[h=2]اب تک نہ سمجھ پائے
[/h]
[/h]
اب تک نہ سمجھ پائے ہم لوگ یہ برسوں میں
جنت ہے غلاموں کی سرکار ﷺ کے قدموں میں
جنت ہے غلاموں کی سرکار ﷺ کے قدموں میں
باتوں سے بھلا کوئی منزل پہ پہنچتا ہے
یہ بات بتائیں جو مصروف ہیں باتوں میں
یہ بات بتائیں جو مصروف ہیں باتوں میں
سرکار ﷺ تو امت کی بخشش کے لیے روئیں
امّت ہے کہ ہنس ہنس کر جیتی ہے گناہوں میں
امّت ہے کہ ہنس ہنس کر جیتی ہے گناہوں میں
سرکار ﷺ کی سنت پر جنت کی ضمانت ہے
خود لوگ بھٹکتے ہیں خود ساختہ راہوں میں
خود لوگ بھٹکتے ہیں خود ساختہ راہوں میں
طیبہ کی زیارت کا کیوں ذکر کیا مجھ سے
کیوں تم نے نمک چھڑکا سوئے ہوئے زخموں میں
کیوں تم نے نمک چھڑکا سوئے ہوئے زخموں میں
آقا ﷺ پہ درودوں کا بدلہ یہ ملا تائبؔ
خوشبوئیں مہکتی ہیں اکثر مری سانسوں میں
خوشبوئیں مہکتی ہیں اکثر مری سانسوں میں