Tere Gulaab se chehre pe.....

[goodfrndz]

Woh kon keemiyaa-gar tha ke jo bikhair gaya
Tere gulaab se chehre pe zar udaasi ka

Mere vajood ke khalvat-kade mein koyee to tha
Jo rakh gaya ha dia taaq per udaasi ka

Main tujh se kaise kahon yaar-e-meherbaan mere
Ke tuu ilaaj nahin meri har udaasi ka

Ye ab jo aag ka daryaa mere vajood mein hai
Yehi to pehle pahel tha sharar udaasi ka

Na jane aaj kahan kho gaya sitaar-e-shaam
Woh mera dost, mera hamsafar udaasi ka

'Faraz' deeda-e-pur-aab mein na dhoondh usay
Ke dil ki teh mein kahin hai guhar udaasi ka

 

[nrbhayo]

umda jee.....