Zamane ko apna bana kar to dekho

Discussion in 'Romantic Shayari' started by pink-rose, Jul 26, 2008.

  1. pink-rose

    pink-rose
    Expand Collapse
    Newbie

    Joined:
    Jul 19, 2008
    Messages:
    325
    Likes Received:
    120
    Tumhein dillagi bhool jani pare gi
    Mohabbat ki raahon mein aa kar to dekho
    Tarapne pe mere na phir tum hanso ge
    Kabhi dil kisi se laga kar to dekho

    Honthon ke paas aye hansi, kya majaal hai
    Dil ka maamla hai, koi dillagi nahin
    Zakhm pe zakhma kha ke jee, apne lahoo ke ghoont pee
    Aah na kar labon ko see, ishq hai dillagi nahin

    Dil laga kar pata chale ga tumhein
    Aashiqui dillagi nahin hoti
    Kuch khel nahin ishq ki laag,
    Paani na samajh yeh aag hai aag

    Khoon rulaye gi yeh lagi dil ki
    Khel samjho na dillagi dil ki
    Yeh ishq nahin asaan, bas itna samajh li jiye
    Ek aag ka daryaa hai aur doob ke jana hai

    Wafaon ki humse tawaqqo nahin hai
    Mager ek baar azmaa kar to dekho
    Zamane ko apna bana kar to dekho
    Humein bhi tum apna bana kar to dekho

    Rukh se naqaab utha ke bari der ho gayi
    Mahol ko tilawat-e-Quran kiye hue
    Hum na samjhe teri nazron ka taqaza kya hai
    Kabhi pardah kabhi jalwa yeh tamasha kya hai

    Khudah ke liye chor do ab yeh parda
    Ke hain aaj hum tum nahin ghair koi
    Shab-e-wasl bhi hai hijaab is qadr kyun
    Zara rukh se aanchal utha kar to dekho

    Jafayein bahut ki, bahut zulm dhaye
    Kabhi ek nigaah-e-qaram is taraf bhi
    Hameshaa hue dekh kar mujhko barham
    Kisi din zara muskura kar to dekho

    Jo ulfat mein har ek sitam hai ganwaara
    Yeh sab kuch hai paas-e-wafa tumse warna
    Satate ho din raat jis tarha mujhko
    Kisi ghair ko yun sata kar to dekho

    Ager jey kisi baat par woh khafa hain
    To acha yehi hai tum apni si karlo
    Woh maanein na maanein yeh marzi hai unki
    Mager unko purnam mana kar to dekho

    Tumhein dillagi bhool jani pare gi
    Mohabbat ki raahon mein aa kar to dekho
    Tarapne pe mere na phir tum hanso ge
    Kabhi dil kisi se laga kar to dekho
     
  2. dream girl

    dream girl
    Expand Collapse
    Khwabon se bahre Naina
    VIP

    Joined:
    Jul 30, 2008
    Messages:
    20,331
    Likes Received:
    11,618
    lovely sharing....

    thanx n keep sharing...
     
  3. goodfrndz

    goodfrndz
    Expand Collapse
    "A faithful friend is the medicine of life."
    VIP

    Joined:
    Aug 16, 2008
    Messages:
    12,849
    Likes Received:
    4,072
    bohat bohat nice

    it my fvrt.......................

    again nice
     
  4. nrbhayo

    nrbhayo
    Expand Collapse
    Newbie

    Joined:
    Nov 23, 2009
    Messages:
    111,082
    Likes Received:
    9,732
    umda....
     
  5. Ocean-of-love

    Ocean-of-love
    Expand Collapse
    Hot Shot

    Joined:
    Nov 13, 2014
    Messages:
    23,090
    Likes Received:
    5,141
    nycccccccccccccccccccccccccccccccc.
     

Share This Page