ﯾﺎﺭ ﮐﻮ ﮨﻢ ﻧﮯ ﺟﺎ ﺑﺠﺎ ﺩﯾﮑﮭﺎ
ﮐﮩﯿﮟ ﻇﺎﮨﺮ ﮐﮩﯿﮟ ﭼﮭﭙﺎ ﺩﯾﮑﮭﺎ
ﮐﮩﯿﮟ ﻣﻤﮑﻦ ﮨﻮﺍ ﮐﮩﯿﮟ ﻭﺍﺟﺐ
ﮐﮩﯿﮟ ﻓﺎﻧﯽ ﮐﮩﯿﮟ ﺑﻘﺎ ﺩﯾﮑﮭﺎ
ﺩﯾﺪ ﺍﭘﻨﮯ ﮐﯽ ﺗﮭﯽ ﺍﺳﮯ ﺧﻮﺍﮨﺶ
ﺁﭖ ﮐﻮ ﮨﺮ ﻃﺮﺡ ﺑﻨﺎ ﺩﯾﮑﮭﺎ
ﺻﻮﺭﺕِ ﮔُﻞ ﻣﯿﮟ ﮐﮭﻞ ﮐﮭﻼ ﮐﮯ ﮨﻨﺴﺎ
ﺷﮑﻞ ﺑﻠﺒﻞ ﻣﯿﮟ ﭼﮩﭽﮩﺎ ﺩﯾﮑﮭﺎ
ﺷﻤﻊ ﮨﻮ ﮐﺮ ﮐﮯ ﺍﻭﺭ ﭘﺮﻭﺍﻧﮧ
ﺁﭖ ﮐﻮ ﺁﭖ ﻣﯿﮟ ﺟﻼ ﺩﯾﮑﮭﺎ
ﮐﺮ ﮐﮯ ﺩﻋﻮﯼٰ ﮐﮩﯿﮟ ﺍﻧﺎﻟﺤﻖ ﮐﺎ
ﺑﺮ ﺳﺮِ ﺩﺍﺭ ﻭﮦ ﮐﮭﻨﭽﺎ ﺩﯾﮑﮭﺎ
ﺗﮭﺎ ﻭﮦ ﺑﺮﺗﺮ ﺷﻤﺎ ﻭ ﻣﺎ ﺳﮯ ﻧﯿﺎﺯ
ﭘﮭﺮ ﻭﮨﯽ ﺍﺏ ﺷﻤﺎ ﻭ ﻣﺎ ﺩﯾﮑﮭﺎ
ﮐﮩﯿﮟ ﮨﮯ ﺑﺎﺩﺷﺎﮦ ﺗﺨﺖ ﻧﺸﯿﮟ
ﮐﮩﯿﮟ ﮐﺎﺳﮧ ﻟﺌﮯ ﮔﺪﺍ ﺩﯾﮑﮭﺎ
ﮐﮩﯿﮟ ﻋﺎﺑﺪ ﺑﻨﺎ ﮐﮩﯿﮟ ﺯﺍﮨﺪ
ﮐﮩﯿﮟ ﺭﻧﺪﻭﮞ ﮐﺎ ﭘﯿﺸﻮﺍ ﺩﯾﮑﮭﺎ
ﮐﮩﯿﮟ ﻭﮦ ﺩﺭ ﻟﺒﺎﺱِ ﻣﻌﺸﻮﻗﺎﮞ
ﺑﺮ ﺳﺮِ ﻧﺎﺯ ﺍﻭﺭ ﺍﺩﺍ ﺩﯾﮑﮭﺎ
ﮐﮩﯿﮟ ﻋﺎﺷﻖ ﻧﯿﺎﺯ ﮐﯽ ﺻﻮﺭﺕ
ﺳﯿﻨﮧ ﺑﺮﯾﺎﮞ ﻭ ﺩﻝ ﺟﻼ ﺩﯾﮑﮭﺎ