niceعید
دل دھڑکتا ہے تو ہوتا ہے گماں عید کے دن
میرے دل میں بھی امنگیں ہیں جواں عید کے دن
خاک کی مثل نہیں ہوں نہ کوئی پتھر ہوں
کچھ نہ کچھ میرا بھی ہے نام و نشاں عید کے دن
گھر سے ہوں دور، پریشان ہوں، بدحال ہوں میں
کاش گھر میں ہو مسرت کا سماں عید کے دن
آج وہ دور نہیں ہے جو یہ دن دکھلائے
جس جگہ یار ملیں پائیں وہاں عید کے دن
مسکراتا ہے کوئی اور کوئی ہنستا ہے
کوئی کرتا ہے مگر آہ و فغاں عید کے دن
ہم پہ یہ فرض ہے ہر اک سے محبت سے ملیں
باپ ہو، بیٹی ہو، بیٹا ہو کہ ماں عید کے دن
کاش کوئی نہ لکھے شعر دکھ بھرے شاہد
حال دل کا ہو مسرت سے بیاں عید کے دن