Chalo ham seepi'an chuNney kisi sahil pe chalte hein
Jahan paon ke neechey rait ki halki si larzish....muskurati ho
Hawa ki narmion mein...tittliyon ki dolian utrein
kisi nanhey se bachey ki siah maasoum aankhein be.yaqeeni se,
samander ke sulagte panion se bat kerti hon
Jahan per dil, mohabbat ke gharondon ki naee taameer kerte hon
Doa'on aur wafa'on ke huner taskheer karte hon
Yunhi athkeliyan karte huey, aabi parinde geet gate hon
Darakhton par bikharti sham ki, gehri munderon par
diye se jhilmilate hon
Jahan par dour tak..wo badbanon se saji sab kashtian
lehron pe jese raqs karti hon
Aur apni mastiyon mein hoslon ka ism perhti hon
Inhi mehke gulabi mosmon mein khawab ke manzer sajane ko
Sunehri khushbo'on ki barishon mein bheeg jane ko
Chalo na ! ...........Ham bhi chalte hein
Ab apne khof ki dehleez se baher nikalte hein
Chalo ham seepi'an chuNney kisi sahil pe chalte hein
Jahan paon ke neechey rait ki halki si larzish....muskurati ho
Hawa ki narmion mein...tittliyon ki dolian utrein
kisi nanhey se bachey ki siah maasoum aankhein be.yaqeeni se,
samander ke sulagte panion se bat kerti hon
Jahan per dil, mohabbat ke gharondon ki naee taameer kerte hon
Doa'on aur wafa'on ke huner taskheer karte hon
Yunhi athkeliyan karte huey, aabi parinde geet gate hon
Darakhton par bikharti sham ki, gehri munderon par
diye se jhilmilate hon
Jahan par dour tak..wo badbanon se saji sab kashtian
lehron pe jese raqs karti hon
Aur apni mastiyon mein hoslon ka ism perhti hon
Inhi mehke gulabi mosmon mein khawab ke manzer sajane ko
Sunehri khushbo'on ki barishon mein bheeg jane ko
Chalo na ! ...........Ham bhi chalte hein
Ab apne khof ki dehleez se baher nikalte hein
Chalo ham seepi'an chuNney kisi sahil pe chalte hein
