Arshad Malik ' S Poetry Collection :)

  • Work-from-home

Ocean-of-love

Hot Shot
Nov 13, 2014
23,099
5,146
513
Mein us ki yaad ko dil mein bahaal rakhta tha,
Khud apne aap se zeyada kheyal rakhta tha,
Zara si baat pe woh mujhse rooth jata tha,
Main us se pyar ka rishta bahaal rakhta tha,
Sambhaal rakhti thi ik khawhish-e-wisaal mujhe,
Woh hijar deta tha, mujh ko niddhaal rakhta tha,
Main kitne qurb se guzra hoon kya pata us ko,
Woh shakhs mujh ko bohat pur’malaal rakhta tha,
Mujhe to dost mere maaar gaye Arshad,
Main bach geya hoon ke himmat kamaal rakhta tha..
nyc.
 

Ocean-of-love

Hot Shot
Nov 13, 2014
23,099
5,146
513
Sirf itna nahin dil dukhaa kar geya,
Sara jeewan woh mera sazaa kar geya,
Jis ki tu raah takta hai sham-o-sehar,
Sab hawaley woh tere bhalaa kar geya,
Phool, khushbu, chaman, chand, taarey, sabaa,
Saarey sathi woh hum se khafaa kar geya,
Tu kahan aur yeh bewafayi kahan,
Yeh zamana tujhe bewafaa kar geya,
Sab darakhton pe kuch kuch likha reh geya,
Naam aese woh mera mitaa kar geya,
Yaad meri sataaye gi shab bhar usey,
Aaj din bhar humain jo sataa kar geya,
Yeh bhi mumkin hai Arshad na lottay kabhi,
Jo humain chaar din ka bataa kar geya..
Fine.
 

Ocean-of-love

Hot Shot
Nov 13, 2014
23,099
5,146
513
Koi baat aesi kiya karo, koi lafz aesa likha karo,
Miley jis se dil ko qaraar sa, koi shair aesa parhaa karo,
Sadaa dukh main hi na rakha karo, kabhi sukh bhi us ko diya karo,
Yeh udaas hai keyi roz se, mere dil main aa ke raha karo,
Jo kathan kathan se hain rastey, yeh sabhi hain kyon mere wastey,
Yeh jo jal raha hoon main aag main kabhi tum bhi is mein jala karo,
Mujhe ab bhi tumhari hi aas hai, mera dil tumhare hi paas hai,
Hai yeh jaan tere hissaar mein is se meri jaan rihaaa karo,
Mera din ho ya meri raat ho, tere hath mein mera hath ho,
Abhi jese tum mere sath ho, yunhi sath mere chalaa karo..
Fine.
 

Ocean-of-love

Hot Shot
Nov 13, 2014
23,099
5,146
513
Jeeti baazi haara hoon,
Ab main toota taara hoon,
Sehraa hoon ik jaltey dukh ka,
Main ik gham ka dhaara hoon,
Sachaayi ka shola dil main,
Main jalta hua angaara hoon,
Galiyon galiyon dhoondon tujh ko,
Main bhi ik banjaara hoon,
Arshad meri qeemat kya hai,
Main matti hoon, gaara* hoon..
Lovely.
 

Ocean-of-love

Hot Shot
Nov 13, 2014
23,099
5,146
513
Hawaa ke sath chalte ja rahe ho,
Bohat aagey nikalte ja rahe ho,
Chale jao magar yeh to bata do,
Yeh rastey kyon badalte ja rahe ho,
Khud apne hath se yeh khat jalaye,
To ab kyon hath maltey ja rahe ho,
Humain samjhaa rahe ho pyar se tum,
Suno! tum bhi badaltey ja rahe ho,
Uthaa kar bojh kandhon per jafaa ka,
Suna hai phir sambhaltey ja rahe ho,
Lagi ho koi chott dil par jaise,
Utha kar dard chalte ja rahe ho,
Barhaa kar dosti suraj se Arshad,
Ghanney saaye main chalte ja rahe ho..
So nice.
 

Ocean-of-love

Hot Shot
Nov 13, 2014
23,099
5,146
513
Tujhe sochte hain gulaabon ko le ker,
Khayalon main kitne saraabon ko le ker,
Teri ankh mein doob janey se pehle,
Bohat sochtey hain sharabon ko le ker,
Mujhe chahtey ho kahan se kahan tak,
Yehi sochtey hain jawabon ko le ker,
Mujhe apni chahat ki aghosh de do,
Kahan jaaon ga apne khawbon ko le ker,
Mujhe us ne apna na maana to Arshad,
Kahin ja basoon ga kharaabon ko le ker..
Lovely.
 

Ocean-of-love

Hot Shot
Nov 13, 2014
23,099
5,146
513
Hanste huye logon ko rulaya nahin karte,
Hum apna koi zakham dikhaya nahin karta,
Ik bar jisy apni nigahon se gira dain,
Phir us ko kabhi dil mein basaya nahin karte,
Us sakhs se mil kar mujhe ehsas hua hai,
Jo pairr barre hote hain saaya nahin karte,
Rakhte hain unhe hum sadaa seeney se laga kar,
Dukh apna kisi ko bhi sunaya nahin karte,
Yeh khel mohabbat ka hai phir soch lo Arshad,
Kho dete hain yahan sab kuch paaya nahin karte..
Nyc.
 

Ocean-of-love

Hot Shot
Nov 13, 2014
23,099
5,146
513
Zahir kisi surat bhi kahin naam na karna,
Hain log bohat khaas humain aam na karna,
Janey ki ijazat to diye dete hain lekin,
Raste main kahin aate huye shaam na karna,
Kuch roz se yeh haal hai chahat mein tumhari,
Bekaar parre rehna koi kaam na karna,
Main bhi na dikhaon ga sar-e-raah girebaan,
Tum bhi mere waadon ko sar-e-aam na karna,
Is shart pe hai tark-e-taluq ki ijazat,
Badnaam zamane mein mera naam na karna,
Hum log palat aaney ki haatir nahin jate,
Wa sham ke baad apne dar-o-baam na karna,
Yadon ka nasha hosh urra deta hai Arshad,
Saaqi se kaho samne ab jaaam na karna..
Fine.
 

Ocean-of-love

Hot Shot
Nov 13, 2014
23,099
5,146
513
Suno yu’n umar ghat’ti hai,
Bohat socha nahin karte,
Mohabbat karke aayina,
Bohat dekha nahin karte,
Yu’n hathon ki lakeeron ko,
Bohat chooma nahin karte,
Kisi dil men woh kehta hai,
Bohat thehra nahin karte,
Jo khud apna ho aayina,
Usey dhundla nahin karte,
Jahan tareek sochain hon,
Wahan chamka nahin karte,
Jo aansu dil se ubhre hon,
Unhe roka nahin karte,
Akele khud to rehte hain,
Nahin tanha nahin karte,
Kisi ke hijar mein Arshad,
Bohat jaaga nahin karte,
Suno yu’n umar ghat’ti hai,
Bohat socha nahin karte,
Nice
 
Top