Bataa, Bataa, Bataa, Bataa

[*Sarlaa*]

meri teri nigaah me.n jo laakh intazaar hai.n
jo mere tere tan badan me.n laakh dil figaar hai.n
jo meri teri ungaliyo.n ki behisi se sab qalam nazaar hai.n
jo mere tere shah'r ki har ik gali me.n
mere tere naqsh-e-paa ke be-nishaa.n mazaar hai.n
jo meri teri raat k sitaare zakhm zakhm hai.n
jo meri teri subha k gulaab chaak chaak hai.n
ye zakhm saare be-dawa ye chaak saare be-rafu
kisi pe raakh chand ki kisi pe os ka lahu
ye hai.n bhi ya nahi.n bata
ye hai ki mahaz jaal hai
mere tumhaare ankaboot-e-vaham ka buna hua
jo hai to is ka kya kare.n
nahii.n hai to bhii kyaa kare.n
bataa, bataa, bataa, bataa