Ummm Kabhi Bohat gurbat ka samna huwa hai zindagi main ??
Allah ka lakh ehsan he hamesha rehmaton ke saye me rahy hen.. aur Duniyavi mushkalat ka kuch zyada samna nahi hua (Siway Exams ke
) yeh to nahi he ke Monh me Sone ka CHamcha aur Hathon me Chandi ke thaal pakdey paida hua hon .. ya Unglion me Neelam o Pakhraj ki Angoothiyan aur galey me Suchey motion ki Maala pehny warid hua hon.. magar Alhamdolillah Mohaashi estehkaam naseeb raha.. Kirdaar ki Tashkeel Walida Mohterma ne apny haath rakhi jo khud Shah'er e Islami par karband rehny ki maqdoor bhar koshish karti hen aur hamen b paband banaya.. to is liye is department me be Allah ka Ehsan sham e haal raha.. han jo Naujawani ka Khasa hoti hen kuch Shararten ya keh len Mastiyan wo Badarja Uttam mojood rahin
so mere liye Deen aur Duniya dono sath sath rahy aur Khush kismati se kahin koi aisa moqa nahi aaya jis ko aap ne poocha
Aap kis had tak is baat se mutmain hain k JO DIKHTA HAI WO NAHI HOTA AUR JO HOTA HAI WO Nahi dikhta ?
aap ko kis ne keh diya ke me is baat se Mutma'en hon..
me to is baat ka strong believer hon ke jo Hota he wo dikhna nahi chhye.. Har insaan ki zaat us ke ander bahut se bhaid rakhti he.. aisi baaten ya keh len jo Khoobion me shumaar hoti hen wo to har koi aaj doosrey ke samney rakhna bahut pasand kart a he.. (Kuch logon ko chor kar) magar apni Shaksiyat ki Kajjiyan ya Kotahiyan to koi b khol ke biyaan karna pasand nahi karta na.. to indirectly Jo hota he wo kabi kisi ko dikh hi nahi sakta.. apny bahut pyaron.. bahut kareeb rahny walon ko bhi nahi.. ham sab .. i say SAB ki zaat ke ooper ek honey coated layer mojood he.. han thickness differs
.. like me.. is sarey interview me mera nahi khyaal ke me ne apny bare me koi Negative baat share ki ho.. har side se sugar coated hi lag raha hon.. magar aisa nahi he ke mere ander koi khami hi nahi he.. ya i m the perfect child alive on teh face of this planet.. zaroor hen .. magar wo mere bhaid hen.. jo me sirf apney aap tak hi rakhan pasand karon ga.. aur Allah se duagoo b rahon ga ke mera parda rakhey.. so .. jo hota he wo KABHI BHI nahi dikhta.. haan magar in addition jo jo Nahi hota .. wo chahey dikh b raha ho magar zyada arse tak nahi dikhta..
jaisey wo kehty hen naa ke Jhoot ke paaon kahan.. likhna chahon to is par aur kitny hi safhey kaley kar don.. magar thodey likhey ko bahut samajna.. ke yehi Aqalmandon ki nishani he
@
ShiXu_MiXu