Naadim hoo'n maine

[Dark]

Naadim hoo'n maine koi bhi rahat na di tujhey
Tu jiska mustahiq tha wo chahat na di tujhey

Apne hi rozo shab k jhamelo'n mai ghum raha
Jis par tera tha haqq wo rafaqat na di tujhey

Tu paas tha to meri ana k ghuroor ne
Patthar k aik butt ki bhi wuq'at na di tujhey

Darya tha mai khulus ka har shakhs k liye
Par boond bhar bhi maine muhabbat na di tujhey

Tu sochta to hoga k shayar k pyar ne
Apni kisi ghazal ki bhi surat na di tujhey

Mai kya karoo'n k merey boht se azab thai
Bas iss liye kabhi koi zehmat na di tujhey
​

 

[nrbhayo]

aala..

 

[Ocean-of-love]

Nyc.