Harf-e-saadaa Ko Inaayat Kare Ejaaz Kaa Rang

[*Sarlaa*]

yoon sajaa chand k jhalakaa tere undaaz ka rang
yoon fazaa mehaki k badlaa merey humaraaz ka rang

saayaa-e-chashm me.n hairaa.n ruKh-e-roshan ka jamaal
surKhii-e-lab pe pareshaa.n teri aavaaz ka rang

bepiye hoon ki agar lutf karo aaKhir-e-shab
shishaa-e-may me.n dhale subha k aagaaz ka rang

cha.ngo-nay rang pe the apane lahuu ke dam se
dil ne lay badalii to madham huaa har saaz ka rang

ik sukhan aur ki phir rang-e-takallum teraa
harf-e-saadaa ko inaayat kare ejaaz kaa rang