تمھارے حسن کے نام
سلام کرتا ہے شاعر تمھارے حسن کے نام
بکھر گیا جو کبھی رنگِ پیرہن سرِبام
نکھر گئی ہے کبھی صبح، دوپہر کبھی شام
کہیں جو قامتِ زیبا پہ سج گئی ہے قبا
چمن میں سرو صنوبر سنور گئے ہیں تمام
بنی بساطِ غزل جب ڈبو ئے دل نے
تمھارے سایہِ رخسار و لب میں ساغر و جام
سلام کرتا ہے شاعر تمھارے حسن کے نام !
تمھارے ہاتھ پہ ہے تابشِ حنا جب تک
جہاں میں باقی ہے دلداریِ عروسِ سخن
تمھارا حُسن جواں ہے تو مہرباں ہے فلک
تمھارا دم ہے تو دمساز ہے ہوائے وطن
اگرچہ تنگ ہیں حالات، سخت ہیں آلام
تمھاری یاد سے شیریں ہے تلخیِ ایّام
سلام کرتا ہے شاعر تمھارے حسن کے نام !
فیض احمد فیض
بکھر گیا جو کبھی رنگِ پیرہن سرِبام
نکھر گئی ہے کبھی صبح، دوپہر کبھی شام
کہیں جو قامتِ زیبا پہ سج گئی ہے قبا
چمن میں سرو صنوبر سنور گئے ہیں تمام
بنی بساطِ غزل جب ڈبو ئے دل نے
تمھارے سایہِ رخسار و لب میں ساغر و جام
سلام کرتا ہے شاعر تمھارے حسن کے نام !
تمھارے ہاتھ پہ ہے تابشِ حنا جب تک
جہاں میں باقی ہے دلداریِ عروسِ سخن
تمھارا حُسن جواں ہے تو مہرباں ہے فلک
تمھارا دم ہے تو دمساز ہے ہوائے وطن
اگرچہ تنگ ہیں حالات، سخت ہیں آلام
تمھاری یاد سے شیریں ہے تلخیِ ایّام
سلام کرتا ہے شاعر تمھارے حسن کے نام !
فیض احمد فیض
