اکھیں شہر مدینہ ڈٹھا ، حفیظ تائب پنجابی نعت

intelligent086

TM Star
Nov 10, 2010
4,164
4,143
1,313
Lahore,Pakistan
اکھیں شہر مدینہ ڈٹھا ، حفیظ تائب پنجابی نعت



اکھیں شہر مدینہ ڈٹھا
انج جیویں اک سُفنہ ڈٹھا

اوہ ہر دن سی گھڑی برابر
جس جس دن اوہ روضہ ڈٹھا

کھسر پھسر نہ آئی مینوں
جس پل گنبد خضری ڈٹھا

رج رج کدوں وگائے اتھرو
رج رج کدوں مواجہ ڈٹھا

سجدیاں لئی تھاں لبھ نہ سکی
جدوں ریاض الجنہ ڈٹھا

راتاں نوں جد وہلک لگی
ہر تھم جھم جھم کردا ڈٹھا

حضرت عائشہ ؓ دے تھم اگے
جو سر ڈٹھا ، جھکیا ڈٹھا

حسن حسین نے جس دے پتر
اس بی بی دا حجرہ ڈٹھا

ہوک جئی اک سینیوں اٹھی
جدوں کدی حنانہ ڈٹھا

تائب ہویا سچا تائب
تھم جدوں توبہ دا ڈٹھا

حفیظ تائب رحمۃ اللہ علیہ

 
  • Like
Reactions: maria_1
Top
Forgot your password?