Issi liye to andhere bhi kam nhi hote
k apne jism chiraghon may zam nhi hote
Khuda pe choriye sahib muamla dil ka
hmari umr may qol-o-qasam nhi hote
aur ab hay is liye afsos apne hone ka
kisi k ho gaye hote to hum nhi hote
wo hum hain jinka na hona bhi hone jaisa hay
wo hum hain jin k wajud-o-adam nhi hote
Ajeeb log hain ye khandan-e-ishq k log
k hote jaate hain qatal aur kam nhi hote
Hamari aahtain sunne k munatzir logo
hmare saath hamare qadam nhi hote
abhi se tark-e-ta'aluq ki bata karte ho
ye Faisle to mian aik dam se nhi hote
tumhe main is liye khud se juda samjhta hun
k muj se apne qaseede raqam nhi hote!
