ye main jo harf se misre nhi hujrey bnata hun
dua-e-neem shab teri ijazat se bnata hun
bohat aage ki manzil hay khayal-e-manzil-e-jana
main raste tak pohanchne k liye raste bnata hun
issi khatir to maine kuza giri se haath khinche hain
muje mehsus hota tha k main kaasey bnata hun
ijazat hi nhi isko numaysh may lgane ki
k main tasweer may jaltey huye kheeme bnata hun
maire baad aane waalon se kaho hosla rakhain
main khud ko kaat kar in k liye raste bnata hun
mujhe jab mustaqil gham ki zarurat tang karti hay
main tujh ko qatal kar dainene k mansubey bnata hun
na q tark-e-ta'aluq par guman guzre muhabbat ka
k main to bedili k kaam bhi dil se bnata hun
muje jaise kohkan ko raftgaan ka ranjsh hay Tabish
main pathar kaat kaat kar nehrain nhi kutbey bnata hun!
