here u can also share ur favourite muhabbat shayari
Main kaise bataun ke tum mere kya ho
Mere pyar ki bas ek ilteja ho
Mere dil ne sajde main jaa ke jo maangi hai
Tum mohabbat ki woh pehli pehli dua ho
…………….
Musafir to bicharte hain, rafaqat kab badalti hai
Mohabbat zinda rehti hai, mohabbat kab badalti hai
Tumhi ko chahte hain hum, tumhi se pyar karte hain
Yehi barson se aadat hai aur aadat kab badalti hai
……………
Maghroor hi sahi mujhe accha bohat laga
Woh ajnabhi to tha magar apna bohat laga
Rootha hua tha hans to padha mujhe dekh ker
Mujh ko to is kadar bhi dalasa bohat laga
…………….
Tera pehlu tere dil ki tarah abaad rahe
Tujh pe guzre na qayamat shab-e-tanhai ki
Is ne jalti hui peshani pe jab haath rakha
Rooh tak aa gayi taseer maseehai ki
……………….
Ghum ko ayan hone nahin diya chehre se
Tere dard ko chupane main kamal rakha hai
Kabhi odhi nahin hai azeeyat ki chadar
Ishq ki duniya ko bemisal rakha hai
……………..
Teri chahat, teri khushboo, tera paigham to hai
Tu ho na ho, lab pe tera naam to hai
Teri yaad main aathon peher magan rehna
Main khush hun, mujhe koi kaam to hai
……………….
Yeh phool, yeh khushboo, yeh nagar zehen main rakhna
Agar saath chale ho to safar zehen main rakhna
Her rung bhari cheez ka anjam yehi hai
Titli ka toota hua per zehen main yaad rakhna
……………
