قرآنیہ و احادیث کو سامنے رکھ کر حتی الامکان ان کے مواقف، بلکہ علت مشترکہ جواصل قرآن و حدیث سے مآخذ ہیں پر قیاس کر کے احکام استنباط کیے جو کے قرآن و حدیث کی روشی کے مطابق ہیں اور یہی قیاس شرعی ہے نہ کہ غیر مقلدین کی طرح قیاس غیر شرعی محظ ذاتی رائے سے مسائل دریافت کیے. گمراہی تو اس طرح کے غیرمقلدین کے مجتھدین کی تقلید کرنے میں ہے جو کہ اپنی مرضی اور غیر شرعی طریقے سے قرآن و حدیث کا مطلب نکال لیتےہیں
نص کے سامنے آ جانے پر مجتھد کے رجوع کرنے سے انکار کس کو ہے? میں بھی پہلے بتا چکا ہوں کہ آئمہ مجتھدین نے بھی نص کے سامنے آ جانے پر رجوع کیا بخلاف مقلد کے رہا سوال مقلد نص کے سامنے آ جانے پر کیوں نص کی طرف رجوع نہیں کر سکتا اس کے جواب میں عام فہم مثال پیش ہے
بالفرض مقلد غیرمجتھد نے مجتھد کا قول پایا کہ بیوہ کی عدت چار مہینے دس دن اپنے آپ کو شوہر کے گھر روکنا ہے مگر اسے دوران تلاوت قرآن پاک سے اس حکم کے خلاف نص مل گئی اور وہ یہ آیت ہے
وَالَّذِينَ يُتَوَفَّوْنَ مِنكُمْ وَيَذَرُونَ أَزْوَاجًا وَصِيَّةً لِّأَزْوَاجِهِم مَّتَاعًا إِلَى الْحَوْلِ غَيْرَ إِخْرَاجٍ ۚ فَإِنْ خَرَجْنَ فَلَا جُنَاحَ عَلَيْكُمْ فِي مَا فَعَلْنَ فِي أَنفُسِهِنَّ مِن مَّعْرُوفٍ ۗ وَاللَّهُ عَزِيزٌ حَكِيمٌ
اور جو لوگ تم میں سے مرجائیں اور عورتیں چھوڑ جائیں وہ اپنی عورتوں کے حق میں وصیت کرجائیں کہ ان کو ایک سال تک خرچ دیا جائے اور گھر سے نہ نکالی جائیں۔ ہاں اگر وہ خود گھر سے نکل جائیں اور اپنے حق میں پسندیدہ کام (یعنی نکاح) کرلیں تو تم پر کچھ گناہ نہیں۔ اور خدا زبردست حکمت والا ہے (البقرہ 240)
اس آیت میں تو حکم یہ ہے "کہ ان کو ایک سال تک خرچ دیا جائے اور گھر سے نہ نکالی جائیں" اب اگر مقلد غیرمجتھد اس مجتھد کے قول کا مآخذ نہیں جانتا تو آپ کے نظریہ کے مطابق نص موجود ہے آیت مل گئی اب قول کو چھوڑ کر نص پر عمل کرنا چاہے تو سنیئے اگراس مجتھد کے قول کا مآخذ بھی قرآنی آیت ہو اور وہ یہ ہے
وَالَّذِينَ يُتَوَفَّوْنَ مِنكُمْ وَيَذَرُونَ أَزْوَاجًا يَتَرَبَّصْنَ بِأَنفُسِهِنَّ أَرْبَعَةَ أَشْهُرٍ وَعَشْرًا ۖ فَإِذَا بَلَغْنَ أَجَلَهُنَّ فَلَا جُنَاحَ عَلَيْكُمْ فِيمَا فَعَلْنَ فِي أَنفُسِهِنَّ بِالْمَعْرُوفِ ۗ وَاللَّهُ بِمَا تَعْمَلُونَ خَبِيرٌ
اور جو لوگ تم میں سے مرجائیں اور عورتیں چھوڑ جائیں تو عورتیں چار مہینے دس دن اپنے آپ کو روکے رہیں۔ اور جب (یہ) عدت پوری کرچکیں اور اپنے حق میں پسندیدہ کام (یعنی نکاح) کرلیں تو ان پر کچھ گناہ نہیں۔ اور خدا تمہارے سب کاموں سے واقف ہے (البقرہ 234)
تو اب وہ تقلید کو ترک کر کے بلا علم مجتھد بن کر گمراہ ہوگا یا نہیں?
ایسا ہی معارضہ ان صحیین بخاری و مسلم میں تھا جو میں نے پیش کیں تھیں اور ایسے ہی کئی مسائل کی کثیرامثال ہیں مگر وقت کم ہے.
آپ کا یہ اعتراض امام ابو حنیفہ رحۃ کے اس فرمان کے پیش نظر ہے "اگر میرا قول کسی صحیح حدیث کے مقابل واقع ہو جائے تو حدیث پر عمل کرنا میرے مذہب پر عمل کرنا ہے، بلا شبہ امام صاحب کا یہ قول حق ہے لیکن امام صاحب کا یہ حکم ان کے مقرر کردہ اصول اجتھاد کی تقلید کرنے والے مجتھدین کے لیے تھا نہ کہ مقلد محض کے لیے. امام صاحب کا یہ انتہائی تقوٰی ہے اور واقعہ بھی یہ ہے کہ مجتھد کا قیاس شرعی بھی وہاں ہوتا ہے جہاں نص موجود نہ ہو یا حکم کی صراحت نہ ہو تو حکم شریعت کو ظاہر کرنے کے لیے کیا جاتا ہے اور قیاس شرعی خود مستقل حکم کا مثبت نہیں یعنی قرآن و حدیث کا ہی مآخذ حکم ہوتا ہے بخلاف غیرمقلدین مدعیان اہل حدیث کے قیاس کا مطلب بنانے کے.
سوال یہ ہے کہ اس زمانہ میں دنیا میں ایسا کون محدث ہے جو احادیث کا اس قدر وسیع علم رکھتا ہو کہ تمام احادیث پھر اس کی تمام اسنادوں پر اطلاع رکھتا ہو اور یہ بھی جانتا ہو کہ امام صاحب کا یہ فلاں حکم کسی بھی حدیث سے مآخوذ نہیں?????
امام صاحب کے قول سے غلط تعبیر لینے والے ذرا یہ بھی بتائیں یوں تو حدیث میں بھی آتا ہے کہ
اذا بلغکم منی حدیث فاعرضوہ علی کتاب اللہ .... (مقدمہ تفسرات احمدیہ ص 5)
"جب تم کو میری کوئی حدیث پہنچے تو اس کو کتاب اللہ پر پیش کرو اگر اس کے موافق ہو تو قبول کر لو ورنہ رد کر دو".
اگر اس کے موافق ہو تو قبول کر لو ورنہ رد کر دو تو اگر کوئی چکڑالوی کہے کہ بہت حدیث چونکہ خلاف قرآن ہیں اس لیے ہم حدیث کو چھوڑتے ہیں، قرآن میں ہے کہ میراث تقسیم کرو حدیث میں ہے کہ نبی کی میراث تقسیم نہیں ہوتی، جس طرح ان چکڑالویوں کا کلام مردود ہے ایسی طرح مخالفین امام ابوحنیفہ کے قول مذکورہ کی غلط تعبیربھی مردود
اصحابی کا لنجوم بایھم اقتدیتم اھتدیتم(الحدیث)
میرے صحانہ ستاروں کی مانند ہیں تم ان میں سے جس کی اقتدا کرو گے ہدایت پاؤ گے
نے جو تقلید کی لغوی تعریف کی ہے اسے بیان کر کے اور احناف کے نزدیک تقلید کی جو شرعی تعریف ہے اسے پس پشت ڈال کر آپ نے جوعام ناظرین کو غلط تاثر دیا ہے تو تقلید کا جو مطلب آپ نے سمجھا ہوا ہے اور عقلمندی کا مظاہرا کیا ذرا اپنی اسی عقلی قاعدہ کو خود پر آزمائیں
جب کسی کا قول ماننا تقلید ہے تو یہ آپ بھی کرتے ہیں جیسے حدیث کی اسناد میں بجائے آپ خود تحقیق کریں فقط اس لیے ضعیف کا حکم لگاتے ہیں کہ یہ حدیث فلاں محدث مثلا امام بخاری نے ضعیف قرار دی ہے فلاں محدث نے فلاں راوی کو ضعیف کہا ہے تو یہ تو قول ماننا ہے پھر یہ بھی وہی تقلید ہے جسے آپ گمراہی سے تعبیر کرتے ہیں کیونکہ اگر آپ کا آئمہ جیسا مجتھد ہونے کا دعوی ہر کسی کے لیے ہو سکتا ہے تو آپ کیوں تقلید کرتے ہیں اجتھاد کریں اور صدیوں بھر کے روایوں کو خود نقل کریں، صدیوں بھر سے احادیث کے تمام متون بیان کریں، وہ حدیثیں سند کے اعتبار سے متواتر، مشہور ہیں یا اخبار و احاد کی کس قسم ذیل سے ہیں اپنی تحقیق میں بیان کریں، اسی طرح اسے آج تک کے راویوں کے احوال، جرح و تعدیل اور ان کی ولادت و وفات کی تاریخوں کو اپنی تحقیق میں بتائیں، استدلال و استنباط کے قوانیں بیان کریں پھر دالیل کی روشنی میں کسی حدیث کے صحیح و ضعیف ہونے کو ثابت کریں نہ کہ قول امتی پراعتماد کلی کر کے امام بخاری و دیگر محدثین کی تقلید. یہ وہی تقلید ہے کیا آپ بدعت سے بری ہیں جو مسلمانوں کی اتنی بڑی تعداد کو گمراہ کہتے ہیں?
کیا آپ کو یہ نصوص نظر نہیں آتی جو جہالت آمیز اجتھاد پرنقل آیات کرتے ہیں
واسٰبقون الاولون من المھاجرین ولانصار والذین اتبعوھم باحسان......اور سب اگلے پچھلے مہاجر و انصار اور جو بھلائی کے ساتھ ان کے پیرو ہوئے....
واتبع سبیل من اناب لی.....اور اس کی راہ چل جو میری طرف رجوع لایا
واجعلنا للمتقین اماما...... اور ہم کو پرہیزگاروں کا پیشوا بنا
والی اولی الامر منھم لعلمہ الذین یستنبطونہ منھم .... امر والے لوگوں کی طرف رجوع کرتے تو ضرور ان میں سے اس کی حقیقت جان لیتے وہ جو استنباط کرتے ہیں
اور بھی کئی نصوص ہیں آپ اپنی ذاتی رائے کو ترک کریں اور ویتبع غیر سبیل المؤمینین لولہ ما تولی و نصلہ جھنم وسآءت مصیرا.... اور جو مسلمانوں کی راہ سے جدا راستہ چلے ہم اس کو اس کی حالت پر چھوڑ دیں گے اور اس کو دوزخ میں داخل کریں گے اور کیا ہی بری جگہ پلٹنے کی ہے.
کی مخالفت سے باز آئیں
آخر میں عرض کر دوں کہ مقلدین کا موقف بالکل واضح ہے کہ تقلید ایمانیات و عقائد(اخبارات وقصص) اورصرحی منصوص احکام میں جائز نہیں نہ ہی کوئی مجتھد ان میں استنباط کرتا ہے بلکہ امر و نہی غیر صرحی و غیر منصوص میں جائز سمجھتے ہیں لہذا مخالفین اول قسم مذموم تقلید کے دالیل نقل کر کے دوئم قسم ممدوح تقلید پر جراح کرنے کی ناحق کوشش نہ کریں اور نہ عام فہم لوگوں کو غلط تاثر دیں
.
@
Tooba Khan
@
nasirnoman
@
i love sahabah
