iss muhabbat mein, mein akeli thi…

  • Work-from-home

Dark

Darknes will Fall
VIP
Jun 21, 2007
28,885
12,579
1,313

mein ne kaha woh ajnabi hai.
dil ne kaha yeh dil lagi hai.

main ne kaha woh sapna hai.
dil ne kaha phir bhi apna hai.

mai ne kaha woh ghari bhar ki mulakaat hai.
dil ne kaha yeh sadyon ka saath hai.

mai ne kaha ye meri haar hai
dil ne kaha yehi to pyaar hai.

Khaamoshii kah rahii hai kaan mein kiyaa
aa rahaa hai mere gumaan mein kiyaa

ye mujhe chain kyuuN nahiin partaa
Ek hii shaKhs thaa jahaan mein kiyaa !

na koi khuwaab na koi saheli thi…
iss muhabbat mein, mein akeli thi…


ishq mein tum khaan ke sache the…
jo azziyat thi hum ne jheli thi…

yaad ab kuchh nahin raha lekin…
aik darya tha ya haweli thi…

jis ne uljha ke rakh diya dil ko…
woh muhabbat thi ya paheli thi…

mein zara si bhi kam wafaa kerti…
tum ne to meri jaan leli thi…

waqt ke saanp kha gaye us ko…
mere aangan mein aik chanbeli thi…

is shab-e-gham mein kis ko batlaoon…
kitni roshan meri hatheli thi…
 
Top