Dil-o-dimaaG ko ro luNgaa aah kar luNgaa

[dream girl]

Dil-o-dimaaG ko ro luNgaa aah kar luNgaa
Tumhaara ishq main sab kuchh tabaah kar luNgaa ​

Agar mujhay na miliin tum tumhaaray sar kii qasam
Main apanii saarii javaanii tabaah kar luNgaa ​

Mujhay jo dair-o-haram main kahiin jagah na milii
Teray Khayaal hii ko sajdaagaah kar luNgaa ​

Jo tum say kar diyaa maharuum aasmaaN nay mujhay
Main apanii zindagii sarf-e-gunaah kar luNgaa ​

Raqiib say bhii miluuNgaa tumhaaray hukm pay main
Jo ab talak na kiyaa thaa ab aah kar luNgaa ​

Tumhaarii yaad main ma kaaT duuNgaa hashr kay din
Tumhaaray hijr main raaten siyaah kar luNgaa ​

Hariim-e-hazarat-e-salamaa kii simt jaataa huuN
Huaa na zabt to chupkay say aah kar luNgaa ​

Yah naubahaar yah abr-o-havaa yah rang-e-sharaab
Chalo jo ho so ho ab to gunaah kar luNgaa ​

Kisii hasiinaa kay maasuum ishq main "Akhtar"
Javaanii kyaa hai main sab kuchh tabaah kar luNgaa


​

 

[Dark]

Nice post

 

[Cute-Angel]

very nice sharing

thanx n keep it up

 

[dream girl]

thank u very much guys

 

[nrbhayo]

wah nice..