A Collection Of Akther Sheerani Poetry

[Wasif Safi]

Akhtar Shairani was born as Muhammad Dawood Khan in Afghan breed of Shirani tribe who had come to India with Sultan Mahmood Ghaznawi and had stayed back in Tonk. He was a son of Hafiz Mahmood Shairani, a scholar and teacher of high repute, who had started teaching at Islamia College, Lahore in 1921. In 1928 he moved to Oriental College, Lahore. Young Dawood moved to Lahore at a very young age and lived there throughout his life. He did his Munshi Fazil منشی فاضل in 1921 and Adeeb Fazil ادیب فاضل in 1922 (degrees in Arabic and Persian) from Oriental College, Lahore.
Despite the efforts of his father, he could not continue his education and became a full time poet. His teacher in poetry (ustad) was Maulana Tajwar Najibabadi, a well-respected personality in literary circles of Lahore who used to publish literary magazines.

WORKS
As to his skill, Akhtar was quite innovative and introduced new modes in Urdu poetry. At such a green age, he wrote mature and inspiring poetry. He was called شاعرِ رومان (the poet of romance). His best known collections of poetry include Akhtaristan, Subh-e bahaar, and Shahnaz. He had been editor for the literary magazines Intikhab, Bahaaristan, Khyaalistan, and Romaan from 1923 to 1939. He also wrote columns for dailies Hamdard and Zamindar of Maulana Muhammad Ali Johar and Maulana Zafar Ali Khan respectively.
In total, he left nine collections of his verses. In prose, apart from his fictions and translations, his essays on literary, critical and historical subjects are in abundance.

LATER LIFE
Akhtar Shirani's life was a succession of tragedies. His young son Javed Mahmood died, his close friend Mirza Shuja Khan committed suicide, his son in law Naziruddin Shirani was accidentally drowned, and he was rejected by the woman, named Salma, that he loved. That made him turn to alcohol. On his physical and mental condition, Shorish Kashmiri who was a well known literary, political, and social figure of Lahore, wrote that it was better not to see him, since one would be so depressed. He died in Lahore on September 9, 1948.

 

[Wasif Safi]

~~~~~~~~~~~~~~###~~~~~~~~~~~~~~~​

​

kisii se kabhii dil lagaayaa na thaa ​

muhabbat kaa sadamaa uThaayaa na thaa ​

​

hasiino.n ke rone pe ha.Nsate the ham ​

kabhii ek aa.Nsuu bahaayaa na thaa ​

​

ko_ii huur ho yaa parii apanaa sar ​

kisii aastaa.N par jhukaayaa na thaa ​

​

siyaah gesuuo.n ko tamannaa rahii ​

magar dil ko ham ne pha.Nsaayaa na thaa ​

​

zamaane me.n vo kaun thaa zoharaa_vash ​

ke siine se jis ne lagaayaa na thaa ​

​

basar kii sadaa aish-o-isharat me.n umr ​

kabhii ranj ham ne uThaayaa na thaa ​

​

magar ik jhalak ne hame.n kho diyaa ​

ye sadamaa to ham ne uThaayaa na thaa ​

​

kiyaa ishq ke dard me.n mubtilaa ​

"falak tuu ne itanaa ha.Nsaayaa na thaa ​

ke jis ke ivaz yuu.N rulaane lage" ​

​

~~~~~~~~~~~~~~###~~~~~~~~~~~~~~~​

[DOUBLEPOST=1345562763][/DOUBLEPOST]ai ishq na chhe.D aa aa ke hame.n
ham bhuule huo.n ko yaad na kar
pahale hii bahut naashad hai.n ham
tuu aur hame.n naashaad na kar
qismat kaa sitam hii kam nahii.n kuchh
ye taazaa sitam ijaad na kar
yuu.N zulm na kar bedaad na kar
ai ishq hame.n barbaad na kar

jis din se mile hai.n dono.n kaa
sab chain gayaa aaraam gayaa
cheharo.n se bahaar-e-subah ga_ii
aa.Nkho.n se faroG-e-shaam gayaa
haatho.n se Khushii kaa jaam chhuuTaa
ho.nTho.n se ha.Nsii kaa naam gayaa
GamGii.n na banaa naashaad na kar
ai ishq hame.n barbaad na kar

raato.n ko uTh uTh rote hai.n
ro ro kar duaaye.n karate hai.n
aa.Nkho.n me.n tasavvur dil me.n Khalish
sar dhunate hai.n aahe.n bharate hai.n
ai ishq ye kaisaa rog lagaa
jiite hai.n na zaalim marate hai.n
ye zulm to ai jallaad na kar
ai ishq hame.n barbaad na kar

ye rog lagaa hai jab se hame.n
ranjiidaa huu.N mai.n biimaar hai vo
har vaqt tapish har vaqt Khalish
be-Khvaab huu.N mai.n bedaar ha vo
jiine se idhar bezaar huu.N mai.n
maranbe pe udhar tayyaar hai vo
aur zabt kahe fariyaad na kar
ai ishq hame.n barbaad na kar

bedard zaraa insaaf to kar
is umr me.n aur maGmuum hai vo
phuulo.n kii tarah naazuk hai abhii
taaro.n kii tarah masuum hai vo
ye husn sitam ye ranj Gazab
majabuur huu.N mai.n mazaluum hai vo
mazaluum pe yuu.N bedaad na kar
ai ishq hame.n barbaad na kar

ai ishq Khudaaraa dekh kahii.n
vo shoKh hasii.n badanaam na ho
vo maah-e-laqaa badanaam na ho
vo zohraa-jabii.n badanaam na ho
naamuus kaa us ko paas rahe
vo pardaa-nashii.n badanaam na ho
us pardaa-nashii.n ko yaad na kar
ai ishq hame.n barbaad na kar

ummiid kii jhuuThii jannat ke
rah rah ke na dikhalaa Khvaab hame.n
aa_iindaa ke farzii ishrat ke
vaade se na kar betaab hame.n
kahataa hai zamaanaa jis ko Khushii
aatii hai nazar kaamayaab hame.n
chho.D aisii Khushii ko yaad na kar
ai ishq hame.n barbaad na kar

do din hii me.n ahad-e-tifalii ke
maasuum zamaane bhuul gaye
aa.Nkho.n se vo Khushiyaa.N miT sii ga_ii.n
lab ke vo taraane bhuul gaye
un paak bahishtii Khvaabo.n ke
dilchasp fasaane bhuul gaye
un Khvaabo.n se yuu.N aazaad na kar
ai ishq hame.n barbaad na kar

aa.Nkho.n ko ye kyaa aazaar huaa
har jazb-e-nihaa.N par ro denaa
aahang-e-tarab pe jhuk jaanaa
aavaaz-e-fuGaa.N par ro denaa
barbat kii sadaa par ro denaa
mutrib ke bayaa.N par ro denaa
ehasaas ko Gam buniyaad na kar
ai ishq hame.n barbaad na kar

jii chaahataa hai ik duusare ko
yuu.N aaTh pahar ham kare.n
aa.Nkho.n me.n basaaye.n Khvaabo.n ko
aur dil ko Khayaal aabaad kare.n
Khilvat me.n bhii jo jalvat kaa saamaa.N
vahadat ko du_ii se shaad kare.n
ye aarazuue.n ijaad na kar
ai ishq hame.n barbaad na kar

vo raaz hai ye Gam aah jise
paa jaaye ko_ii to Khair nahii.n
aa.Nkho.n se jab aa.Nsuu bahate hai.n
aa jaaye ko_ii to Khair nahii.n
zaalim hai ye duniyaa dil ko
yahaa.N bhaa jaaye ko_ii Khair nahii.n
hai zulm magar fariyaad na kar
ai ishq hame.n barbaad na kar

duniyaa kaa tamaashaa dekh liyaa
GamGii.n sii hai betaab sii hai
ummiid yahaa.N ik vaham sii hai
taskiin yahaa.N ik Khvaab sii hai
duniyaa me.n Khushii kaa naam nahii.n
duniyaa me.n Khushii nayaab sii hai
duniyaa me.n Khushii ko yaad na kar
ai ishq hame.n barbaad na kar
~~~~~~~~~~~~~~###~~~~~~~~~~~~~~~[DOUBLEPOST=1345563037][/DOUBLEPOST]

~~~~~~~~~~~~~~###~~~~~~~~~~~~~~~ ​

dil-o-dimaaG ko ro luu.Ngaa aah kar luu.Ngaa ​

tumhaare ishq me.n sab kuchh tabaah kar luu.Ngaa ​

​

agar mujhe na milii.n tum tumhaare sar kii qasam ​

mai.n apanii saarii javaanii tabaah kar luu.Ngaa ​

​

mujhe jo dair-o-haram me.n kahii.n jagah na milii ​

tere Khayaal hii ko sajdaagaah kar luu.Ngaa ​

​

jo tum se kar diyaa maharuum aasmaa.N ne mujhe ​

mai.n apanii zindagii sarf-e-gunaah kar luu.Ngaa ​

​

raqiib se bhii miluu.Ngaa tumhaare hukm pe mai.n ​

jo ab talak na kiyaa thaa ab aah kar luu.Ngaa ​

​

tumhaarii yaad me.n mai.n kaaT duu.Ngaa hashr ke din ​

tumhaare hijr me.n raate.n siyaah kar luu.Ngaa ​

​

hariim-e-hazarat-e-salamaa kii simt jaataa huu.N ​

huaa na zabt to chupake se aah kar luu.Ngaa ​

​

ye naubahaar ye abr-o-havaa ye rang-e-sharaab ​

chalo jo ho so ho ab to gunaah kar luu.Ngaa ​

​

kisii hasiinaa ke maasuum ishq me.n "Akhtar" ​

javaanii kyaa hai mai.n sab kuchh tabaah kar luu.Ngaa ​

~~~~~~~~~~~~~~###~~~~~~~~~~~~~~~​

[DOUBLEPOST=1345563296][/DOUBLEPOST]~~~~~~~~~~~~~~###~~~~~~~~~~~~~~~
har ek jalvaa-e-rangii.n merii nigaah me.n hai
Gam-e-firaaq kii duniyaa dil-e-tabaah me.n hai

kisii kii yaad-e-karam uf are ma'azallaah
tabaah hoke bhii zaalim dil-e-tabaah me.n hai

hazaar pardo.n me.n o chhupanevaale ye sun le
teraa jamaal mere daaman-e-nigaah me.n hai

jahaa.N me.n mujhe bhii naakaam-e-aarazuu kam hai
na rang aah me.n hai aur na soz aah me.n hai
~~~~~~~~~~~~~~###~~~~~~~~~~~~~~~[DOUBLEPOST=1345563377][/DOUBLEPOST]

~~~~~~~~~~~~~~###~~~~~~~~~~~~~~~​

​

jo bhii buraa bhalaa hai allaah jaanataa hai ​

bande ke dil me.n kyaa hai allaah jaanataa hai ​

​

ye farsh-o-arsh kyaa hai allaah jaanataa hai ​

pardo.n me.n kyaa chhupaa hai allaah jaanataa hai ​

​

jaakar jahaa.N se ko_ii vaapas nahii.n hai aataa ​

vo kaun sii jagaah hai allaah jaanataa hai ​

​

nekii-badii ko apane kitanaa hii tuu chhupaaye ​

allaah ko sab pataa hai allaah jaanataa hai ​

​

ye dhuup-chhao.n dekho ye subah-shaam dekho ​

sab kyuu.N ye ho raha hai allaah jaanataa hai ​

​

kismat ke naam ko to sab jaanate hai.n lekin ​

kismat me.n kyaa likhaa hai allaah jaanataa hai​

~~~~~~~~~~~~~~###~~~~~~~~~~~~~~~​

[DOUBLEPOST=1345563500][/DOUBLEPOST]

~~~~~~~~~~~~~~###~~~~~~~~~~~~~~~​

kaam aa sakii.n na apanii vafaaye.n to kyaa kare.n
ik bevafaa ko bhuul na jaaye.n to kyaa kare.n

mujh ko ye etaraaf duaao.n me.n hai asar
jaaye na arsh par jo duaaye.n to kyaa kare.n

ik din kii baat ho to use bhuul jaaye.n ham
naazil ho.n roz dil pe balaaye.n to kyaa kare.n

shab bhar to un kii yaad me.n taare ginaa kiye
taare-se din ko bhii nazar aaye.n to kyaa kare.n

ahad-e-tarab kii yaad me.n royaa kiye bahut
ab muskuraa ke bhuul na jaaye.n to kyaa kare.n

ab jii me.n hai ki un ko bhulaa kar hii dekh le.n
vo baar baar yaad jo aaye.n to kyaa kare.n

tark-e-vafaa bhii jurm-e-muhabbat sahii "Akhtar"
milane lage.n vafaa kii sazaaye.n to kyaa kare.n

~~~~~~~~~~~~~~###~~~~~~~~~~~~~~~​

[DOUBLEPOST=1345563584][/DOUBLEPOST]

~~~~~~~~~~~~~~###~~~~~~~~~~~~~~~​

kyaa kah ga_ii kisii kii nazar kuchh na puuchhiye ​

kyaa kuchh huaa hai dil pe asar kuchh na puuchhiye ​

​

vo dekhanaa kisii kaa kunakhiyo.n se baar baar ​

vo baar baar us kaa asar kuchh na puuchhiye ​

​

ro ro ke is tarah se kaTii raat kyaa kahe.n ​

mar mar ke kaise kii hai sahar kuchh na puuchhiye ​

​

"Akhtar" dayaar-e-husn me.n pahu.Nche.n to hai.n mar ke ham ​

kyuu.N kar huaa hai tay ye safar kuchh na puuchhiye ​

~~~~~~~~~~~~~~###~~~~~~~~~~~~~~~​

[DOUBLEPOST=1345563799][/DOUBLEPOST]

~~~~~~~~~~~~~~###~~~~~~~~~~~~~~~​

mai.n aarazuu-e-jaa.N likhuu.N yaa jaan-e-aarazuu
tuu hii bataade naaz se iimaan-e-aarazuu

iimaan-o-jaan nisaar terii ik nigaah par
tuu jaan-e-aarazuu hai tuu iimaan-e-aarazuu

ik vo ke aarazuuo.n pe jiite hai.n umr bhar
ik ham ke hai.n abhii se pashemaan-e-aarazuu

aa.Nkho.n se juu-e-Khuu.N hai ravaa.N dil hai daaG daaG
dekhe ko_ii bahaar-e-gulistaan-e-aarazuu

~~~~~~~~~~~~~~###~~~~~~~~~~~~~~~​

 

[Wasif Safi]

~~~~~~~~~~~~~~###~~~~~~~~~~~~~~~​

mastaanaa piye jaa yuu.N hii mastaanaa piye jaa ​

paimaanaa to kyaa chiiz hai maiKhaanaa piye jaa ​

​

kar garq may-o-jaam Gam-e-gardish-e-ayyaam ​

ab ai dil-e-naakaam tuu maiKhaanaa piye jaa ​

​

may-noshii ke aadaab se aagaah nahii.n tuu ​

jis tarah kahe saaqii-e-maiKhaanaa piye jaa ​

​

is bastii me.n hai vahashat-e-mastii hii se hastii ​

diivaanaa ban aur baadaa-e-diivaanaa piye jaa ​

​

maiKhaane ke ha.ngaame.n hai.n kuchh der ke mehamaa.N ​

hai subah qariib "Akhtar" divaanaa piye jaa ​

~~~~~~~~~~~~~~###~~~~~~~~~~~~~~~​

[DOUBLEPOST=1345563969][/DOUBLEPOST]

~~~~~~~~~~~~~~###~~~~~~~~~~~~~~~​

merii shaam-e-Gam ko vo bahalaa rahe hai.n
likhaa hai ye Khat me.n ki ham aa rahe hai.n

Thahar jaa zaraa aur dard-e-furqat
hamaare tasavvur me.n vo aa rahe hai.n

Gam-e-aaqabat hai na fikr-e-zamaanaa
piye jaa rahe hai.n jiye jaa rahe hai.n

nahii.n shikavaa-e-tashnagii mayakasho.n ko
vo aa.Nkho.n se maiKhaane barasaa rahe hai.n

vo rashk-e-bahaar aanevaalaa hai "Akhtar"
ka.Nval hasarato.n ke khile jaa rahe hai.n

~~~~~~~~~~~~~~###~~~~~~~~~~~~~~~​

[DOUBLEPOST=1345564039][/DOUBLEPOST]

~~~~~~~~~~~~~~###~~~~~~~~~~~~~~~​

nik_hat-e-zulf se niindo.n ko basaa de aakar​

merii jaagii huii raato.n ko sulaa de aakar​

​

kis qadar tiiraa-o-taariik hai duniyaa merii​

jalvaa-e-husn kii ik shamaa jalaa de aakar​

​

ishq kii chaa.Ndanii raate.n mujhe yaad aatii hai.n​

umr-e-raftaa ko merii mujh se milaa de aakar​

​

zauq-e-naadiid me.n lazzat to hai magar naaz nahii.n​

aa mere ishq ko maGaruur banaa de aakar​

~~~~~~~~~~~~~~###~~~~~~~~~~~~~~~​

[DOUBLEPOST=1345564302][/DOUBLEPOST]

~~~~~~~~~~~~~~###~~~~~~~~~~~~~~~​

vo kahate hai.n ranjish kii baate.n bhulaa de.n​

muhabbat kare.n Khush rahe.n muskuraa de.n​

​

javaanii ho gar jaavidaanii to yaa rab​

terii saadaa duniyaa ko jannat banaa de.n​

​

shab-e-vasl kii beKhudii chhaa rahii hai​

kaho to sitaaro.n kii shamae.N bujhaa de.n​

​

tum afsaanaa-e-qais kyaa puuchhate ho​

idhar aao ham tum ko lailaa banaa de.n​

​

bahaare.n simaT aaye.N khil jaaye.N kaliyaa.N​

jo ham tum chaman me.n kabhii muskuraa de.n​

​

vo aaye.nge aaj ai bahaar-e-muhabbat​

sitaaro.n ke bistar me.n kaliyaa.N bichha de.n​

~~~~~~~~~~~~~~###~~~~~~~~~~~~~~~​

 

[SUBHAANA]

Mashallah
Zabardast ji
Torhi boht juch poetry parhi main ne boht Achi lagi mijhe

Ye mujhe boht acha laga

dil-o-dimaaG ko ro luu.Ngaa aah kar luu.Ngaa
tumhaare ishq me.n sab kuchh tabaah kar luu.Ngaa

 

[Wasif Safi]

Mashallah
Zabardast ji
Torhi boht juch poetry parhi main ne boht Achi lagi mijhe

Ye mujhe boht acha laga

dil-o-dimaaG ko ro luu.Ngaa aah kar luu.Ngaa
tumhaare ishq me.n sab kuchh tabaah kar luu.Ngaa

Haan Asoom mujhe bhi bohot achi lagi inki poetry

 

[Ghazal_Ka_Chiragh]

Assalamo alaikum Wasif bhai

ahaan behadd pyaari collection peish ki

eik ghazal ke ilaawa sub umdah o aala hai . . .