**********
Mohabbat zaat hoti hai
Mohabbat zaat hoti hai
Mohabbat zaat ki takmeel hoti hai
Koi jungle main jaa tehre kisi basti main bas jaye
Mohabbat saath hoti hai
Mohabbat khushboun ki lay
Mohabbat mousamon ka dhun
Mohabbat aabsharon ke nikherte paniyon ka husn
Mohabbat junglon main raqs karti morti ka tan
Mohabbat barf parti sardiyon main dhoop banti hai
Mohabbat chilchilate garm sehraon main thandi chaon ki manind
Mohabbat dil
Mohabbat jaan
Mohabbat rooh ka darman
Mohabbat morti hai
Aur kabhi jo dil ke mandir main kahin per toot jaye to mohabbat kaanch ki gurya
Fizaon main kisi ke haath se gir ker choot jaye to
Mohabbat aabla hai karb ka
Aur phoot jaye to
Mohabbat rog hoti hai
Mohabbat sog hoti hai
Mohabbat sham hoti hai
Mohabbat raat hoti hai
Mohabbat jhilmilati aankh main barsat hoti hai
Mohabbat neend ki rut main haseen khuwabon ke raston per
Sulagte jaan ko aate rat jagon ki ghaat hoti hai
Mohabbat jeet hoti hai
Mohabbat maat hoti hai
Mohabbat zaat hoti hai