Aah dunia pe kia padi uftaad
deen o eeman ho gay barbaad
mehr e islaam ho gaya makhfi
sare aalam pe chha gaya hai sawad
aaj muslim hain ranj o gham se choor
aur kafir hain khanda zan dilshaad
rooh e islam ho gai mehsoor
kufr ka deyo ho gaya aazad
jo bhi hai dushman e sadaqat hai
deen e haq se hai is ko bughaz o annaad
jhoot ne khoob sir nikala hai
hai sadaqat ki hill gai bunyaad
dushmanan e shari'at e haqa
chahte hain taghalab o ifsaad
is irade pe ghar se nikle hain
deen e islaam ko kren barbaad
hai humare illaaj ka dawa
kehte hain apne aap ko fussaad
magar is fusd k bahane se
kar rahe hain wo kar e sid jallaad
sitam o jaor badh gaya had se
inteha se nikal gai hai daad
hai ghazab hain wo shaiq e bedaad
phir sitan ye keh hain sitan eejaad
phir ye hai qeher zulm kr ke wo
khud humin sehain hote talib e daad
ay khuda shahe makeen o makaan
qadir o kaarsaaz o rubb e ibaad
deen e ahmad(SAW)ka tu he hai baani
pus tumhe se hai fryaad
tera dar chhodh kar kahan jaen
kis se jak kren talab imdaad
(from kalam e mehmood)